ياخشىمۇسىز ، ئاشپەز تور بېكىتىگە بېكىتىگە خۇش كەلدىڭىز
ئاشپەز تورى

ساغلاملىق

نۆۋەتتىكى ئورنىڭىز : 首页 » ساغلاملىق  » خانىم-قىزلار
تىرىسىنى ئاق ساقلىيالىغان ئاياللارنىڭ بۇ تۆت خىل ئادىتى بار
مەنبەسى : ئاشپەز تورىيوللىغۇچى : تەمزاتبەگ ۋاقتى : 2019-08-10كۆرۈلىشى : قېتىم
   بىز ھەمىشە، "بىر ئاقلىق بارلىق ئەيىبلەرنى ياپىدۇ" دىگەن گەپنى ئاڭلايمىز؛ شۇڭا، مۇتلەق كۆپ قىسىم قىزلار، ئۆزىنىڭ تىرىسىنىڭ سۈتتەك ئاپئاق بولۇشىنى ئۈمىد قىلىدۇ. بىراق، تىرىنىڭ ئاق بولۇشى ئۈچۈن، بەلگىلىك تىرىشچانلىق كۆرسىتىش لازىم بولۇپ، تۇغۇلما تىرە رەڭگى ئۇنچە ئاق بولۇپ كەتمىگەن خانىم-قىزلارمۇ، كىيىنكى مەزگىللىك تىرىشچانلىق ئارقىلىق، تىرىسىنى ئاقارتىش ئۈنۈمىگە ئىرىشەلەيدۇ. ئادەتتە، تىرىسى بارغانسىرى ئاقىرىپ كىتىپ بارغان خانىم-قىزلارنىڭ، تۆۋەندىكىدەك تۆت خىل ئادىتى بار.
ۋىيتامىن تەركىبى مول بولغان مىۋە-كۆكتاتلارنى كۆپ ئىستىمال قىلىدۇ
   ئادەتتە، ھەرخىل تىرە ئاقارتىش مەھسۇلاتلىرىنى ئىشلىتىش، سىرتقى جەھەتتىن تەڭشەش ئېلىپ بېرىش ھىسابلىنىدىغان بولۇپ، بۇندىن باشقا، ئىچكى جەھەتتىن تەڭشەشمۇ ئىنتايىن مۇھىمدۇر. ئەگەر بىز كۈندىلىك تۇرمۇشىمىزدا، ۋىيتامىن تەركىبى مول بولغان مىۋە-كۆكتاتلارنى كۆپرەك ئىستىمال قىلىپ بەرسەك، تىرىمىزنى تېخىمۇ ئاق قىلغاندىن باشقا، يەنە بەدەننىڭ ئىممونت كۈچىنى ئاشۇرىدۇ. گەرچە ئۈنۈمى ناھايىتى كۆرۈنەرلىك بولمىسىمۇ، ئەمما بەلگىلىك رول ئوينايدۇ؛ ئۇنىڭ ئۈستىگە، ئەگەر مىۋە-كۆكتات ئىستىمال قىلمىساق، تىرىمىزنىڭ ئاق بولۇشى تېخىمۇ تەسكە توختايدۇ.
تىرىگە سۇ تۇلۇقلاشقا ئەھمىيەت بىرىش
   ئەگەر تىرىدە سۇ كەمچىل بولسا، تىرىنىڭ قۇرغاقلىشىپ ئۆڭۈپ كىتىشىنى كەلتۈرۈپ چىقىرىشتىن باشقا، يەنە تىرىنىڭ قېرىپ كىتىشىنىمۇ تىزلىتىپ، ھەرخىل قورۇقچىلارنى پەيدا قىلىدۇ. شۇڭا، تىرىگە سۇ تۇلۇقلاش ئىنتايىن مۇھىم. بولۇپمۇ قىش پەسىلىدە تىرىگە سۇ تۇلۇقلاش تېخىمۇ مۇھىم بولۇپ، ئەتىگەنلىك كەچلىك نەملىك ساقلاش ۋە كۈن ئاتلاپ سۇتۇلۇقلاش يۈز چاپلىقى چاپلاش كەم بولسا بولمايدۇ.
ئاپتاپتا كۈيۈشتىن ساقلىنىشقا ئەھمىيەت بىرىش
   ئاپتاپتا كۈيۈشتىن ساقلىنىش، ھەربىر ئايال كىشىگە نىسبەتەن ئىنتايىن مۇھىم؛ بىز ياز كۈنلىرى ئاپتاپتا كۈيۈشتىن ساقلىنىش بىلەن بىرگە، باشقا پەسىللەردىمۇ ئاپتاپتا كۈيۈشنىڭ ئالدىنى ئېلىشنى بوشاشتۇرۇپ قويماسلىقىمىز كىرەك. شۇڭا، ئادەتتە سىرتقا چىققاندا، ئاپتاپتا كۈيۈشتىن ساقلىنىش مەلھىمى سۈرۈش كەم قالسا بولمايدۇ. چۈنكى، قۇياش نۇرى تەركىبىدىكى ئۇلتىرا بىنەپشە نۇرى، بىزنىڭ تىرىمىزنى قارايتىپلا قالماي، يەنە تىرىنىڭ قېرىپ كىتىش سۈرئىتىنىمۇ تىزلەشتۈرۋىتىدۇ.
ئوكسىگىنلىك ھەرىكەتلىنىشنى ئۈزۈپ قويماسلىق
    بەدەن شەكلىڭىز قانداق بولۇشىدىن قەتئىنەزەر، كۈندە ئازدۇر-كۆپتۇر ئوكسىگىنلىق ھەرىكەتلىنىش ئېلىپ بېرىش، خانىم-قىزلارغا نىسبەتەن ئىنتايىن مۇھىمدۇر. بۇنىڭدا، بەدەن شەكلىمىزنىڭ گۈزەللىكىنى ساقلاپ قېلىشقىلا بولماي، يەنە بەدەننىڭ مىتابولىزىمىنى تىزلىتىپ، بەدەندىكى زەھەرلىك ماددىلارنىڭ بەدەن سىرتىغا چىقىرىلىشىنى ئىلگىرى سۈرىدۇ. بۇنىڭدا، تىرىمىز تەبىئيلا ياخشىلىنىپ كىتىدۇ.

ساغلاملىق ۋە تۇرمۇش

بارلىق ھوقوق شىنجاڭ تەمزات مەدىنىيەت تارقىتىش چەكلىك شىركىتى ئاشپەز تور بېكىتىگە تەۋە ئېلان ئالاقە نومۇرى:13999072821 ،新疆塔穆扎提文化传媒有限公司 厨师网站

ئۈرۈمچى شەھىرى 335-نومۇر .ئاقتاش گۇللىكى 6-قەۋەت i ئىشخانا 乌鲁木齐市天山区胜利路355号白玉华庭B座601室

Copyright (c)2009-2018 Www.Axpaz.Cn All rigths | E_Mail: 1436218124@qq.com

تور بېكىتىمىزگە يوللانغان بارلىق تائاملار توردىن يىغىلمىغان بولۇپ، ئەگەررۇخسەتسسىز كۇچۇرسىڭىز قانۇنى جاۋاپكارلىققا تارتىلىسىز ھوقۇق - مەنپەتىمىزگە دەخلى يەتكۇزگەن
ھەرقانداق توربەت سالونلار بولسا دەرھال پاش قىلىپ بىر تەرەپ قىلىنىدۇ .
新ICP备15004026号-1   新公网安备 65010202000516号