مىۋە شەربىتىنىڭ ئىنىقلىمىسى

     ئامرىكا يىمەكلىك ۋە دورا نازارەتچىلىك باشقۇرۇش ئىدارىسى مۇنداق بىكىتكەن : ئەگەر مەھسۇلات ماركىىسىدا مىۋە شەربىتى دەپ ئېلىنغان بولسا ، ئۇنداقتا بۇ مەھسۇلات چوقۇم %100مىۋە شەربىتى بۇلۇش كىرەك ؛ قويۇقلاشتۇرۇلغان مىۋە شەربىتىدىن تەڭشەلگەن مىۋە شەربەت ئىچىملىكلىرى چوقۇم قۇيۇقلاشتۇرۇلغان مىۋە شەربىتىدىن تەڭشەلگەن دەپ ئەسكەرتىش ؛ ئەگەر مىۋە شەربىتىنىڭ قۇيۇقلۇقى %100دىن تۆۋەن بولسا ، چوقۇم مىۋە شەربىتىنىڭ ئىگىلىگەن مىقدارىنى ئەسكەرتىش ، ھەمدە مەھسۇلات نامى تەسۋىرلەش خارەكتىرلىك ( مەسىلەن ئىچىملىكى دىگەنگە ئوخشاش ) ئاتالغۇلارنى ئۆز ئىچىگە ئېلىشى كىرەك .

    ئادەتتە مىۋە شەربىتى ئىچىملىكى ، مىۋەشەربىتى تەركىبى قىسمى %99-%10گىچە بولغان ، ھەمدە تاتلىق تەم دورىسى ، پۇراقلىق ماتىريال ، ۋىتامىن س ۋە كالتسىي قاتارلىق قۇشۇندىلار قوشۇلغان ئىچىملىكلەرنى كۆرسىتىدىغان بۇلۇپ ، قوشۇلغان بۇ ماددىلار چوقۇم مەھسۇلات ماركىسىدا بىرمۇ بىر ئىزاھلىنىشى كىرەك .

ئۇزۇن مۇددەت مىۋە شەربىتى ئىستىمال قىلىشنىڭ بالىلارغا بولغان زىيىنى

1.     مىۋە شەربىتى بالىلارنى قان ئازلىق كىسىلىگە گىرىپتار قىلىدۇ

       مىۋە شىكىرى بەدەننىڭ مىس ماددىسىنى سۈمۈرۈشىگە توسقۇنلۇق قىلىدىغان بۇلۇپ ، مىسنىڭ كەمچىللىكى بولسا قىزىل قان ئاقسىلىنىڭ شەكىللىنىشىگە تەسىر كۆرسىتىپ ، قان ئازلىق كىسىلىگە گىرىپتار بۇلۇپ قېلىشنى كەلتۈرۈپ چىقىرىدۇ . ئېينىشتىيىن مىدىتسىنا مەركىزى 100دىن ئارتۇق قان ئازلىق كىسىلى بار بالىلارغا قايتا كۆزىتىش خارەكتىرلىك تەكشۈرۈش ئېلىپ بارغاندا ،بۇلارنىڭ ئىچىدىكى  %80دىن يۇقىرى نىسبەتتىكى بالىلارنىڭ مىۋە شەربىتى ئىچىش ئادىتى بارلىغىنى بايقىغان .

2.     سۈنئى ئۇسۇلدا تەييارلانغان رەڭ ماددىسى ، ئەقلى ئىقتىدارنىڭ يىتىلىشىگە تەسىر كۆرسىتىدۇ

      مەيلى مىۋە تەملىك ئىچىملىكلەر بولسۇن ياكى تۆۋەن قۇيۇقلۇقتىكى مىۋە شەربىتى ئىچىملىكلىرى بولسۇن ، ھەممىسىدە سۈنئى ئۇسۇلدا يىتىشتۈرۈلگەن رەڭ ماددىسى ئىشىلىتىلىدۇ ؛ چۈنكى ئۇچۇق رەڭلىك كەلگەن بۇ خىلدىكى مەھسۇلاتلار ئىستىمالچىلارنىڭ كۆرۈش سىزىمى جەھەتتە ، ئىچىملىك بىلەن مىۋە-چىۋىلەرنى باغلىنىشلىق كۆرسىتىدۇ ؛ شۇڭلاشقا  ئىچىملىك تەركىبىدىكى مىۋە شەربىتىنىڭ مىقدارى ئىچىملىكنى مىۋە رەڭگىگە ئوخشاش ھەرخىل ئۇچۇق رەڭلىك قىلالمىغۇدەك دەرىجىدە ئاز بولغان ۋاقىتتا،  ئەرزان باھادىكى سۈنئى ئۇسۇلدا يىتىشتۈرۈلگەن رەڭ ماددىسى ئىشلىتىش ئەڭ ياخشى تاللاشتۇر .

تەتقىقاتچىلار 100نەپەر بالىغا قارىتا تەكشۈرۈش ئېلىپ بېرىپ ، سۈنئى ئۇسۇلدا تەييارلانغان رەڭ ماددىسىنىڭ بالىلارنىڭ ئەقلى ئىقتىدارىغا تەسىر كۆرسىتىدىغانلىغىنى بايقىغان . دائىم مىۋە شەربىتى ئىچىپ ، سۇنى ئاز ئىچىدىغان بالىلاردا ئىشتىھاسى تۇتۇلىدىغان ، كۆپ مىدىرلايدىغان ، مىجەزى غەلىتە ، بەدەن ئېغىرلىقى ۋە بوي ئىگىزلىكى يىتەرلىك بولمايدىغان ئەھۋاللار كۆپ كۈرۈلىدىكەن .

3.     بالىلارنىڭ ئاسانلا سەمىرىپ كىتىشىنى پەيدا قىلىدۇ

      سۇ –مىۋە شەربىتىنىڭ ئاساسلىق تەركىبى قىسمى ، ئۇنىڭدىن قالسا كاربون سۇ بىرىكمە ماددىلىرى بۇلۇپ ، بۇ كاربون سۇ بىرىكمە ماددىلىرىنىڭ قويۇقلۇقى ( kcal/mL0.44 ) g%11دىن  g%（0.64kcal/mL）16گىچە ئوخشاش بولمىغان مىقداردا بۇلىدۇ ؛ ئاساسلىقى قومۇش شېكىرى ، مېۋە قەنتى، گلۇكوزا ۋە تاغ نەشپۈت شېكىرى ئىسپىرتى قاتارلىقلارنى ئۆز ئىچىگە ئالىدۇ . ئاناسۈتى ۋە بوۋاقلار ئۈچۈن مەخسۇس ئۆلچەملىك تەڭشەلگەن كالا سۈتىنىڭ تەركىبىدىكى كاربون سۇ بىرىكمە ماددىلىرىنىڭ قويۇقلۇقى g%7 بۇلىدۇ ؛ بىر ئىستاكان يىڭى ئاپلىسىن شەربىتىنىڭ تەركىبىدە 112كالورى ، ئالما شەربىتىدە 114 كالورى ، ئۈزۈم شەربىتىدە 152 كالورى ئىسسىقلىق بار . ئوخشاش مىقداردىكى كوكا كولانىڭ تەركىبىدە 97 كالورى ، پېپسى كولاسىنىڭ تەركىبىدە 100كالورى ئىسسىقلىق بۇلىدۇ .

      ئادەتتە ئادەم بىر تال ئالما يسىلا قورساق تويۇپ قالغاندەك ھىس قىلىدۇ ، ئەمما  4 ئالمىدىن ئاندىن ناھايىتى ئاز مىقداردا ئالما شەربىتى سىقىپ چىقىرىشقا بۇلىدۇ ، بۇنىڭدا چىققان شەربەتنىڭ ھەممىنى ئىچىۋەتسەكمۇ تويۇش ھىس قىلمايمىز ؛ ئەمما دەل مۇشۇ بىر ئىستاكان ئالما شەربىتى تەركىبىدىكى ئىسسىقلىق مىقدارى بىر ئالمىنىڭكىگە قارىغاندا ناھايىتى كۆپ بۇلىدۇ ؛ مىۋە شەربىتى ئىچىملىكلىرى تېخىمۇ مۇشۇنداق بۇلىدىغان بۇلۇپ ، كۆپ قىسىم مىۋە شەربىتى ئىچىملىكلىرىگە تېخى شىكەر قوشۇلىدۇ . مۇتەخەسسىسلەرنىڭ تۇنۇشتۇرۇشىچە ، ھازىر خەلقئارادا مىۋە شەربىتى ۋە مىۋە شەربىتىگە ئىچىملىكلىرىگە ئالاقىدار تەتقىقاتلار كۆپ بۇلۇپ ، بۇنىڭ ئىچىدىكى نۇرغۇنلىرى بالىلارنىڭ 2تىپتىكى قەنت سىيىش كىسىلىنىڭ ئازابىغا ئۇچرىشىدىن ساقلىنىشنى مەقسەت قىلغان .

4.     بالىلارنى ئاسانلا تاتلىق يىمەكلىككە خۇمار قىلىپ قويىدۇ

      بەزى مۇتەخەسسىسلەر كۆپ مىقداردا تاتلىق ئىچىملىك ئىچىشنىڭ بالىلارنىڭ چوڭ بولغاندا تاتلىق يىمەكلىككە ئامراق قىلىپ قويۇشىدىن ئەنسىرەيدۇ . گوللاندىيەدىكى 2004-يىلدىكى بىر تۈرلۈك تەتقىقات تۈرىدە بايقىلىشىچە ، 8ياشتىن 10 ياشقىچە بولغان بالىلار قەنت تەركىبى بولغان ئاپلىسىن شەربىتىنى 8كۈن ئۈزۈلدۈرمەي ئىچكەندىن كىيىن تاتلىق ئىچىملىكلەرگە خۇمار بۇلۇپ قالىدىكەن ، ئۇلار ئاپلىسىن شەربىتىنىڭ تاتلىق تەمىگە ئادەتلىنىپ قالغانلىق سەۋەبلىك ، ئىچىدىغان مىقدارىمۇ تېخىمۇ كۆپ بولغان .

دوستانە تەكلىپ :

      بوۋاق 6 ئايلىق بۇلۇشتىن ئىلگىرى ، ئانا سۈتى ئۇلارغا قارىتا بىردىنبىر ئۇزۇقلۇق مەنبەسى بۇلۇش كىرەك ؛ ئانا سۈتى ئىمىتەلمەيدىغان ياكى ئىمىتمەسلىكنى تاللىغان بوۋاقلارغا قارىتا ، بوۋاقلار ئۈچۈن مەخسۇس تەڭشەلگەن سۈت پاراشۇكىنى ئۇزۇقلۇق مەنبەسى قىلساق بۇلىدۇ ، باشقا ئۇزۇقلۇق يەتكۈزۈش ھاجەتسىز ؛ 6 ئايلىقتىن چوڭ بىر ياشتىن كىچىك بوۋاقلار مىۋە مىۋە شەربىتى ئىچىشتە ئىھتىيات قىلىشى لازىم ؛ 1 ياشتىن ئاشقان بالىلارغا مىۋە شەربىتىنى تاماقتىكى ئۇسسۇلۇق ياكى ئۇششاق يىمەكلىكلەرنىڭ بىر قىسمى قاتارىدا بەرسەك بۇلىدۇ ، ئەمما بوتولكىغا قۇيۇپ ئەتىگەندىن كەچكىچە ئىمىپ يۈرۈشكە بولمايدۇ ؛ 6-1ياشقىچە بولغان بالىلارنىڭ ھەركۈنلۈك ئىچىدىغان مىۋە شەربىتىنىڭ مىقدارى ياش بۆلىكىگە قاراپ 100-150مىللىگىرام ئەتراپىدا بۇلۇشى ۋە بۇنىڭدىن ئېشىپ كەتمەسلىگى ، 18-7ياشقىچە بولغان بالىلارنىڭ ياش بۆلىكىگە قاراپ 300-200مىللىگىرام ئەتراپىدا بۇلۇشى ۋە بۇنىڭدىن ئېشىپ كەتمەسلىكى لازىم .

ئەسكەرتىش : تور بىكىتىمىزدىكى ئەسەرلەرنىڭ ئاپتور ھوقۇقى شىنجاڭ تەمزات مەدەنىيەت تارقىتىش چەكلىك شىركىتىگە تەۋە بۇلۇپ، رۇخسەتسىز كۆچۈرۈپ ئىشلەتكەنلەرنىڭ قانۇنى مەسئۇلىيىتى سۈرۈشتە قىلىنىدۇ!

友情提示：作品版权归新疆塔穆扎提文化传播有限公司所有，抄袭转载者必究法律责任！