ھاۋانىڭ سوۋىشىغا ئەگىشىپ، ئارىشاڭغا چۈشىدىغانلارمۇ بارغانسېرى كۆپ بولىدۇ، گەرچە ئارىشاڭغا چۈشۈش ئادەمگە راھەتلىك ئاتا قىلىدىغان بىر ئىش بولسىمۇ، ئەمما قانچە كۆپ ئارىشاڭغا چۈشسە شۇنچە پايدىسى بار دىگەنلىك ئەمەس. 

ئەرلەرگە نىسبەتەن ئېيتقاندا، ئارىشاڭغا چۈشكەندە «گىرادۇس»قا دىققەت قىلىش كېرەك، بولمىغاندا پەرزەنتلىك بولۇشىغا تەسىر كۆرسىتىدۇ، بەزەنلەر بەلكىم بۇنىڭغا ھەيران قېلىشى، نېمە ئۈچۈن؟ دېگەن سوئاللار تۇغۇلىشى مۇمكىن، ئارىشاڭغا چۈشۈش ئادەم بەدىنىگە پايدىلىق ئىدىغۇ دەپ قارىشى مۇمكىن، ھەممىگە مەلۇم بولغىنىدەك، ئارىشاڭغا چۈشكەندە ھەممىمىز ئارشاڭدىكى تېمپىراتۇرىنى دەپ بارىمىز، ئادەتتە ئارىشاڭنىڭ تېمپىراتۇرىسى ئادەم بەدىنىنىڭ تېمپىراتۇرىسىدىن يۇقىرى، يەنى ℃37تىن يۇقىرى بولۇپ، بىلىشىمىز كېرەككى ئەرلەرنىڭ ئۇرۇقدان خالتىسى بەدەن بوشلۇقىنىڭ سىرىتقى قىسمىغا جايلاشقان بولغاچقا، بۇ ئورۇننىڭ تېمپىراتۇرىسى بەدەن تېمپىراتۇرىسىدىن℃5~2قىچە تۆۋەن بولىدۇ، شۇڭا ℃35 ئۇرۇقنىڭ تېمپىراتۇرىسىغا ئەڭ ماس كېلىدۇ دىيىشكە بولىدۇ، ئەگەر دائىم ئارىشاڭغا چۈشكەندە ئۇرۇقدان خالتىسىنىڭ قىسمەن ئورۇنلىرىنىڭ تېمپىراتۇرىسىنى ئۆرلىتىپ، ئۇرۇقنىڭ يېتىلىشىگە تەسىر بولىدۇ ھەمدە ئۇزۇن ۋاقىت ℃40 ياكى ئۇنىڭدىنمۇ يۇقىرى تېمپىراتۇرلۇق ئارىشاڭغا چۈشكەندە ھەتتا ئۇرۇقداننىڭ ئۇرۇق چىقىرىش ئىقتىدارىغا زىيان يېتىدۇ، ئۇرۇق سانى ئازىيىپ، ھاياتىي كۈچى تۆۋەنلەپ، پەرزەنتلىك بولالماسلىقنى كەلتۈرۈپ چىقىرىدۇ.

شىنجاڭ بوغدا دوختۇرخانىسى مۇتەخەسىسى پەرزەنتلىك بولۇش ئىستىكى بار ئەرلەرگە شۇنى سەمىمىي ئەسكەرتىدۇكى: ئارىشاڭغا ھەددىدىن ئارتۇق ئۇزۇن ۋاقىت چىلىنىشنىڭ ئالدىنى ئېلىش كېرەك، ئەگەر راستىنلا ئېھتىياج بولسا 15-30 مىنۇت ئەتراپىدا كونتىرول قىلىش، تېمپىراتۇرا ئەڭ ياخشىسى بەدەن تېمپىراتۇرىسىدىن ℃3تىن يۇقىرى بولۇپ كەتمەسلىگى، ئادەتتە بىر ئايدا 2 قېتىمدىن ئېشىپ كەتمەسلىگى كېرەك.

ئۇنىڭدىن باشقا، بوغدا دوختۇرخانىسى مۇتەخەسىسى يەنە مۇنۇ نۇقتىلارنى تەكىتلەيدۇ: ھورداققا چۈشۈش، قىززىق سۇدا يۇيۇنۇش، تار ئىشتانلارنى كىيىش، كومپىيۇتېرنى يوتىسىغا قويىۋېلىپ ئۇزۇن مۇددەت خىزمەت ئادىتىگە كۆنۈۋېلىش، ئۇزۇن مۇددەت ماشىنا ھەيدەش، مىدىرلىماي ئۇزۇن ۋاقىت ئولتۇرۇش، يەنە يۇقىرى تېمپىراتۇرا مۇھىتىدا خىزمەت قىلىش قاتارلىقلارمۇ ئۇرۇقدان خالتىسىنىڭ تېمپىراتۇرىسىنى يۇقىرىلىتىۋېتىپ، ئۇرۇقنىڭ سۈپىتىنىڭ تۆۋەنلىشىنى كەلتۈرۈپ چىقىرىدۇ. ئۇرۇق ئىسسىقتىن قورقىدۇ، «تۆۋەن تېمپىراتۇرا مۇھىتى» ئۇرۇقنىڭ پەرزەنتلىك بولۇشتىكى ئەڭ ياخشى مۇھىتى، يۇقىرى تېمپىراتۇرا ئۇرۇققا نىسبەتەن خەۋپ ئېلىپ كېلىدىغان چوڭ بىر «ھاڭ»، شۇڭا ئەركەكلىرىمىزنىڭ، بولۇپمۇ پەرزەنتلىك بولۇش ئىستىكى بار ئەرلەرنىڭ قانداق قىلىپ ئۆز «ئۇرۇقى»غا ئەڭ ياخشى مۇھىت ھازىرلاپ بېرىشىنى بىلىۋېلىشىنى تەۋسىيە قىلىمىز. 

مەنبە: شىنجاڭ بوغدا دوختۇرخانىسى تەشۋىقات مەركىزى ماتېرىيالغا ئاساسەن تەييارلىغان. كۆچۈرۈپ تارقاتقاندا ئەسلى مەنبەنى ئەسكەرتىشنى ئۇنۇتماڭ!