يالپۇز، كۆپىنچە دېڭىز يۈزىدىن 2100 مېتىر ئېگىزلىكتە ئۆسىدىغان ئۆسۈملۈك بولۇپ، ئىقتىسادى قىممىتى بىر قەدەر يۇقىرى بولغان ئالاھىدە بىر خىل ئاروماتىك زىرائەت ھېسابلىنىدۇ.
خەنزۇچە ئاتىلىشى: 薄荷
لاتىنچە ئاتىلىشى: Mentha Haplocalyx Briq.
تەۋەلىكى: ئۆسۈملۈكلەر دۇنياسى—يېپىق ئۇرۇقلۇق ئۆسۈملۈكلەر تىپى—قوش پەللىلىك ئۆسۈملۈكلەر سىنىپى—كالپۇكلۇقلار ئەترىتى—يالپۇز ئۇرۇقدىشى

ئۇزۇقلۇق تەركىبى
   ھەر 100 گىرام يالپۇز تەركىبىدە، تەخمىنەن 28 كىلوكالورىيە ئېنېرگىيە، 2 گىرام ئاقسىل، 0.6 گىرام ياغ، 0.1 گىرام تويۇنغان ياغ كىسلاتاسى، 0.3 گىرام كۆپلۈك تويۇنمىغان ياغ كىسلاتاسى، 90 گىرام سۇ تەركىبى، 1.7 گىرام كاربون سۇ بىرىكمىلىرى، 4.2 گىرام تالا ماددىسى، 64 مىكرو گىرام فولىن كىسلاتا، 13 مىللىگىرام ناترىي، 30 مىللىگىرام ماگنىي، 32 مىللىگىرام فوسفور، 420 مىللىگىرام كالىي، 230 مىللىگىرام كالتسىي، 1.8 مىللىگىرام تۆمۈر، 1.9 مىللىگىرام سىنىك، 6.6 مىكرو گىرام يۇد، 528 مىكرو گىرام ۋىتامىن A، 0.04 مىللىگىرام ۋىتامىن B1، 0.22 مىللىگىرام ۋىتامىن B2، 1.26 مىللىگىرام نىكوتىنىك كىسلاتا، 53 مىللىگىرام ۋىتامىن C، 0.8 مىللىگىرام ۋىتامىن C بار.