تۆۋەندىكى تۆت خىلدىكى ئاتا-ئانىلار، بالىسىنى باققانسىرى دۆت قىلىپ قويىدۇ، بالسىنىڭ كەلگۈسىدە ياراملىق ئادەم بولۇشى تەسكە توختايدۇ.
بالا خاتالىق ئۆتكۈزسىلا ئۇرۇپ تىللايدىغان ئاتا-ئانىلار
    بالىلار نۇرغۇن ئىشلارنى ياخشى چۈشىنىپ كەتمەيدىغان بولۇپ، ئۇلار ئۆسۈپ-يىتىلىش مەزگىلىدە، بەزىبىر خاتالىقلارنى سادىر قىلىپ سېلىشتىن ساقلىنالمايدۇ. بەزى ئاتا-ئانىلار بۇ ۋاقىتتا، ئاق-قارىنى پەرق ئەتمەيلا بالىسىنى ئۇرۇپ تىللايدۇ؛ بۇنداق ئەھۋال داۋاملىشىۋەرسە، بالىلارنىڭ قارشىلىق كۆرسىتىپ تەتۈرلۈك قىلىش پىسخىكىسى بارغانسىرى ئېغىرلاپ كىتىدۇ. بۇندىن باشقا، بالا خاتا ئىش قىلىپ سېلىشىدىن ئەنسىرەپ نۇرغۇن ئىشلارنى سىناپ بېقىشقا جۈرئەت قىلالمايدىغان بولۇپ قالىدۇ؛ بۇنىڭدا، ئۇلارنىڭ ئەقلى ئىقتىدارى بارغانسىرى تۆۋەنلەپ كىتىدۇ.

ئۆگىنىش ۋە كىتاپ ئوقۇش ئادىتى يوق ئاتا-ئانىلار
    ئاتا-ئانىلارنىڭ گەپ-سۆز، ئىش-ھەرىكەتلىرى ۋە ئىچكى ساپاسى، بالىلارنىڭ قاتلىمىنى بىۋاستە بەلگىلەيدۇ، بالىلارنىڭ ئاتا-ئانىسىنىڭكىگە ئۇچرايدىغان تەسىرى زور ھەم ھالقىلىق بولىدۇ. ئەگەر سىز ئۆگەنمىسىڭىز ۋە كىتاپ ئوقىمىسىڭىز، بالا ئۈچۈن ياخشى بىر كىتاپ ئوقۇش ۋە ئۆگىنىش مۇھىتى ھازىرلاپ بىرەلمەيسىز؛ بۇنىڭدا، بالىلارنىڭمۇ كىتاپ ئوقۇش ۋە ئۆگىنىشكە قارىتا قىزىقىشى بولمايدۇ.

بالىلارغا روھى زەربە بىرىدىغان ئاتا-ئانىلار
    بالىسىنى "بەك دۆتكەنسەن" دىيىش، بەزى ئاتا-ئانىلارنىڭ ئادەت سۆزىگە ئايلىنىپ قالغان بولۇپ، بەزىدە ھەتتا، بۇ سۆزگە ئازدۇر-كۆپتۇر مىھرى مۇھەببىتى يۇشۇرۇنغان بولىدۇ. بىراق، بالىنىڭ قوبۇل قىلىدىغىنى، "دۆت"دىگەن ئۇچۇرلا بولىدۇ. خۇددى بەزى ئاتا-ئانىلار ھەدىسىلا بالىسىنى باشقا بالىلارغا سېلىشتۇرغانغا ئوخشاش، بۇ خىل قىلمىشنىڭ بالىغا ئېلىپ كىلىدىغان روھى زەربىسى ۋە بېسىمى ئىنتايىن چوڭ بولىدۇ؛ بالىلاردا ھەتتا بۇ سەۋەپلىك ئۆزىنى كەمسىتىش پىسخىكىسى شەكىللىنىپ، كەلگۈسىدىكى تەرەققىياتىغا تەسىر يىتىشى مۇمكىن.