يازغىمۇ ئاز قالدى، يەنە ئۇرۇقلىمىىسڭىز، بۇ ياز كۈنلىرىدە ياخشى بەدەن شەكلىمنى ساقلاپ، كۈندە باشقىلارنىڭ كۆزىنىڭ يېغىنى يەپ ئۆتىمەن دەپ خام خىيال قىلماڭ! چۈنكى، يازدا كىيىمنى ئاز كەيگەنلىك سەۋەبىدىن، ئادەم بەدىنىنىڭ قىسمەن جايلىرى ئېچىلىپ تۇرىدىغان بولغاچقا، سىز يىتەرلىك دەرىجىدە ئۇرۇق بولۇش تەلىۋىگە يەتسىڭىز ئاندىن بولىدۇ. بىر قىسىم ئاياللارنىڭ بەدەن شەكلى، سېمىزغا مايىل تولغان كىلىدۇ؛ بۇنداق ئەھۋالدا، قىش پەسلىدە كىيىمنى كۆپرەك كەيگەچكە چېنىپ قالمىغان بىلەن، يازنىڭ كۈنلىرى، ئارتۇق گۆشلىرىڭىز مانا مەن دەپ چىقىپلا قالىدۇ. شۇنىڭ ئۈچۈن، ياخشى بولغان بەدەن شەكلى قۇرۇپ چىقىش، بۇ پەسىلدە كۆپ قىسىم ئاياللار ئويلىشىدىغان بىر ئىش.

   ئۇنداقتا، قانداق قىلغاندا ئۇرۇقلاپ 90جىڭغا كەلگىلى بولىدۇ؟ ھەرىكەتلىنىش ئەلۋەتتە ئاز بولسا بولمايدۇ؛ ئالدى بىلەن، سىز ھەركۈنى ئەتىگەن كەچلىرىدە ھەرىكەتلىنىپ چېنىقىشتا چىڭ تۇرىشىڭىز كىرەك، ئەگەر ئىزچىل تۈردە چېنىقىشنى داۋاملاشتۇرالمىسىڭىز، يىمەكلىك مىقدارىنى ئازايتىپلا ئۇرۇقلاپ بولغىلى بولمايدۇ. ئۆزىڭىزنىڭ تەن سالامەتلىكى ئۈچۈن، مۇۋاپىق ھالدا ئۇزۇقلىنىشڭىز كىرەك. شۇڭا بۇنداق ئەھۋال ئاستىدا، ئادەتتە تۆۋەندىكى يىمەكلىكلەرنى، مىفەن ياكى ئۇن تامىقى دىگەندەك ئاساسى يىمەكلىكلەرنىڭ ئورنىغا دەسسەتسىڭىز بولىدۇ.

ھوردا دۈملەپ پىشۇرۇلغان تاتلىق ياڭيۇ
   مىفەننىڭ ياكى لەغمەن دىگەندەك ئۇن تاماقلىرىنىڭ ئىنىرگىيە مىقدارى بىرقەدەر يۇقىرى، ئۇنىڭ ئۈستىگە ئاسان ھەزىم بولمايدىغان بولۇپ، ياز كىرىشتىن بۇرۇن ئۇرۇقلاپ 90جىڭغا كىلىشنى مەقسەت قىلغان خانىم قىزلىرىمىزغا نىسبەتەن، بۇلارنى ئازراق ئىستىمال قىلىش كىرەك. بىراق، ئاساسى يىمەكلىك يىمەي بولمايدۇ؛ ئۇنداقتا، مىفەن ۋە ئۇن تائاملىرىنى ئىستىمال قىلسا ئۇرۇقلاش تەسكە توختايدىغان ئەھۋال ئاستىدا، ئاساسى يىمەكلىككە تاتلىق ياڭيۇنى تاللىسىڭىز بولىدۇ. تاتلىق ياڭيۇنىڭ قەنت مىقدارى تۆۋەن، ياغ تەركبلىرى يوق، ئاقسلى تەركىبى بولسا مول بولۇپ، ئاشقازان ئۈچەينىڭ قىمىرلىشىنى ناھايىتى ياخشى ئىلگىرى سۈرۈپ، بەدەندىكى  مايلارنى كۈيۈپ ئىرىشىنى ئىلگىرى سۈرىدۇ. بىر مەزگىل يىيىشنى داۋاملاشتۇرسىڭىز، ئارتۇق گۆشلىرىڭىزنىڭ كۆرۈنەرلىك دەرىجىدە ئازلاپ، پۇتلىرىڭىزنىڭ ئىنچىكە بولۇشقا باشلىغانلىقىنى بايقايسىز.

سۇدا پىشۇرۇلغان قوناق
   قوناق بولسا يىرىك ئاشلىققا تەۋە بولۇپ، ئۇرۇقلاشقا پايدىسى ئىنتايىن چوڭ. مىفەن ياكى باشقا ئۇن تاماقلىرىغا سېلىشتۇرغاندا، قوناقنى بەدەندىكى مايلارنىڭ دۈشمىنى دىيىشكە بولىدۇ؛ بۇنىڭ بىلەن بىرگە، ئۇرۇقلاش مەزگىلىدە چوقۇم بولمىسا بولمايدىغان يىمەكلىكلەرنىڭ بىرى. سۇدا پىشۇرۇلغان قوناقنى سۇدا پىشۇرۇلغان كەرەپشە بىلەن قوشۇپ ئىستىمال قىلسىڭىز، ئاشقازان ئۈچەيلىرىڭىز تازىلىنىپ، ماي تەركىبى ئېشىپ كەتكەندەك تۇيغۇ قالمايدۇ. شۇڭلاشقا، قوناق، بەدەندىكى ماينى كۆيدۈرۈپ ئۇرۇقلىتىدىغان، يامان ئەمەس بىر خىل يىمەكلىك ھىسابلىنىدۇ.

ئەسلى تەملىك سۇلۇ
    سۇلۇنىڭ ئادەمگە بىرىدىغان تويۇنۇش تۇيغۇسى ئىنتايىن كۈچلۈك، كىچىك بىر چىنە يەپ قويسىڭىز، يېرىم كۈنگىچە قورسىقىڭىز ئاچقاندەك بىلىنمەيدۇ؛ ئۇنىڭ ئۈستىگە سۇلۇ، يامان ئەمەس بولغان بەدەندىكى مايلارنى ئىرىتىپ ئۇرۇقلىتىدىغان يىمەكلىكلەرنىڭ بىرى. سۇلۇمۇ يىرىك ئاشلىققا تەۋە بولۇپ، تەركىبىدە تالا ماددىسى ئىنتايىن مول؛ شۇڭا، ئۇرۇقلاپ 90جىڭغا كىلىشنى ئويلايدىغانلارغا نىسبەتەن، سۇلۇ ئىستىمال قىلمىسا ھەقىقەتەن بەك ئەپسۇسلىنارلىق بولىدۇ. چۈنكى، سۇلۇنىڭ چوڭ تەرەتنى ئىلگىرى سۈرۈش رولى بار بولۇپ، بەدەندىكى مايلارنىڭ ئىرىش تىزلىكى ۋە ئىنىرگىيەنىڭ خوراش تىزلىكىنى ئاشۇرىدۇ.
   ئۇرۇقلاش، ئاياللارنىڭ ئارزۇسى، بىراق ئۆزىمىزنىڭ ئېغىزىنى باشقۇرالمىساق، ئۇرۇقلاش ئاسانغا توختىمايدۇ. ئۇرۇقلاش، يىمەكلىك يىمەسلىك دىگەنگە ۋەكىللىك قىلمايدۇ؛ ئەكسىچە، بەدەندىكى مايلارنىڭ كۈيۈپ ئىرىشىنى ئىلگىرى سۈرىدىغان يىمەكلىكلەرنى تاللاپ كۆپرەك ئسىتىمال قىلىش كىرەك.