ئەنگىلىيە "كۈندىلىك پوچتا گىزىتى" 6-دىكابىر خەۋرىگە ئاساسلانغاندا، يېقىندا ئامرىكىدىكى بىر ئەرنىڭ قىزىنىڭ پىيادە مەكتەپكە ماڭغان ھالىتىنى سۈرەتكە ئالغان قىسقا فىلىمى توردا قىزغىن بەس مۇنازىرە قوزغىغان. فىلىمدە كۆرسىتىلىشىچە، بۇ دادا قىزىنىڭ كەينىدە ماشىنىنى ئاستاغىنا ھەيدەپ مېڭىپ، بىر تەرەپتىن سۈرەتكە ئالغاچ بىر تەرەپتىن ئىشنىڭ سەۋەبىنى چۈشەندۈرگەن.

   ئىگىلەشكە قارىغاندا، بۇ دادىنىڭ ئسىمى مات.كوكىس بولۇپ، بۇ يىل 39 ياش، سىۋانتون شەھرىدە ئولتۇرۇشلۇق ئىكەن. 30-نويابىر كۈنى، ماتنىڭ 10ياشلىق قىزى كىرىستىن.كوكىس، مەكتەپ ئاپتومبىلىدا ساۋاقداشلىرىنى بوزەك قىلغانلىق سەۋەبىدىن قارا تىزىملىككە چۈشۈپ قالغان بولۇپ، بۇ ئۇنىڭ ئىككىنچى قېتىم ئوخشىشىپ كىتىدىغان سەۋەپ بىلەن قارا تىزىملىككە كىرىپ قېلىشى ئىكەن. مات قىزىغا بىر ساۋاق بىرىپ قويۇشنى قارار قىلىپ، قىشنىڭ سۇغۇق كۈنىدە، قىزىنى 8كىلومىتىر ئارىلىقنى پىيادە بېسىپ مەكتەپكە بېرىشقا بۇيرىغان ھەمدە قىزىنىڭ پىيادە مەكتەپكە ماڭغان ھالىتىنى سۈرەتكە ئېلىپ تورغا چىقارغان.

    بۇ فىلىم توردا تارقىلىشى بىلەنلا زور دەرىجىدە ئىنكاس قوزغىغان بولۇپ، تورداشلار ماتنىڭ قوللانغان بۇ ئۇسۇلىنى ماختاشقان. كىيىن ماتنىڭ بىلدۈرۈشىچە، ئاتا-ئانىلار بالىلىرىنىڭ باشقىلارنى بوزەك قىلىش قىلمىشىغا قارىتا تەدبىر قوللىنىشى، ئۇلارنى ئۆز مەيلىگە قويۇۋەتمەسلىكى كىرەك ئىكەن. بۇندىن باشقا، مات يەنە قىزىنىڭ مەكتەپ ئاپتۇبۇسىغا ئولتۇرۇشقا بولغان خاتا قارىشىنى تۈزىتىپ، ئۇنىڭغا مەكتەپ ئاپتۇبوسىغا ئولتۇرۇپ مەكتەپكە بېرىش ئەسلىدىنلا شۇنداق بولۇشقا تىگىشلىك بولغان ھوقۇق ئەمەسلىكى ھەققىدە تەربىيە بەرگەن. ئەمىلىيەت شۇنى ئىسپاتلىدىكى، ماتنىڭ بۇ خىل تەربىيە ئىشلەش ئۇسۇلى ئىنتايىن ئۇتۇقلۇق بولغان بولۇپ، ئۇنىڭ قىزى باشقىلارنى بوزەك قىلىش قىلمىشى ئېلىپ كىلىدىغان يامان تەسىرنى چۈشنىپ يىتىشكە باشلىغان ھەمدە ئىلگىرى ئۆزى بوزەك قىلغان ساۋاقداشلىرىدىن تەشەببۇسكارلىق بىلەن ئەپۇ سورىغان.
   "دەرەخنى چاتاپ تۇرمىساڭ، ياخشى ئۆسەلمەيدۇ". ئاتا-ئانىلار پەقەت بالىلىرىنىڭ قىلمىشلىرىغا قارىتا بەلگىلىك دەرىجىدە باشقۇرۇش ئېلىپ بارغاندا، ئۇلارنى ئاندىن توغرا يولدا مېڭىشقا يىتەكلىگىلى، تۇيۇق يوللارغا كىرىپ قېلىشتىن ساقلانغىلى بولىدۇ.