ئىڭراپ يىغلىغىنىچە ئانىسىنىڭ بەدىنىدىن ئايرىلىپ، بۇ دۇنياغا كۆز ئېچىش؛ يىڭى بىر ھاياتلىقنىڭ دۇنياغا كىلىشى ئەسلىدىنلا خۇشاللىنارلىق بىر ئىش، ئەمما بەزى كىشىلەر بۇنداق يىڭى ھاياتلىققا ئۇنداق دوستانە ئەمەس ئىدى.

    نەچچە كۈن ئىلگىرى ۋىيتنامدا، يىڭى تۇغۇلغان بىر بوۋاق ئانىسى تەرپىدىن تىرىك كۆمىۋىتىلگەن دەپ گۇمان قىلىنغان بولۇپ، بەخىتكە يارىشا يولدىن ئۆتۈپ كىتىۋاتقان بىر كىشى بوۋاقنىڭ پۇتى ۋە مۈرىسىنىڭ يەر يۈزىگە چىقىپ قالغانلىقىنى كۆرۈپ ئۇنى كولاپ چىقىرىپ قۇتقۇزۇۋالغان؛ ئەينى ۋاقىتتا بوۋاقنىڭ بەدىنىنىڭ نەچچە يىرىدە يارىلانغان جاراھەت بار بولۇپ، ھەتتا ئۇنىڭ كىندىكىمۇ تېخى كىسىۋىتىلمىگەن. ھازىر بۇ بوۋاق دوختۇرخانىدا داۋالاشنى قوبۇل قىلىۋاتقان بولۇپ، ئۇنىڭ ئەھۋالى مۇقىملىشىپ خەۋپتىن قۇتۇلغان؛ ساقچى تەرەپ بولسا بۇ بوۋاقنىڭ ئانىسىنى ھەر تەرەپلەردىن ئىزدەشكە باشلىغان.

    چەتئەل ئاخباراتلىرىنىڭ خەۋرىگە ئاساسلانغاندا، ۋېىيتنامنىڭ ئوتتۇرا قىسمىدىكى پىڭ شۈن ئۆلكىسىدىكى، 31 ياشلىق بىر كەنت ئاھالىسى ئايال، ئۆز ئۆيىگە يېقىن ئەتراپتىكى بىر تۈز كەلگەن جايدا يەر يۈزىگە چىقىپ قالغان كىچىك بوۋاقنىڭ پۇتى ۋە مۈرىسىنى بايقاپ، دەرھال ئىرىنى ياردەمگە چاقىرىپ كەلگەن؛ ئۇلار ئىككىسى بوۋاقنى كولاپ چىقىرۋالغاندىن كىيىن، ئۇنىڭ ئوغۇل بوۋاق ئىكەنلىكىنى بىلگەن ھەمدە ناھايىتى ھەيران قالغان. ئەينى ۋاقىتتا بۇ ئوغۇل بوۋاقنىڭ نەپىسى ئۈزۈلمىگەن بولۇپ، كۆمۈلگىلى ئۇزۇن بولمىغاندەك قىلاتتى؛ ئەمما بوۋاقنىڭ چىرايى تاتىرىپ كەتكەن بولۇپ، يۈزىدە تەخمىنەن 4 سانتىمىتىر ئۇزۇنلۇقتا جاراھەت ئېغىزى بار ئىكەن؛ بوۋاقنىڭ يۈزىدىن باشقا بەدەن قىسىملىرىدىمۇ بىر نەچچە ئورۇندا جاراھەت بەر بولۇپ، ئۇنىڭ كىندىكىمۇ تېخى كسىۋىتىلمىگەن ئىكەن.