ئاياللار يىڭى تۇغۇپ ياتقان ۋاقىتتا، تۆۋەندىكى تۆت ئىشقا سەل قاراشقا بولمايدۇ؛ بولمىغاندا، كىيىنلىك ساغلاملىقىغا قايتۇرۋالىغىلى بولمايدىغان زىيانلارنى ئېلىپ كىلىدۇ.
قارا شىكەر سۈيىنى كۆپ ئىچمەسلىك كىرەك
    تۇغۇتتىن كىيىنكى نەچچە كۈندە، تۇغۇتلۇق ئايال قارا شىكەر سۈيى ئىچىپ بەرسە بەدەنگە پايدىلىق بولىدۇ؛ بىراق، مىقدارى بەك كۆپ بولۇپ كەتسە، ئەكسىچە تۇغۇتلۇق ئايالغا زىيانلىق تەسىر كۆرسىتىدۇ. ھازىرقى تۇغۇتلۇق ئاياللار كۆپىنچە تۇنجى تۇغۇت بولغاچقا، ئۇلارنىڭ بالىياتقۇسىنىڭ يېغىلىپ تارىيىش ئىقتىدارى كۆپىنچە ياخشى بولىدۇ، بالىياتقۇ بوشلۇقىدا قالغان قاننىىڭ رەڭگى ۋە مىقدارىمۇ نىسبەتەن نورمال دائىردە بولىدۇ؛ بۇنداق ئەھۋالدا ئەگەر قارا شىكەر سۈيىنى كۆپ ئىچىۋالغاندا، بالىياتقۇ بوشلۇقىدا ئۇيۇپ قالغان قانلارنى سىرتقا چىقىرىش مىقدارى ئېشىپ كىتىپ، ئاستا خارەكتىرلىك قان ئازلىق كىسىلىنى كەلتۈرۈپ چىقىرىدۇ ھەمدە بالىياتقۇنىڭ ئەسلىگە كىلىشىگىمۇ تەسىر يەتكۈزىدۇ.

تازىلىققا ئالاھىدە دىققەت قىلىش
   تۇغۇتتىن كىيىن خېلى بىر مەزگىلگىچە يۇيۇنماسلىقمۇ، ئۆزگەرتىشكە تىگىشلىك بىر ئادەتتۇر. يىڭى تۇغۇتلۇق ئايال كۈتۈنۈش مەزگىلىدە كۆپ تەرلەيدۇ، بۇنىڭغا ئانا سۈتى ئېقىپ كىتىش ۋە چىللە خۇنى قوشۇلۇپ، ئادەمنىڭ بەدىنى تۇتسا قول چاپلىشىدىغان بولۇپ قالىدۇ ھەم غەلىتە پۇراقلار پەيدا بولىدۇ؛ بۇ ئەھۋال، تۇغۇتلۇق ئايالنىڭ كەيپىياتىغا تەسىر يەتكۈزۈپ، تۇغۇتتىن ئەسلىگە كىلىشكە پايدىسىز بولىدۇ. ھازىر تۇرمۇش شارائىتى ئومۇميۈزلۈك ياخشى، يۇيۇنغان ۋاقىتتا سۇغۇققا توڭۇپ قېلىش ئىھتىماللىقى ئىنتايىن تۆۋەن؛ شۇڭا، يىڭى تۇغۇتلۇق ئايال كۈتۈنۈش مەزگىلىدىمۇ مۇۋاپىق تۈردە يۇيۇنۇپ ، شەخسىي تازىلىققا دىققەت قىلىشى كىرەك.

كارۋاتتا يېتىۋىلىپ ھەرىكەت قىلماسلىقتىن ساقلىنىش
    ئوپراتسىيە قىلدۇرۇپ تۇغقان بەزى ئاياللار كەسكەن ئېغىزنىڭ يېرىلىپ كىتىشىدىن ئەنسىرەپ ياكى ئاغرىقتىن قورقۇپ، تۇغۇتتىن كىيىن خېلى ئۇزۇن ۋاقىتقىچە كارۋاتتىن چۈشمەي يېتىۋالىدۇ. بۇ خىل قىلمىشنىڭ، ئوپراتسىيەدىن كىيىنكى ئۈچەينىڭ چاپلىشىۋىلىشىنى كەلتۈرۈپ چىقىرىش ئىھتىماللىقى ئىنتايىن يۇقىرى. توغرا بولغان ئۇسۇل بولسا، ئوپراتسىيەدىن كىيىن سىزىمى ئەسلىگە كەلگەندە، پۇت قوللىرىنى ھەرىكەتلەندۈرۈشكە باشلىشى، 24سائەتتىن كىيىن ئۆرۈلۈشنى ۋە ئولتۇرۇشنى سىناپ كۆرۈشى ھەمدە كارۋاتتىن چۈشۈپ مېڭىپ بېقىشنى سىناپ بېقىشى كىرەك. چۈنكى، مۇۋاپىق تۈردە ھەرىكەتلىنىش، ئۈچەينىڭ بىر-بىرىگە چاپلىشىۋىلىشىنىڭ ئالدىنى ئالىدىغان بولۇپ، يەل يۈرۈشۈشكە ۋە تۇغۇتلۇق ئايالنىڭ ماغدۇرىنىڭ ئەسلىگە كىلىشىگە پايدىلىق بولىدۇ.