بۈگۈن كۆپچىلىككە تۇنۇشتۇرماقچى بولغان بۇ تاماقنىڭ نامى راك ۋە مىۋە قوشۇلغان شورۋىگۈرۈچ بولۇپ، مەي مەي ئىسىملىك بىر تورداش ئىجاد قىلغان.  بۇ خىل شورۋىگۈرۈچ تەمى تېتىشلىق، سۇ ھەم كالتسىي تولۇقلايدىغان بولۇپ، بالىلىرىڭىز چوقۇم ياقتۇرۇپ يەيدۇ.

    بالىلارنىڭ تامىقى تەملىك بولۇپلا قالماي، ينە ئۇزۇقلۇقمۇ يىتىشىپ ماڭىدىغان بولۇش كىرەك. شۇڭلاشقا بۈگۈنلۈك تەۋسىيە تامىقىمىز گەرچە بىر قاچا شورۋىگۈرۈچ بولسىمۇ، ئەمما ئۇنىڭ ئۇزۇقلۇق زىچلىقى ئىنتايىن يۇقىرى. ئىشلەتكەن گۈرۈچ بىلەن تېرىق بالىلارنىڭ دانلىق زىرائەت ماددىلىرىنى قوبۇل قىلىشىنى تېخىمۇ ئومۇميۈزلۈك قىلىدۇ؛ تازىلانغان راك كالتسىي تۇلۇقلاپلا قالماي، يەنە ئەلا سۈپەتلىك ئاقسىل تۇلۇقلايدۇ؛ مىۋە تەركىبىدىكى ھەرخىل ۋىتامىن، مىكرو ئىلمىنىتلار ۋە يىمەكلىك تالاسى بالىنىڭ چوڭ كىچىك تەرىتىنى راۋان قىلىدۇ.

كىتەرلىك ماتىريال:

تازىلانغان راك 30 گىرام، نەشپۈت، ئاناناس(凤梨) ، قوغۇن، گۈرۈچ بىلەن تېرىق 20 گىرامدىن

تەييارلاش ئۇسۇلى

1.   ماتىرياللارنى تەييار قىلىش

2.  راك، ئاناناس، نەشپۈت، قوغۇنلارنى كىچىك كىچىك قىلىپ توغرىۋالىمىز؛ ئەگەردە راكنى پۇرىقى چىقىپ قېلىشىدىن ئەنسىرسىڭىز، بىرنەچچە تامچە لىمون شەربىتى تېمىتىۋەتسىڭىز بولىدۇ.

3.  گۈرۈچ ۋە تېرىقنى يۇيۇپ قازانغا سېلىپ شورۋىگۈرۈچ قاينىتىمىز؛ سۇ قاينىغاندىن كىيىن راكنى سالىمىز؛

    4.  شورۋىگۈرۈچ قايناپ تەييار بولۇپ ئېلىشنىڭ ئالدىدا، توغراپ تەييار قىلغان مىۋىلەرنى سېلىپ، شورۋىگۈرۈچنى قاچىغا ئۇسساقلار بولىدۇ.