ئەڭ يېڭى تەتقىقاتتىن بايقىلىشىچە، ھەمىشە چاي ئىچىش ئاتسېتىل خولىنىستېرازانىڭ ئاكتىپلىقىنى تىزگىنلەشكە پايدىلىق ئىكەن، بۇ خىل فېرمېنت نېرۋا ئۆتكۈزگۈچى ماددىسى ئاتسېتىل خولىننى بۇزغۇنچىلىققا ئۇچرىتىش ئارقىلىق ياشانغانلار كېسەللىكنى قوزغايدۇ. ياشانغانلار دېۋەڭلىك كېسەللىكنىڭ ئالامىتى ئاتسېتىل خولىننىڭ تۆۋەنلىشىدە ئىپادىلىنىدىغان بولۇپ، ياشانغانلاردىكى دېۋەڭلىك كېسەللىكىگە گىرىپتار بولغۇچىنىڭ مېڭىسىدە نېرۋىنىڭ ئۆتۈشى توسۇلۇپ قېلىپ، شۇ كېسەللىك قوزغىغان دەسلەپكى مەزگىلدە، بىمار گەپنى ئەزمە قىلىدۇ، ئالا تاغىل سۆزلەيدۇ، ئەستە تۇتۇش ئىقتىدارى تۆۋەنلەيدۇ، ئۇنتۇغاق بولۇپ قالىدۇ، كېسەللىكنىڭ ئېغىرلىشىغا ئەگىشىپ، بىمارنىڭ كەيپىياتى خامۇش بولۇپ قالىدۇ، بىمار كىشىلەر بىلەن ئارىلاشمايدىغان، گۇمانخور، ئىنكاسى ئاستا، ھەرىكىتى دەلدەڭ بولۇپ قالىدۇ، دېۋەڭلىك كېسەللىكى ئېغىرلار ھاڭۋاقتى، گومۇش بولۇپ قالىدۇ، ئەتىدىن كەچكىچە ئورنىدىن قوپماي ياتىدۇ، كىشىلەر بىلەن ئارىلاشمايدۇ، ھەتتا تاماق يېيىش، كىيىم كىيىش، تەرەت قىلىش قاتارلىقلاردا قىينىلىدۇ، تۇرمۇشتا ئۆزىنىڭ ھۆددىسىدىن ئۆزى چىقالمايدۇ، ئاخىرىدا بارلىق ئەزاسى قېرىپ ئۆلىدۇ.