ھازىر تۇرمۇش سەۋيىسىنىڭ بارغانسىرى ئېشىپ بېرىشىغا ئەگىشىپ، قوساق تويغۇزۇش بىلەن بىر ۋاقىتتا، مەزىلىك تائاملاردىن ھۇزۇر ئېلىشقىمۇ بولىدىغان بولدى؛ شۇڭلاشقا، نۇرغۇن كىشىلەر يىمەك-ئىچمەك جەھەتتە نۇرغۇن ئىشلارغا ئەھمىيەت بىرىشكە باشلاپ، يىشىل ھەم زىيىنى يوق يىمەكلىكلەرنى ئىستىمال قىلىشنى تەشەببۇس قىلماقتا. بىراق، ھەقىقى تۈردىكى يىشىل ھەم زىيىنى يوق يىمەكلىكەردىن، پەقەت ئۆزىمىز ئۆيدە تېرىپ ئۆستۈرگەن كۆكتاتلارلار بار بولۇپ، بازاردا سېتىلىۋاتقان كۆكتاتلارغا بولسا كاپالەتلىك قىلغىلى بولمايدۇ؛ چۈنكى بازاردىكى كۆكتاتلارغا دېھقانچىلىق دورىسى ئىشلەتكەنلىك مۇمكىنچىلىكى ئىنتايىن چوڭ، ئۇنىڭ ئۈستىگە بەزى ئىنساپسىز سودىگەرلەر، ئۆزى سېتىۋاتقان كۆكتاتنىڭ ساقلىنىش ۋاقتىغا كاپالەتلىك قىلىش ھەم كۆكتاتنى قارىماققا تېخىمۇ يىڭى كۆرسىتىش ئۈچۈن، بەزىبىر فورمالدىگىد(甲醛)لارنى ئىشلىتىدۇ. بۇنداق كۆكتاتلار قارىماققا يىڭىدەك كۆرۈنگەن بىلەن، ئەمما ئۇلارنىڭ تەركىبىدىكى فورمالدىگىد ئۆلچەمدىن ئېشىپ كەتكەچكە، سالامەتلىككە ئىنتايىن زىيانلىق بولىدۇ، ئەلۋەتتە يىيىشكە بولمايدۇ.

گورمۇن ئۇرۇلغان پەمىدۇر
    پەمىدۇر، بىز تۇرمۇشتا ئەڭ كۆپ ئىشلىتىدىغان كۆكتاتلارنىڭ بىرى بولۇپ، تەملىك تائاملارنى تەييارلاشقا بولۇپلا قالماي، يەنە مىۋىنىڭ ئورنىدا يىيىشكىمۇ بولىدۇ. ئاز بولمىغان خانىم-قىزلىرىمىز، ئادەتتە پەمىدۇرنى مىۋە ئورنىدا يىيىشنى ياخشى كۆرىدۇ؛ چۈنكى، پەمىدۇرنىڭ تەركىبىدە ۋىيتامىنلىق ماددىلار ۋە پەمىدۇر ماددىسى مول بولۇپ، چىراينى گۈزەل قىلىش بىلەن بىرگە، ئۈچينىڭ قىمىرلىشىنى ئىلگىرى سۈرۈپ، ئۇرۇقلاشقا پايدىلىق بولىدۇ. بىراق، پەمىدۇر سېتىۋالغاندا گورمۇن ئۇكۇل قىلىپ ئۇرۇلغان پەمىدۇر سېتىۋىلىشتىن ساقلىنىشىمىز كىرەك؛ ئادەتتە گورمۇن ئۇكۇل قىلىپ ئۇرۇلغان پەمىدۇرنىڭ سىرتقى پوستى نىسبەتەن قاتتىق بولۇپ، رەڭگى ئۇنداق ئۇچۇق كەلمەيدۇ.

ناچار سۈپەتلىك قارا قېرىنقولاق
    كۆپ ئۇچرايدىغان زەمبۇرۇغلار تۈرى بولۇش سۈپىتى بىلەن، قارا قېرىنقولاقنىڭ بىزنىڭ تاماق ئۈستىلىمىزدە كۆرىلىدىغان ۋاقتى نىسبەتەن كۆپ بولىدۇ. قارا قېرىنقولاقنى قورۇما قورۇپ، سۇغۇق سەي تەييارلاپ ئستىمال قىلىشقا بولىدىغان بولۇپ، ئۆزى تەملىك ھەمدە ئۇزۇقلۇق قىممىتىمۇ يۇقىرى بولغان يىمەكلىك ماتىريالى ھىسابلىنىدۇ. بىراق، قارا قېرىنقولاقنىڭ باھاسىنى بەك ئەرزان دەپ كەتكىلى بولمايدىغان بولغاچقا، بەزى قارا نىيەت سودىگەرلەر قارا قېرىنقولاقنىڭ تەننەرخىنى تۆۋەنلىتىش ئۈچۈن، قارا قېرىنقولاقنى خېمىيىلىك ماددىلاردىن پايدىلىنىپ بىتەرەپ قىلىدۇ. بۇنداق قارا قېرىنقولاقنى كۆپ ئىستىمال قىلغاندا، ئادەمنىڭ سالامەتلىكىگە ئىنتايىن زور زىيانلىق تەسىر كۆرسىتىدۇ.