بالىلارنىڭ ساغلام ئۆسۈپ يېتىلىشى ھەر بىر ئاتا-ئانىنىڭ ئارزۇسى، بالىلارنىڭ بوي ئېگىزلىكى نۇرغۇن ئاتا-ئانىلارنىڭ بېشىنى قاتۇردى. ئەمەلىيەتتە ناشتىلىقتا قانداق نەرسە يېگەندە ئاسان بوي ئۆسىدۇ، دېگەننى بىلىۋالسىڭىزلا بالىڭىزنىڭ بويى ئېگىز بولىدۇ. ئۇنداقتا قانداق نەرسە يېگەندە ئاسان بوي ئۆسىدۇ؟

سۈت مەھسۇلاتلىرى:

بىزنىڭ بىرىنچى تاللىشىمىز چوقۇم سۈت مەھسۇلاتلىرى بولۇشى كېرەك، چۈنكى ئۇ ئوزۇقلۇق ناھايىتى تولۇق بولغان بىر خىل يېمەكلىك بولۇپ، ھەر يۈز گرام سۈتنىڭ تەركىبىدە 70.5 كىلوكالورىيە ئىسسىقلىق ئېنېرگىيەسى، 3.4گىرام ئاقسىل، 3.7گرام ياغ بار. شۇنىڭ بىلەن بىرگە كۆپ مىقداردا ۋىتامىنB1، ۋىتامىنA قاتارلىق ئوزۇقلۇق ماددىلار بار. ئۇنىڭ ئۈستىگە سۈت تەركىبىدىكى ئاقسىل ئادەم بەدىنىنىڭ ئۆسۈپ يېتىلىشنىڭ ئاساسى، ئادەم بەدىنىنىڭ بۇ خىل ئاقسىلنى ھەزىم قىلىش نىسبىتى%98تىن يۇقىرى، سۈت تەركىبىدە كالتسىي مول بولۇپ، ئادەم بەدىنى قوبۇل قىلىشقا ناھايىتى پايدىلىق. سۈت ئادەم بەدىنىدىكى كالتىسىينىڭ ئەڭ ياخشى كېلىش مەنبەسىدۇر.

مەيلى ئاقسىل بولسا ياكى كالتسىي بولسۇن، ھەر ئىككىسى بالىلارنىڭ ئۆسۈپ يېتىلىشىدە كەم بولسا بولمايدۇ، بوي ئۆستۈرمەكچى بولساق، چۇقۇم تەركىبىدە كالتسىي بىر قەدەر مول بولغان يېمەكلىكلەرنى ئىستېمال قىلىش كېرەك، چۈنكى كالتسىي سۆڭەكنىڭ يېتىشىگە پايدىلىق.

پۇرچاق مەھسۇلاتلىرى:

 پۇرچاق مەھسۇلاتلىرى تەركىبىدە كۆپ مىقداردا ئاقسىل بار، نۆۋەتتە پۇرچاق ئاقسىل مىقدارى ئەڭ يۇقىرى، سۈپىتى ئەڭ ياخشى بولغان زىرائەت ھېسابلىنىدۇ، ئادەم بەدىنى سەككىز خىل زۆرۈر بولغان ئامىنو كىسلاتاسىغا ئېھتىياجلىق، بىراق بۇ ئامىنو كىسلاتالىرىنى ئادەم بەدىنى ئۆزگە تايىنىپلا سېنتىزلىيەلمەيدۇ، شۇڭا ئۇلارنى چۇقۇم يېمەكلىك ئارقىلىق قوبۇل قىلىش كېرەك، پۇرچاق ياكى دادۇر مەھسۇلاتلىرى تەركىبىدە(甲硫氨酸) ئاز بولغاندىن سىرت، يەنە باشقا يەتتە خىل ئامىنو كىسلاتاسىنىڭ مىقدارى ئىنتايىن مول بولۇپ، بۇنىڭ ئىچىدە ئامىنو كىسلاتاسىنىڭ مىقدارى ئەڭ يۇقىرى.

بۇ خىل ئامىنو كىسلاتاسىنىڭ مىقدارى بىر قەدەر يېتەرلىك بولۇپ، بىر قەدەر تولۇق بولغان ئاقسىلنى تەشكىل قىلىدۇ ، بۇ خىل ئاقسىل ئەلا سۈپەتلىك ئاقسىل دەپ ئاتىلىدۇ. كۈندىلىك تۇرمۇشتا ئاتا ئانىلار بالىلارغا پۇرچاق، سۈت مەھسۇلاتلىرىنى كۆپرەك ئىستېمال قىلدۇرۇشى، بۇ ئارقىلىق ئادەم بەدىنىنىڭ ئاقسىل ۋە ئامىنو كىسلاتاغا بولغان ئېھتىياجنى قاندۇرۇشى كېرەك.

ھايۋانات مەھسۇلاتى:

ھايۋانات مەھسۇلاتلىرىمۇ كەم بولسا بولمايدۇ، ئۇلار بالىلارنىڭ ئۆسۈپ يېتىلىشى ئىنتايىن مۇھىم رول ئوينايدۇ. ھايۋانات مەھسۇلاتلىرىدا ئادەم بەدىنىدىكى زۆرۈر بولغان ئامىنو كىسلاتاسى مىقدارى ئىنتايىن مول، مەسىلەن، تۇخۇم، گۆش، بېلىق قاتارلىقلار. ئۇنىڭ ئۈستىگە، بۇ خىل يېمەكلىكنىڭ ئوزۇقلۇق قىممىتى يۇقىرى، شۇنىڭ بىلەن بىرگە ئادەم بەدىنىگە زۆرۈر بولغان ئاقسىل بار، شۇڭا ئەتىگەنلىك ناشتىغا بۇ خىل يېمەكلىكلەرنى قوشۇپ ئىستېمال قىلىش كېرەك.

دانلىق زىرائەت ۋە قارا ئاشلىق: بالىلار ناشتىلىقتا كۆپ مىقداردىكى ئوزۇقلۇق ماددىلارغا ئېھتىياجلىق بولسىمۇ، ئەمما ئومۇمىي گەۋدىدىن قارىغاندا ياغسىز بولغىنى ياخشى، شۇنىڭ بىلەن بىر ۋاقىتتا ئاقسىل ۋېتامىن ۋە مىكرو ئېلىمتلارنىڭ مول بولۇشىغا كاپالەتلىك قىلىش كېرەك. ئەستە تۇتۇشقا تېگىشلىك بىر نۇقتا شۇكى، بالىلارغا زىيادە ياغلىق ياكى ياغدا پىشۇرغان يېمەكلىكلەرنى بەرمەسلىك كېرەك. ئەڭ ياخشىسى تاماق ئەتكەن ۋاقىتتا شورپا، ئۇماچ، ئۇيۇتما قاتارلىقلارنى ئېتىش كېرەك. بۇنداق قىلىش سالامەتلىككە كۆڭۈل بۆلۈش بولۇپلا قالماستىن، بالىلارنىڭ ھەزىم قىلىشقىمۇ پايدىلىق.

مۇتەخەسسىسلەر كۈندىلىك تۇرمۇشتا بالىلار دانلىق زىرائەتلەرنى ۋە قارا ئاشلىقنى كۆپرەك ئىستېمال قىلىش كېرەك دەپ تەكلىپ بەرگەن، مەسىلەن، گۈرۈچنىڭ تال ۋە ئاشقازاننى ساغلاملاشتۇرۇش رولى بار بولۇپ، تال ۋە ئاشقازىنى زەئىپلىشىپ، قىزىتىدىغان بالىلارغا ماس كېلىدۇ. شوۋىگۈرۈچ ئۈستىدىكى نېپىز بىر قەۋەت گۈرۈچ يېغىدا ئوزۇقلۇق ناھايىتى مول بولۇپ، ئاشقازان ئۈچەينىڭ فۇنكسىيىسىدە مەسىلە بار بالىلارنىڭ سالامەتلىكنى ئەسلىگە كېلىشتە مۇھىم رول ئوينايدۇ. كۆممىقوناقتىن تال ساغلاملاشتۇرۇپ بەدەندىكى نەملىكنى چىقىرىۋېتىش، ئىشتىھانى ئېچىپ، ئەقىللىق قىلىش قاتارلىق رولى بار.

كالىتسىي ۋە ئاقسىل:

 ئەتىگەنلىك ناشتىدا قانداق نەرسە يېسە ئاسان بوي ئۆستۈرىدۇ دېگەن مەسىلىدە يېتەرلىك ئاقسىل ئىنتايىن زۆرۈر، بولۇپمۇ قىش پەسلىنى ئۆتكۈزگەندىن كېيىن، بالىلاردا ئاسانلا كالتىسىي يېتىشمەسلىك كۆرۈلىدۇ . ئۇنىڭ ئۈستىگە ئەتىياز پەسلىدە بالىلارنىڭ ئۆسۈشى تېز بولىدۇ، بۇنداق ۋاقىتتا ئەگەر بالىلارغا ۋاقتىدا يېتەرلىك ئاقسىل تولۇقلانمىسا، بالىلاردا ئۆسۈپ يېتىلىشى توختاپ قېلىشتەك ئەھۋاللار كۆرۈلۈپ، ئۇلاردا ئېغىر ئوزۇقلۇق يېتىشمەسلىك مەسىلىسىنى پەيدا قىلىدۇ، شۇڭا ھەر كۈنى ئۈچ ۋاقلىق تاماقتا تەركىبىدە كالتسىي مول بولغان يېمەكلىكلەرنى تەييارلاش كېرەك، مەسىلەن، سۈت، پۇرچاق مەھسۇلاتلىرى، سۆڭەك شورپىسى، بېلىق، راك، كۈنجۈت قاتارلىقلار.