بىزدە «ساقال-بۇرۇت ئەرلەرنىڭ كۆركى» دەيدىغان گەپ بار. ئەمما، تۇرمۇشتا بىر قىسىم كىشىلەر ئەرلەرنىڭ ساقال-بۇرتىنى جىنسىي ئىقتىدار بىلەن باغلاپ، ساقال-بۇرتى ئاز، شالاڭ ئەرلەرنى جىنسىي ئىقتىدارى ئاجىز دەپ قارىشىدۇ.

ئۇنداقتا بۇ خىل قاراش توغرىمۇ؟
ساقال-بۇرتنىڭ ئۆسۈشى ئەرلىك ھورموننىڭ ئاجرىلىشى بىلەن زىچ مۇناسىۋەتلىك بولۇپ، كىشىنىڭ ئەرلىك ھورمونى قانچە كۆپ ئاجرالسا، ساقال-بۇرتى شۇنچە كۆپ، تېز ئۆسىدۇ. ساقال-بۇرتنىڭ ئۆسۈشى يەنە بىر مۇھىم ئامىلنىڭ تەسىرىگە ئۇچرايدىغان بولۇپ، ئۇ بولسىمۇ تۈك خالتىسى قوبۇللىغۇچىسىدۇر. تۈك خالتىسى قوللىغۇچىسى قانچە كۆپ بولسا، ساقال-بۇرت شۇنچە قويۇق ئۆسىدۇ. دەل مۇشۇ تۈك خالتىسى قوبۇللىغۇچىسى سەۋەبىدىن، ئەرلىك ھورمون ئوبدان ئاجرىلىۋاتقان ئەرلەرنىڭمۇ ساقال-بۇرتى ھەرخىل بولىدۇ. بۇ خىل تۈك خالتىسى قوبۇللىغۇچى كۆپ بولسا قويۇق، ئاز بولسا شالاڭراق بولىدۇ.
شۇڭلاشقا، نۇقۇل ھالدا ساقال-بۇرتنىڭ ئاز-كۆپلۈكىگە قاراپ، جىنسىي ئىقتىدارنىڭ كۈچلۈك-ئاجىزلىقىغا ھۆكۈم قىلىش ئىلمىي ئەمەس. 

ساقال-بۇرتنى ئۆستۈرۈشنىڭ ئېپى
ئەرلىك ھورمون ئاجرىلىشى يېتەرسىز بولۇشىدىن ساقال-بۇرتى ئازراق بولغان كىشىلەر كۈندۈلۈك تۇرمۇشتا ھايۋان جىگىرى، ھايۋان ئىچكى ئەزالىرىغا ئوخشاش تەركىبىدە ئادرېنالىن (肾上腺素) ۋە جىنسىي ھورمون كۆپ بولغان يېمەكلىكلەرنى ئىستېمال قىلىپ بەرگەندە، ئىپتىدائىي ئۇرۇق ھۈجەيرىسىنىڭ بۆلۈنىشى ۋە يېتىلىشىنى ئىلگىرى سۈرىدۇ.

مەسىلەن، قۇلۇلە، كالا گۆشى، كالا سۈتى، توخۇ گۆشى، توخۇ جىگىرى، تۇخۇم سېرىقى قاتارلىقلار ئەرلىك ھورموننىڭ ئاجرىلىشىنى ئىلگىرى سۈرۈپ، ساقال-بۇرتنىڭ ئۆسۈشىنى تېزلىتىدۇ.