بالىلارنىڭ تېرىسى يۇمران، ئىممۇنىتېت كۈچى ئاجىز، شۇ سەۋەبلىك كۆپىنچە تېرە ئاسراش مەھسۇلاتلىرى بالىلاردا ئەكس تەسىر پەيدا قىلىدۇ، شۇڭا ئاتا-ئانىلار بالىلار مەھسۇلاتلىرى سېتىۋالغاندا تەركىبىدە ئاقارتقۇچى ۋە چېچەك يوقىتىش ئۈنۈمىگە ئىگە مەھسۇلاتلارنى سېتىۋالماسلىقى كېرەك. بۇنىڭ ئۈچۈن تۆۋەندىكىلەرگە دىققەت قىلىش كېرەك:

   تەييارلاش ئۇسۇلىغا قاراش كېرەك. بىر خىل تەركىبلىك مەھسۇلاتلارنى قانچىكى كۆپ ئىشلەتسە، شۇنچىلىك پايدىلىق، چۈنكى بۇ خىلدىكى مەھسۇلاتلارنىڭ تېرىگە بولغان غىدىقلاش تەسىرى ئانچە كۈچلۈك ئەمەس. ئۇنىڭدىن باشقا، بالىلار تېرە ئاسراش مەھسۇلاتلىرىنى سېتىۋالغاندا ئىمكانقەدەر تەركىبىگە پۇراقلىق ماتېرىيال، ئىسپىرت، پىگمېنت قاتارلىقلارنىڭ قوشۇلغان -قوشۇلمىغانلىقىغا دىققەت قىلىش كېرەك. تەبىئىي ئۆسۈملۈكتىن تەييارلانغان مەھسۇلاتلار ئەڭ مۇۋاپىق.

   بالىلار تېرە ئاسراش مەھسۇلاتلىرى تەركىبىدە سۇ مىقدارى كۆپ بولىدۇ، شۇڭا سۈركىگەندە ئازراق سۈرۈش كېرەك. يەنە مەھسۇلاتنى ئىشلىتىشتىن بۇرۇن دوختۇردىن مەسلىھەت سوراش، ئەگەر باشقىچە ئەھۋال كۆرۈلسە، دەرھال تەكشۈرتۈش كېرەك.
   مەھسۇلات چۈشەندۈرۈلۈشىگە تەپسىلىي قاراش كېرەك. ئىمكانقەدەر خىمىيەلىك ماددىلار قوشۇلمىغان مەھسۇلاتلارنى سېتىۋېلىش، ئۇنىڭدىن باشقا مەھسۇلات ئىجازەت نومۇرى، تەركىبى، ئىشلىتىش ۋاقتى قاتارلىقلارغا قاراش، مەھسۇلات ئورالمىسىغا ئىشلەتكەن ماتېرىيالنىڭ زەھەرلىك ياكى ئەمەسلىكىگە دىققەت قىلىش كېرەك.