تەسەۋۋۇر قىلىپ بېقىڭ! ئەگەر سىزنىڭ ئالدىڭىزدا تۇيۇقسىزلا سەكسەن نەچچە تال يىلان پەيدا بولۇپ قالسا، سىز قانداق ئىنكاستا بولىسىز؟ چىقىراپ قېچىپ كىتەمسىز ياكى "قۇتقۇزۇڭلار" دەپ توۋلاپ ئادەم چاقىرامسىز؟ بۈگۈنكى بۇ باش قەھرىمانىمىز موماي، بايام ئېيتقاندەك ئەھۋالغا دۇچ كەلگەن ۋاقىتتا، قولىدىكى كۈرەك(铲子) بىلەن ئۇلارنى ئۇرۇپ ئۆلتۈرۋىتىشنى تاللىغان... ...

    خەۋەرلەرگە ئاساسلانغاندا، يېقىندا، روسىيەدىكى داجىستانلىق دېھقان ئايال ساجىبات.گىمدوۋا ھويلىسىدا ياڭيۇ تېرىۋاتقان ۋاقىتتا، بىر يىلان ئۇۋىسىنى بايقاپ قالغان بولۇپ، قولىدىكى تۈمۈر كۈرەك بىلەن سەكسەندىن ئارتۇق يىلاننى ئۇرۇپ ئۆلتۈرگەن، يەنە ئاز ساندىكى نەچچە يىلان تەلىيى كىلىپ قېچىپ قۇتۇلغان. ئوغلى ئۇنىڭ ئىككى قولىدا ئۆلۈك يىلانلارنى تۇتۇپ تۇرۇپ چۈشكەن سۈرىتىنى تورغا چىقارغاندىن كىيىن، بۇ قېتىملىق ئىش ئاخبارات ۋاستىلىرى ۋە تورداشلارنىڭ زور كۆلەملىك دىققىتىنى قوزغىغان. ئاخبارات ۋاستىلىرىنىڭ ئېيتىشىچە، بۇنداق قورقۇنچلۇق ئەھۋال ئاستىدا، ساجىبات ھۇدۇقۇپ كەتمەستىن، يىلانلار بىلەن جەڭ قىلىشنى تاللىغان ھەمدە ئاخىرىدا جەڭدە يىڭىپ چىقىپ، سەكسەندىن ئارتۇق يىلاننى ئۇرۇپ ئۆلتۈرۋەتكەن.

    ساجىباتنىڭ دىيىشىچە، ئۇ دەسلىۋىدە ئون نەچچە تال يىلاننى كۆرۈپ، ئاۋال ئۇلارنى ئۇرۇپ ئۆلتۈرگەن؛ ئەمما كەينىدىن يەنە، ھويلىدا يىلاننىڭ ئۇۋىسى بار بولۇشى بەلكىم ياخشى ئىش بولۇشى مۇمكىن دەپ ئويلاپ، ئالدىدا ئۇرۇپ ئۆلتۈرۋەتكەن يىلانلارغا ئازراق ئىچى ئاغرىپ قالغان. كىيىن ئۇ يەرنى تىگىگە قارىتىپ كولاۋەرگەن، ئاخىرىدا يىلانلار بارغانسىرى كۆپلەپ چىقىشقا باشلىغان. ساجىباتنىڭ مۇخبىرلارغا بىلدۈرىشىچە، ئۇ يىلانلار بەك ئاجىز بولۇپ، ساجىبات ئۇلارنى ئۇرۇپ ئۆلتۈرۈش جەريانىدا ئازراقمۇ قورقۇپ قالمىغان، ھەتتا ناھايىتى ھاياجانلىق ھىس قىلغان.