خەلقئارا ئۈنچە-مەرۋايىت تورى خەۋرىگە ئاساسلانغاندا، ۋىيتناملىق باي تىران.نىگوس.پۇس ئەڭ ئاددى ھەم بىۋاستە بولغان ئۇسۇل بىلەن ئۆز بايلىقىنى كۆز-كۆز قىلىدىغان بولۇپ، ئۇ ھەركۈنى 26جىڭ ئېغىرلىقتىكى ئالتۇن زىبۇ-زىننەت بۇيۇمى تاقاپ سىرتقا چىقىدۇ؛ ئۇنىڭ بۇ زىننەت بۇيۇملىرى بولسا، بىرسى 2جىڭ يەنى بىرسى 8جىڭ كىلىدىغان ئىككى ئالتۇن بىلەيزۈك، 12جىڭ ئېغىرلىقتىكى بىر ئالتۇن زەنجىر بۇلاپكا، ھەربىرسىنىڭ ئېغىرلىقى بىر جىڭدىن كىلىدىغان تۆت ئۈزۈكتىن تەشكىل تاپقان.

    توردا ئۆز بايلىقىنى كۆز-كۆز قىلىدىغان ئادەملەر نۇرغۇن، ئەمما ئۇلارنىڭ كۆپىنچىسى ئالى دەرىجىلىك ماشىنا ۋە داچا، ھەشەم بۇيۇملىرى قاتارلىقلارنى كۆز-كۆز قىلىش بىلەن چەكلىنىدۇ، كىشىلەرمۇ بۇنىڭدىن ئاللىبۇرۇنلا ئەجەبلەنمەس بولۇپ قالغان. بىراق يېقىندىن بۇيان، ۋىيتناملىق باي تىران.نىگوس.پۇس ئەڭ ئاددى ئەمما ئەڭ بىۋاستە بولغان ئۇسۇلنى قوللىنىپ، يەنى 26جىڭ ئېغىرلىقتىكى ئالتۇن زىبۇ-زىننەت بۇيۇمىنى تاقاپ سىرتقا چىقىپ، ھەممە يەردە ئۆزىنىڭ بايلىقىنى كۆز-كۆز قىلىپ كىشىلەرنىڭ دىققىتىنى تارتقان.

    بۇيىل 36ياشقا كىرگەن نىگوس پۇس، شۇ يەردىكى زەنجىرسىمان كارائوك بەزمىخانىسىنىڭ خوجايىنى بولۇپ، ئۇ زىبۇ-زىننەت بۇيۇملىرى ۋە موتوتسىكىلىت يېغىپ ساقلاشنى ياخشى كۆرىدىكەن. 12-ئاينىڭ 6-كۈنى كەچقۇرۇن، شەرقى جەنۇبى ئاسىيا پۇتبول لەۋھە تالىشىش مۇسابىقىسى يېرىم ھەل قىلغۇچ مۇسابىقىسى خانوي شەھرىدە ئۆتكۈزۈلگەن بولۇپ، ۋىيتنام كوماندىسى بىلەن فىلىپىن كوماندىسى مۇسابىقىلىشاتتى. نىگوس پۇس بۇ قېتىملىق مۇسابىقىنى ئۆيىدە كۆرۈشنى خالىماي، ئالتۇن زىبۇ-زىننەتلىرى بىلەن "تۇلۇق قۇراللىنىپ" سىرتتا مۇسابىقە كۆرۈشكە چىققان. ئالتۇننىڭ پاقىراقلىقىنى تۇلۇق نامايەن قىلىش ئۈچۈن، نىگوس پۇس ئالدى بىلەن قارا مايكا كىيىۋالغاندىن كىيىن، ئۆزىنىڭ ئالتۇن زەنجىر بولاپكىسىنى، بىلەيزۈكلىرىنى ۋە ئۈزۈكلىرىنى تۇلۇق تاقىۋالغان؛ ئۇ يەنە تېخى بۇلاڭچىلىققا ئۇچراشتىن ئەنسىرەپ، تۆت نەپەر قوغدىغۇچى ياللاپ، ئۆزىنى قوغداشقا قويغان.

   نىگوس پۇسنىڭ بوينىدىكى زەنجىر بولاپكا بەك ئېغىر بولغاچقا، مۇسابىقە كۆرۈش جەريانىدا، ئۇنىڭ قوغدىغۇچىلىرى قولى بىلەن بولاپكىنى كۆتۈرۈپ تۇرۇشقا مەجبۇر بولغان؛ چۈنكى بۇنىڭدا، زەنجىر بولاپكىنىڭ نىگوس پۇسنىڭ بوينىغا چۈشۈرىدىغان بېسىمنى يىنىكلىتىشكە بولاتتى.