ئەسسالامۇ ئەلەيكۇم ، ئاشپەز تور بېكىتىگە بېكىتىگە خۇش كەلدىڭىز : بۈگۈن :
ئاشپەز تورى

ساغلاملىق

نۆۋەتتىكى ئورنىڭىز : 首页 » ساغلاملىق  » ئانا-بالىلار
بالىلارنى بارغانسىرى ئۇرۇقلىتىۋىتىدىغان ئۈچ خىل ئۇششاق يىمەكلىك
مەنبەسى : ئاشپەز تورىيوللىغۇچى : تەمزاتبەگ ۋاقتى : 2019-08-12كۆرۈلىشى : قېتىم
    بەزى ئاتا-ئانىلار ناھايىتى ئەجەبلىنىپ قالىدۇ: ئۇلار بالىسىغا ئۇششاق يىمەكلىكنى ناھايىتى ئاز يىگۈزىدۇ، يۇقىرى تۇز، يۇقىرى ئىنىرگىيە تەركىبلىك ۋە ئاسان ھەزىم بولمايدىغان قوشۇمچە يىمەكلىكلەرنىمۇ قالايمىقان يىگۈزمەيدۇ، ئەمما ئۇلارنىڭ بالىسىنىڭ ئۆسۈپ-يىتىلىشى ھامان باشقا بالىلارنىڭ كەينىدە قالىدۇ.

   بۇنىڭدىكى سەۋەپ، ئۇلارنىڭ ھەمىشە بالىسىغا تۆۋەندىكى ئۈچ خىل يىمەكلىكنى يىگۈزگەنلىكىدە؛ بۇ ئۈچ خىل يىمەكلىكنى، نۇرغۇن كىشىلەر ئۇزۇقلۇقى ياخشى دەپ خاتا قارىۋالغان بولۇپ، ئەمىلىيەتتە بولسا بالىلارغا يىتەرلىك دەرىجىدە ئۇزۇقلۇق يەتكۈزۈپ بىرەلمەيدۇ.
قۇرۇق شىفەن
   قۇرۇق شىفەن ھەقىقەتەن ئاسان ھەزىم بولىدۇ ھەمدە بالىلارنى قوقاقلاتمايدۇ، شۇڭا ئاز بولمىغان ئاتا-ئانىلار قۇرۇق شىفەننى بالىسىنىڭ دائىملىق قوشۇمچە يىمەكلىكى قىلىۋالىدۇ. بىراق، ئۇنىڭ ئۇزۇقلۇق زىچلىقى ئىنتايىن تۆۋەن بولۇپ، پەقەت كىراخمال بىلەن سۇلا بار، بالىلارنىڭ ئۆسۈپ-يىتىلىش ئىھتىياجىنى ئەسلا قامدىيالمايدۇ. بۇندىن باشقا، قۇرۇق شىفەن تەركىبىدە زور مىقداردا سۇ بار بولغاچقا، بالىلارنىڭ قوسىقى ئاسانلا تۇيۇنۇش ھىس قىلىپ، كۆپىنچە ھاللاردا قۇرۇق شىفەن ئىچىپ بولغاندىن كىيىن سۈت ئىمىشنى خالىمايدۇ، سۈت ئىمىش مىقدارىغا ئېغىر دەرىجىدە تەسىر كۆرسىتىدۇ. ھېچقانداق ئۇزۇقلۇق قىممىتى يوق قۇرۇق شىفەننى بالىلارنىڭ ئاساسلىق قوشۇمچە يىمەكلىكى قىلىۋالساق، بالىنىڭ ئۆسۈپ-يىتىلىشى تەبىئىيلا ئاستىلاپ كىتىدۇ.
مىۋە شەربىتى
   ئۆيدە سىقىپ چىقىرىلغان مىۋە شەربىتى، تەبىئى ھەم قوشۇندى ماددىلىرى يوق بولغاچقا، نۇرغۇن ئاتا-ئانىلار، مىۋە شەربىتىنى بالىلارغا نىسبەتەن ئىنتايىن ياخشى قۇشۇمچە يىمەكلىك دەپ قارايدۇ.
   بىراق، مىۋە شەربىتى سىقىش جەريانىدا، مىۋە گۆش قىسمى تاشلىۋىتىلىدىغان بولغاچقا، ئارىسىدىكى ئىرىشچانلىقى تۆۋەن يىمەكلىك تالا ماددىلىرىنىڭ ھەممىسى بىللە تاشلىۋىتىلىدۇ؛ بۇنىڭ بىلەن بىرگە، ئىرىشچانلىقى يۇقىرى يىمەكلىك تالا ماددىلىرى بىلەن ۋىيتامىن C قاتارلىقلارمۇ بەلگىلىك دەرىجىدە خوراپ بۇزغۇنچىلىققا ئۇچرايدۇ. بۇنداق ئەھۋالدا، مىۋىنىڭ ئەسلى ئۇزۇقلۇق قىممىتى، زور دەرىجىدە تۆۋەنلەپ كىتىدۇ.

   ئومۇملاشتۇرۇپ ئېيتقاندا، مىۋە شەربىتىنى بەك ياخشى قۇشۇمچە يىمەكلىك دەپ كەتكىلى بولمايدۇ. ئەگەر ئاتا-ئانىلار بالىسىغا مىۋە يىگۈزمەكچى بولسا، ئۇنى سىقىپ شەربىتىنى چىقارماي، ئىزىپ بەرسە بولىدۇ؛ ياكى بالا ئازراق چوڭ بولغاندىن كىيىن، مىۋىنى ئۇششاق ياكى نىپىز ياپراقچە قىلىپ توغراپ بەرسە بولىدۇ. بۇنىڭدا، مىۋىنىڭ ئەسلىدىكى ئۇزۇقلۇق قىممىتىنى ساقلاپ قېلىش بىلەن بىرگە، بالىلارنىڭ چايناش ئىقتىدارى ۋە قولىدا تۇتۇش ئىقتىدارىنى مەشىقلەندۈرگىلى بولىدۇ.
   ئەلۋەتتە، بۇنداق دىگىنىمىز، مىۋە شەربىتىنى قەتئى ئىچمەسلىكى كىرەك دىگەنلىك ئەمەس. ناگاندا بىر مىۋە شەربىتى ئىچكۈزۈپ قويساق، ھەرخىل قوشۇندى ماددىلىرى بار قالايمىقان ئىچىملىكلەرنى ئىچكۈزگەندىن ياخشى بولىدۇ.
كۆكتات سۈيى
   نۇرغۇن ئانىلار ناھايىتى خۇراپى بولۇپ، كۆكتاتنى سۇدا قاينىتىپ، بالىسىغا كۆكتاتنىڭ تەمىنى ئىچۈرىدۇ ھەمدە بۇ خىل كۆكتات سۈيىنى ئۇزۇقلۇق تۇلۇقلايدىغان ۋە قەۋزىيەتنى ياخشىلايدىغان بولىدۇ دەپ قارايدۇ.
   ئەمىلىيەتتە ئۇنداق ئەمەس. كۆكتاتنى سۇدا قايناتساق، كۆكتات يۈز قىسمىدىكى قالدۇق دېھقانچىلىق دورىلىرى، ئوت كىسلاتاسى قاتارلىقلار سۇدا ئىرىپ چىقىدۇ؛ بۇنداق ئەھۋالدا، بۇ خىل كۆكتات سۈيىنىڭ ھېچقانداق ئۇزۇقلۇق تەركىبى يوق بولۇپلا قالماي، يەنە تېخى بالىنىڭ سالامەتلىكىگە تەھدىت ئېلىپ كىلىدۇ. بۇندىن باشقا، كۆكتات سۈيىنىڭ ئۆزىنىڭ تۈزۈك ئۇزۇقلۇق تەركىبى يوق، يەنە تېخى بالىنىڭ ئاشقازىنىنى ئىگەللىۋالىدۇ؛ بۇنداق ئەھۋالدا، بالىنىڭ سۈت ئىمىش ۋە باشقا قوشۇمچە يىمەكلىكلەرنى يىيىش مىقدارىغا زور دەرىجىدە تەسىر كۆرسىتىدۇ.

   ئۇنىڭ ئۈستىگە، مەيلى مىۋە شەربىتى بولسۇن ياكى كۆكتات سۈيى بولسۇن، ھەممىسى بەلگىلىك تەمى بار يىمەكلىك بولۇپ، بالا بۇ خىل تەمگە ئۆگىنىپ قالغاندىن كىيىن، قايناقسۇ ئىچكىلى ئۇنىمايدىغان بولۇپ قالىدۇ.
   شۇڭا، ئەگەر بالىلارغا كۆكتات يىگۈزمەكچى بولساق، كۆكتاتنى بىر قاينىتىۋەتكەندىن كىيىن، ئۇنى ئىزىپ ياكى ئۇششاق توغراپ يىگۈزۈش كىرەك.

ساغلاملىق ۋە تۇرمۇش

بارلىق ھوقوق شىنجاڭ تەمزات مەدىنىيەت تارقىتىش چەكلىك شىركىتى ئاشپەز تور بېكىتىگە تەۋە ئېلان ئالاقە نومۇرى:13999072821 ،新疆塔穆扎提文化传媒有限公司 厨师网站

ئۈرۈمچى شەھىرى 335-نومۇر .ئاقتاش گۇللىكى 6-قەۋەت i ئىشخانا 乌鲁木齐市天山区胜利路355号白玉华庭B座601室

Copyright (c)2009-2018 Www.Axpaz.Cn All rigths | E_Mail: 1436218124@qq.com

تور بېكىتىمىزگە يوللانغان بارلىق تائاملار توردىن يىغىلمىغان بولۇپ، ئەگەررۇخسەتسسىز كۇچۇرسىڭىز قانۇنى جاۋاپكارلىققا تارتىلىسىز ھوقۇق - مەنپەتىمىزگە دەخلى يەتكۇزگەن
ھەرقانداق توربەت سالونلار بولسا دەرھال پاش قىلىپ بىر تەرەپ قىلىنىدۇ .
新ICP备15004026号-1   新公网安备 65010202000516号