مىڭە ئىلمى مۇتەخەسسىسى خۇڭ لەن ئىلگىرى بىر قېتىملىق نۇتقىدا، ئوغۇللار بىلەن قىزلارنىڭ مىڭىسىدىكى پەرق توغرىسىدا توختىلىپ مۇنداق دىگەن:
   كۆپ قىسىم قىزلار خەرىتە كۆرۈشنى ياقتۇرمايدۇ، كۆپ قىسىم ئوغۇللار "تاغدىن-باغدىن " پاراڭلىشىشنى ياقتۇرمايدۇ، قىزلار باشقىلارنىڭ چىرايىغا قاراپ ئىش كۆرۈشكە ماھىر كىلىدۇ، ئوغۇللار بولسا نىسبەتەن ئۈندىمەس كىلىدۇ، ئوغۇللارنىڭ كەيپىياتىنىڭ كىلىشىمۇ تىز كىتىشىمۇ ھەم تىز بولىدۇ، قىزلار بىر ئاچچىقلانسا يېرىم كۈنگىچە بەزلەپ ئاچچىقىنى ياندۇرغىلى بولمايدۇ.
   ئەمىلىيەتتە، بۇلارنىڭ ھەممىسىنى ئوغۇل ۋە قىزلارنىڭ مىڭىسىدىكى تۇغۇلما پەرق كەلتۈرۈپ چىقارغان بولۇپ،  ئەگەر سىز ئىنچىكىلىك بىلەن كۆزەتسىڭىز، ئوغۇللار بىلەن قىزلارنىڭ مىڭىسىدىكى پەرقنىڭ، ئانىسىنىڭ قوسىقىدىن باشلاپلا شەكىللەنگەنلىكىنى بايقىيالايسىز.
    ئۇنداقتا، ئوغۇللار بىلەن قىزلارنىڭ مىڭىسىدە قانداق پەرقلەر بار؟
چوڭ مىڭىزنىڭ تۈزۈلۈشى جەھەتتە

   قىزلارنىڭ مىڭىسىنىڭ كۆرۈش سىزىمىنى باشقۇرىدىغان قىسمى ئوغۇللارنىڭكىگە قارىغاندا چوڭ بولىدۇ؛ قىزلارنىڭ مىڭىسىنىڭ ئادەمنىڭ تەبىئىتى ۋە كەيپىياتى بىلەن زىچ مۇناسىۋەتلىك بولغان قىسمى ۋە تىل سىزىم ئىقتىدارىنى باشقۇرىدىغان قىسمىمۇ، ئوغۇللارنىڭكىگە قارىغاندا كۆرۈنەرلىك چوڭ بولىدۇ. شۇنىڭ ئۈچۈن، قىزلارنىڭ كەيپىياتنى ھىس قىلىپ يىتىش ئىقتىدارى ۋە تىل ئىقتىدارى ئوغۇللارغا قارىغاندا كۈچلۈك كىلىدۇ.
تىل ئىقتىدارى جەھەتتە

   قىزلارنىڭ مىڭىسى، تىل-سۆزنى تېخىمۇ ئىنچىكە "پىششىقلاپ ئىشلەيدىغان" بولۇپ، ئوغۇللارنىڭ بۇ جەھەتتىكى ئىقتىدارى قىزلارنىڭكىدىن كۆپ تۆۋەن تۇرىدۇ؛ شۇڭا، ئادەتتە قىز بالا ئوغۇل بالىغا قارىغاندا تىز گەپ قىلىدۇ ھەمدە ئىپادىلەش ئىقتىدارىمۇ ئوغۇللارغا قارىغاندا تېخىمۇ ياخشى بولىدۇ.

   ئوغۇللارنىڭ مىڭىسىدىكى بوشلۇق سىزىم ئىقتىدارىغا مەسئۇل قىسمى، قىزلارغا قارىغاندا ياخشىراق يىتىلگەن؛ شۇنىڭ ئۈچۈن، ئوغۇللارنىڭ سىتىرولۇق تەپەككۇر قىلىش ئىقتىدارى ۋە بوشلۇق تۇيغۇسى تېخىمۇكۈچلۈك ھەمدە ئوغۇللارنىڭ لوگىكىلىق تەپەككۇرى ياخشى، قىزلارنىڭ بولسا بىۋاستە سىزىمى تېخىمۇ كۈچلۈك.

   لوگىكىلىق خۇلاسىلاش جەھەتتە، ئوغۇللار دىدۇكسىيە ئۇسۇلىنى ئىشلىتىشنى بەكرەك ياخشى كۆرىدۇ، قىزلار بولسا يېغىنچاقلاش ئۇسۇلىنى قوللىنىشنى بەكرەك ياخشى كۆرىدۇ. بۇنىڭغا مۇناسىپ ھالدا، ئوغۇللار ئابىستىراكىتنى بولغان پەلسەپە ۋە لوگىكىلىق جەھەتتىكى مۇنازىرىنى ياخشى كۆرىدۇ؛ قىزلار بولسا، كونكىرتنى ئىشلارغا قارىتا مۇنازىرە ئېلىپ بېرىشنى ياخشى كۆرىدۇ.

   چەتئەلدىكى تەتقىقاتلاردا كۆرسىتىلىشىچە، ئوغۇللارنىڭ كۆرۈش سىزىمى نىسبەتەن ئوتتۇرغا مەركەزلەشكەن بولۇپ، ئالدىدىكى نىشانغا تېخىمۇ كۆپرەك دىققەت قىلىدۇ؛ قىزلارنىڭ كۆرۈش دائىرىسى بولسا بىرقەدەر كەڭرى بولۇپ، ئالدى تەرەپكە دىققەت قىلىپلا قالماي، يەنە ئەتراپىدىكى نىشانلارغىمۇ دىققەت قىلىدۇ. ئاڭلاش سىزىمى جەھەتتە، قىزلار ئوغۇللاردىن ياخشى بولۇپ، يىڭى تۇغۇلغان ۋاقىتتا ئاسانلىقچە بايقاپ يەتكىلى بولمايدۇ؛ ئەمما مەكتەپكە كىرگەندىن كىيىن ئىپادىسى كۆرۈنەرلىك بولىدۇ. مۇتەخەسسىسلەرنىڭ قارىشىچە، ئاڭلاش ئىقتىدارىنىڭ نىسبەتەن ئاجىز بولۇشى، ئوغۇل بالىلارنىڭ دەرسخانىدا دىققىتىنى تېخىمۇ يېغالماسلىقىنى كەلتۈرۈپ چىقىرىدىكەن.
ھەرىكەت ئىقتىدارى جەھەتتە

ئوغۇللارنىڭ، يۈگرەش ۋە سەكرەش قاتارلىق چوڭ ھەرىكەت جەھەتتىكى ئىقتىدارى قىزلارنىڭكىدىن ياخشى؛ قىزلار بولسا قول ھۈنەرۋەنچىلىككە، رەسىم سىزىش، خەت يېزىش قاتارلىقلارغا تېخىمۇ ماھىر كىلىدۇ.
ياقتۇرىدىغان ئويۇنچۇق جەھەتتە

   ئوغۇللار مەشغۇلات خارەكتىرى كۈچلۈك بولغان، بەدەن كۈچىنى خورىتىدىغان ھەرىكەت تىپىدىكى ئويۇنچۇقلارنى، مەسىلەن ماشىنا، توپ قاتارلىقلارنى ياخشى كۆرىدۇ. قىزلار بولسا، رول ئالىدىغان ئويۇنلارنى، مەسىلەن، ئۆي تۇتۇپ ئويناش قاتارلىقلارنى ياخشى كۆرىدۇ. ئوغۇللار ھەرخىل ماشىنلارغا مەستانە بولىدۇ، قىزلار بولسا ئادەم بىلەن بولغان مۇناسىۋەتكە تېخىمۇ بەكرەك ئەھمىيەت بىرىدۇ.

   قىزلارنىڭ كەيپىياتنى ھىس قىلىش ئىقتىدارى تېخىمۇ مول بولۇپ، 5-3ياش ۋاقتىدىلا، مەسىلىلەرنى تېخىمۇ ئەتراپلىق ئويلىشىدىغان ئالاھىدىلىكنى ئىپادىلەيدۇ؛ ئوغۇللار بولسا، تېخىمۇ ئاددى ھەم بىۋاستە كىلىدىغان بولۇپ، بەدەن ھەرىكىتى ئارقىلىق مەسىلىلەرنى بىتەرەپ قىلىشنى ياخشى كۆرىدۇ.
بىخەتەرلىك مەسىلىسى جەھەتتە

   ئوغۇللارنىڭ مىڭىسىدە يۇلۇن سۇيۇقلۇقى كۆپ بولۇپ، قان سۇيۇقلۇقىدىكى دوبائەن مىقدارى قىزلارنىڭكىگە قارىغاندا كۆپ بولىدۇ؛ بۇ سەۋەپلىك، ئۇلارنىڭ زىھنى ئۇرغۇپ تۇرىدىغان، ماغدۇرى تېخىمۇ كۈچلۈك كىلىدۇ ھەمدە ھەمىشە يېقىلىپ چۈشىدۇ. قىز بوۋاقلار بولسا، تۇغۇلۇپ ئۆيگە قايتقاندىن كىيىن، كۆپىنچىسى دەرھال "يىيىش-ئۇخلاش" ئەندىزىسىگە كىرىدىغان بولۇپ، كۈنلەپ ئۆيدە ئوينىسىمۇ زىرىكىش ھىس قىلمايدۇ.
بېسىمغا بەرداشلىق بىرىش جەھەتتە