خاسىڭ ( يەر ياڭىقى ) نىڭ يەنى بىر ئاتىلىشى ئۇزۇن ئۆمۈر كۆرۈش مىۋىسى بولۇپ، ناھايىتى ياخشى ئۈنۈملۈك ساغلاملىق يىمەكلىكى؛ خاسىڭ بىلەن قان بېسىمنى تۆۋەنلىتىش ئۈنۈمى بار كەرەپشىنى ئارىلاشتۇرۇپ سۇغۇق سەي تەييار قىلساق، ئىشتىھانى ئاچىدىغان تەملىك سەي بولىدۇ.

كىتەرلىك ماتىرياللار:

   خاسىڭ، سەۋزە، كەرەپشە، شاكال بەدىيان

تېتىتقۇ ماتىرياللىرى:

   كۈنجۈت مېيى، شېڭچوۋ جىياڭيۇسى، تۇز

تەييارلاش ئۇسۇلى

-Step 1-

   خاسىڭنى يۇيۇپ پاكىز قىلغاندىن كىيىن، زەنجىۋىل، شاكال بەدىيان قاتارلىقلار بىلەن قوشۇپ، قازاندىكى سۇغۇق سۇغا سېلىپ، يۇقىرى ئوتتا قاينىتىمىز؛ سۇ قاينىغاندىن كىيىن بىر قۇشۇپ تۇز سېلىپ، ئوتنى ئوتتۇرا دەرىجىگە ئەكىلىپ، 15 مىنۇت قاينىتىمىز؛ خاسىڭ پىشقاندىن كىيىن باشقا قوشۇمچە ماتىرياللارنى قېسىپ ئېلىۋىتىپ، خاسىڭنى سۈزۈۋالىمىز.

-Step 2-

    بۇ ۋاقىتتا سەۋزىنى كىچىك كىچىك پارچە قىلىپ توغرىۋالىمىز؛ كەرەپشىنى بۆلەك-بۆلەك قىلىپ توغرايمىز.

-Step 3-

    يەنە بىر قازان ئېسىپ سۇ قاينىتىمىز؛ سۇ قاينىغاندىن كىيىن سەۋزىنى سېلىپ، سۇ قايتا قاينىغاندىن كىيىن، يېرىم قوشۇق تۇز سېلىپ، يېرىم مىنۇت قاينىتىپ سۈزۈۋالىمىز. كەينىدىنلا كەرەپشىنى قازانغا سېلىپ، قاينىغاندىن كىيىن سۈزۈۋالىمىز.

-Step 4-

   تەييار بولغان خاسىڭنى قاچىغا سېلىپ، كەينىدىن سەۋزە ۋە كەرەپشىنى سالىمىز؛ بىر قوشۇق شېڭچۇ جىياڭيۇسى، يېرىم قوشۇق كۈنجۈت مېيى، يېرىم قوشۇق ئاق شىكەر، بىر قوشۇق تۇز ۋە مۇۋاپىق مىقداردا كۈنجۈت قوشۇپ، تۇلۇق ئارىلاشتۇرىمىز؛ تەكشى ئارىلاشتۇرۇپ بولغاندىن كىيىن بۈگۈن تۇنۇشتۇرماقچى بولغان سۇغۇق سەي—خاسىڭ ئارلاشتۇرۇلغان كەرەپشە سېيىمۇ تەييار بولغان بولىدۇ.