بالىڭىز يەنە تاماق يىمەيدىغان بولۇپ قالدىمۇ؟ بۇنىمۇ يىمىسە، ئۇنىمۇ يىمىسە قانداق قىلىش كىرەك؟ سىنىك تولۇقلاش كىرەكمۇ؟

    مۇتەخەسسىسلەر شۇنى ئەسكەرتىدۇكى: بالىڭىز تاماق يىيىشكە ئۇنىمىسا، ئۇنىڭغا سىنىك تولۇقلاشقا ئالدىرماڭ! ئاۋال بالىڭىزدا تۆۋەندىكىدەك ئەھۋاللار بارمۇ يوق كۆرۈپ بېقىڭ!

    1. ئاشقازان-ئۈچەي ئىقتىدارى نىسبەتەن ياخشى ئەمەس بالىلار. ئۈچەي ياللۇغى، جىددى خارەكتىرلىك ئىچى سۈرۈش قاتارلىق كىسەللىك ئالامەتلىرى بار بالىلارغا، ئازدۇر-كۆپتۇر سىنىك تۇلۇقلاپ بەرسەك، كىسەللىك باسقۇچىنى قىسقارتىشقا ياردىمى بولىدۇ.

    2. پەقەت كۆكتاتلا يەيدىغان بالىلار. كۆكتات ۋە دانلىق زىرائەتلەر تەركىبىدىكى فىتالات كىسلاتاسى سىنىك ماددىسى بىلەن بىرىكىۋىلىپ، سىنىك ماددىسىنىڭ سۈمۈرلۈشىگە تەسىر يەتكۈزىدۇ، بەدەن ئىھتىياجلىق بولغان سىنىك ماددىسى مىقدارىنى گۆش تۈرىدىكى يىمەكلىكلەرنى يىگەنگە ئوخشاش قامدىيالمايدۇ.

    3. قان ئازلىق كىسەللىكى بار بالىلار. سىنىك تولۇقلاشنىڭ بۇ تۈردىكى بالىلارنىڭ ئۆسۈپ يىتىلىشىگە پايدىسى بار.

    4. ئۇزۇن مۇددەت تۈمۈر ۋە كالتسىي ياسالمىلىرىنى ئىستىمال قىلىش، سىنىك ماددىسىنىڭ سۈمۈرلۈشىگە تەسىر كۆرسىتىدۇ؛ شۇنىڭ ئۈچۈن بۇ خىلدىكى بالىلارنىڭمۇ سىنىك ماددىسى تولۇقلىشى زۆرۈردۇر.

    ئەمىلىيەتتە بالىلارنىڭ تاماق تاللىشى، تاماق يىگىلى ئۇنىماسلىقى سىنىك ماددىسىنىڭ كەمچىل بولۇش سەۋەبىدىن بولۇشى ناتايىن، ئۇنىڭ ئۈستىگە سىنىك ماددىسى تولۇقلاشتىمۇ قارىغۇلارچە تولۇقلاشقا بولمايدۇ. ئادەتتە بىز بالىلارنىك كۈندىلىك تاماق تىزىملىكىگە كۆپرەك باش قاتۇرۇپ، بالىلارنىڭ ئىشتىھاسىنى ئېچىشقا تىرىشىشىمىز لازىم. سىنىك ماددىسى تولۇقلاش كىرەك بولغاندىمۇ، ئەڭ ياخشىسى دوختۇرلارنىڭ كۆرسەتمىسى ئاستىدا ئېلىپ بېرىلىشى، قارغۇلارچە ئىش كۆرۈلمەسلىكى لازىم.