خام ماتىريالى: قوي گۆشى، بەرەنكە2دانە(ياڭيۇ)، سۇماي 100گىرام، كوك_قىزىل مۇچ2دانە ،باش پىياز بىر دانە، سامساق بەش چىش ، زەنجىۋىل 10 گىرام.

   تەم خۇرۇچلىرى: تۇز، كاۋاۋىچىن، شاكال بەدىيان، ئارپىدىيان ، قاقىلە، قۇۋزاق داچىن، لاچىندانە، ئاچچىق قىزىلمۇچ، ئاقمۇچ، شېكەر، چانالغان قىزىلمۇچ، قىزىلمۇچ قىيامى.

   تەييارلاش ئۇسۇلى: قوي گۆشىنى ياڭاق چوڭلىقىدا چانايمىز، بەرەنكىنىمۇ قېلىنراق يالپاق توغرايمىز، باش پىياز ۋە قىزىلمۇچلارنى ئۈچ بۇرجەك شەكىلدە توغرايمىز(رەسىمدىكىدەك).

     قۇرۇش ئۇسۇلى: قازانغا بىرچۇمۇچ ماي قۇيۇمىز، يېرىم چۇمۇچ شېكەرسېلېپ ئارلاشتۇرۇمىز، شېكەر ئىرىپ قىزىل كۇپۇكچىلەر چىققاندا تەييارلانغان قوي گۆشى نى سېلىپ قۇرۇيمىز، قوي گۆشى قىزارغاندا چانالغان قىزىلمۇچ ۋە قىزىلمۇچ قىيامى سېلېپ،  تۇز،كاۋاۋىچىن، شاكال بەدىيان،ئارپىدىيان ، قاقىلە، قۇۋزاق داچىن،لاچىندانە، ئاچچىق قىزىلمۇچ، غولپىياز، سامساقلارنى ئارقىمۇ-ئارقا سلېپ  قۇرىغاندىن كېيىن، قوي گۆشى چىلاشقىدەك سۇ قۇيۇپ بوش ئوتتا 75مىنۇت ئەتىراپىدا قاينىتىمىز. ئاندىن  بەرەنكىنى سالىمىز، پىشقاندا تۇز تەمىنى تەڭشەپ كوك-قىزىل مۇچنى سېلىپ تەخسىگە ئۇسىمىز.

   ئەسكەرتىش
    1. ئەگەر يۇقىرى بېسىملىق قازان بار بولسا، قوي گۆشى قۇرىغاندا بەرەنكىنى (سەۋزىنى)سالماي ئون مىنۇت يۇقىرى بېسىملىق قازاندا پىشۇرۇپ ،ئاندىن بەرەنكىنى(سەۋزىنى) سېلىپ بەش مىنۇت قاينىتىپ ئالساق بۇلىدۇ.
    2. سەۋزە  ئورنىغا ئوز ئىستىمالىڭىز بۇيىچە بەرەنگە ،ياكى چامغۇر سېلىپ قورىسىڭىزمۇ بۇلىدۇ