دۆلىتىمىز تاماق پىشۇرۇش تېخنىكىسى، يەن خۇاڭ دەۋرى ۋە شىيا سۇلالىسى ۋاقتىدىن باشلىنىپ، چۈنچىيۇ دەۋرىدە تەرەققىي تاپقان، تاڭ ۋە سۇڭ سۇلالىرى دەۋرىدە شەكىللەنگەن. دۆلىتىمىز تائام قورۇما مەزھەپلىرىنىڭ شەكىللىنىشى، شىمالى سۇڭ سۇلالىسى دەۋرىدە بىخلىنىپ چىقىشقا باشلىغان بولۇپ، ئۇ ۋاقىتتا، جەنۇپ تائاملىرى ۋە شىمال تائاملىرىدىن ئىبارەت ئىككى چوڭ تەم ئايرىمىسى بار ئىدى. يۈەن، مىڭ سۇلالىرى مەزگىللىرىدىكى يېغىلىپ توپلىنىش باشتىن ئۆتكۈزگەندىن كېيىن، چىڭ سۇلالىسىنىڭ دەسلەپكى مەزگىللىرىدە، دۆلىتىمىز تائام قورۇما مەدىنىيىتىدىكى تۆت چوڭ مەھزەپ تولۇپ شەكىللەنگەن: شىمالى قىسىم شىمال مەزھىپى دەپ ئاتىلىدىغان بولۇپ، خۇاڭخې دەرياسىنىڭ ئوتتۇرا تۆۋەن ئېقىمىدىكى جايلار ۋە خۇاڭخې دەرياسىنىڭ شىمالى قىسىمىدىكى جايلارنى ئۆز ئىچىگە ئالاتتى ۋە خېنەن، شەندۇڭ، لىياۋنىڭ قاتارلىق جايلارنىڭ تاماق قورۇما ئۇسلۇبى شىمال مەزھىپىگە ۋەكىللىك قىلاتتى، تەم جەھەتتە سۇس ھەم ئازراق تۇزلۇق بولۇشنى ئاساس قىلاتتى؛ شەرقى جەنۇب قىسىم يەنە شەرقى جەنۇپ مەزھىپى دەپمۇ ئاتىلىدىغان بولۇپ، چاڭجىياڭ دەرياسى ۋە خۇەيخې دەرياسى ئەتراپىنى ئۆز ئىچىگە ئالاتتى ۋە جىياڭسۇ، جېجىياڭ قاتارلىق جايلارنىڭ قورۇما ئۇسلۇبى شەرقى جەنۇپ مەزھىپىگە ۋەكىللىك قىلاتتى، تەم جەھەتتە سۇس ھەم ئازراق تاتلىق بولۇشنى ئاساس قىلاتتى؛ غەربى جەنۇپ قىسىمى بولسا غەربى جەنۇپ مەزھىپى دەپ ئاتىلىدىغان بولۇپ، سىچۈەن، گۈيجۇ قاتارلىق جايلارنى ئۆز ئىچىگە ئالاتتى ۋە سىچۈەننىڭ تاماق قورۇما ئۇسلۇبى غەربى جەنۇپ مەزھىپىگە ۋەكىللىك قىلاتتى، ئاچچىق تەمنى بەكرەك ياخشى كۆرەتتى؛ جەنۇب مەزھىپى بولسا، گۇاڭدۇڭ ۋە گۇاڭشى قاتارلىق جايلارنى ئۆز ئىچىگە ئالاتتى ۋە گۇاڭدۇڭنىڭ تاماق قورۇما ئۇسلۇبى جەنۇپ مەزھىپىگە ۋەكىللىك قىلاتتى، تەم جەھەتتە سۇس ھەم مايسىز بولۇشنى ئاساس قىلاتتى.
    ھەر قايسى مەزھەپلەرنىڭ شەكىللىنىشى، دۆلىتىمىزنىڭ تاماق پىشۇرۇش مەدەنىيىتىنى موللاشتۇرۇپ، جۇڭگۇ تاماق پىشۇرۇش مەدىنىيىتىنىڭ ئومۇميۈزلۈك تەرەققىي قىلىشىنى ئىلگىرى سۈرۈپلا قالماي، ئۇ يەنە جۇڭگۇ تائام مەدەنىيىتىنىڭ نۇرغۇن ئۆزگىرىشلەرنى باشتىن كەچۈرۈپ، ئاخىرىدا ھەر ئېقىملار بەس-بەستە سايراشتەك شانلىق ھالەتنىڭ كېلىپ چىقىشىغا تۈرتكە بولدى. چىڭ سۇلالىسىنىڭ ئاخىرىقى مەزگىللىرىگە كەلگەندە، شەندۇڭچە قورۇما، جىياڭسۇچە قورۇما، سىچۈەنچە قورۇما، گۇاڭدۇڭچە قورۇما، خۇنەنچە قورۇما، فۇجىيەنچە قورۇما، ئەنخۇيچە قورۇما ۋە جېجىياڭچە قورۇما قاتارلىقلار، دۆلىتىمىزدىكى تەسىرى كۈچى ئەڭ زور بولغان يەرلىك قورۇمىلارغا ئايلىنىپ، جۇڭگۇ تائام مەدەنىيىتىدىكى "سەككىز چوڭ قورۇما سىستېمىسى" دەپ ئاتالدى.