روسىيىلىك 11 ياشلىق بىر ئوغۇل بالىنىڭ كۆز كىرپىكلىرىنىڭ ئۇزۇنلۇقى ئىككى ئىنگىلىز سۇڭىغا يېقىنلىشىدىغان بولۇپ، ئۇ نۆۋەتتە روسىيىدىكى كىرپىكى ئەڭ ئۇزۇن ئادەم ھىسابلىنىدىكەن.
    بۇ ئۇغۇل بالىنىڭ ئىسمى مۇئىن.باچانايىف بولۇپ، ئۇ تۇغۇلغان ۋاقىتتىلا كىرپىكلىرى ناھايىتى ئۇزۇن تۇغۇلغان بولۇپ، ھازىر كىرپىكىنىڭ ئۇزۇنلۇقى 1.7 ئىنگىلىز سۇڭىغا(تەخمىنەن 4.3 سانتىمىتىرغا تەڭ) يەتكەن؛ ئۇنىڭ كىرپىكلىرى گەرچە ئادەتتىكى ئادەملەرگە قارىغاندا كۆپ ئۇزۇن بولسىمۇ، ئەمما مۇئىن ئادەتتە كۈندىلىك تۇرمۇشىغا تەسىر يەتكۈزمەيدىغانلىقىنى بىلدۈرگەن.

   مۇئىننىڭ دىيىشىچە، ئۇنىڭ تۇرمۇشى ئادەتتىكى ئادەملەرنىڭكىدىن كۆپ پەرقلەنمەيدىغان بولۇپ، باشقىلارنىڭ ئۇنىڭ كىرپىكىگە ئالاھىدە كۆڭۈل بۆلۈشىگىمۇ ئىھتىياجلىق ئەمەس ئىكەن. ئۇ ھازىر بۇنداق ئۇزۇن كىرپىكلىرىگە كۆنۈپ قالغان بولۇپ، ئادەتتە كىرىپىكى ئۇنىڭغا ھېچقانداق قىيىنچىلىق ئېلىپ كەلمىگەندەك ھىس قىلىدىكەن.
    نۆۋەتتە مۇئىن روسىيىدىكى كىرپىكى ئەڭ ئۇزۇن ئادەم بولۇپ، بۇندىن باشقا ئۇنىڭ يەنە باشقا يۈكسەك ئارزۇ-ئارمانلىرى بار ئىكەن. مۇئىن پۇتبول ئويناشنى ياخشى كۆرىدىغان بولۇپ، ئۇ چوڭ بولغاندا دونياغا داڭلىق پۇتبول چولپىنى بولۇشنى ئارزۇ قىلىدىكەن.

   ئىگىلەشلەرگە ئاساسلانغاندا، مۇئىننىڭ دادىسى جايدىلو.باچانايىف بۇ يىل 45 ياشقا كىرگەن بولۇپ، 2010-يىلى تاجىكىستاندىن روسىيەگە كۆچمەن بولۇپ كەلگەن ئىكەن. ئۇنىڭ دىيىشىچە مۇئىننىڭ ئۇزۇن كىرپىكلىرى كوچىلاردا نۇرغۇن كىشىلەرنىڭ دىققىتىنى تارتىدىغان بولۇپ، ئەمما مۇئىننىڭ ئۆزى بۇنىڭغا قارىتا ناھايىتى تەمكىن پوزۇتسىيەدە بولىدىكەن. ئۇنىڭ دىيىشىچە، ئۇ ئايالى بىلەن بىللە مۇئىننى نۇرغۇن دوختۇرخانىلاردىكى ئوخشىمىغان دوختۇرلارغا تەكشۈرتۈپ باققان بولۇپ، ئەمما ئۇلارنىڭ ھەممىسى مۇئىننىڭ ساغلاملىقىدا ھېچقانداق بىر ئالاھىدە بىنورماللىق يوقلىقىنى بىلدۈرگەن.