خام ماتىريالى: قوي گۆشى، نان، قىزىل سېرىق سەۋزە، باش پىياز، سامساق، زەنجىۋىل، يۇمغاقسۈت

   تەم خۇرۇچلىرى: تۇز، كاۋاۋىچىن، شاكال بەدىيان، ئارپا بەدىيان، زىرە، قۇۋزاق داچىن، لاچىندانە، ئاچچىق قىزىلمۇچ، ئاقمۇچ، شېكەر، چانالغان قىزىلمۇچ، قىزىلمۇچ قىيامى

   تەييارلاش ئۇسۇلى: قوي گۆشىنى ياڭاق چوڭلىقىدا چانايمىز، قىزىل سېرىق سەۋزىنى قېلىنراق يالپاقلاپ توغرايمىز.

   قۇرۇش ئۇسۇلى: قازانغا 100 گىرام ياغ قۇيۇپ، ئۈستىگە 50 گىرام شېكەر قوشۇپ ئارلاشتۇرۇمىز؛ شېكەر ئىرىپ قىزىل كۇپۇكچىلەر چىققاندا تەييارلانغان قوي گۆشىنى سېلىپ قۇرۇيمىز؛ قوي گۆشى قىزارغاندا چانالغان قىزىلمۇچ، قىزىلمۇچ قىيامى،  تۇز، كاۋاۋىچىن، شاكال بەدىيان، ئارپا بەدىيان ، زىرە،  قۇۋزاق داچىن، لاچىندانە، ئاچچىق قىزىلمۇچ، غولپىياز، سامساقلارنى ئارقىمۇ-ئارقىدىن سېلىپ  قۇرىغاندىن كېيىن، قوي گۆشى چىلاشقىدەك سۇ قۇيۇپ بوش ئوتتا 50 مىنۇت ئەتراپىدا قاينىتىمىز. ئاخىرىدا قىزىل سېرىق سەۋزىنى  سېلىپ 20مىنۇت قاينىتىپ، پىشقاندا تۇز تەمىنى تەڭشەپ  نان تىزىلغان تەخسىگە ئۇسۇپ، ئۈستىگە ئازراق يۇمغاقسۈت قوشۇپ ئىستېمال قىلساق بولىدۇ.

   ئەسكەرتىش
     1. ئەگەر يۇقىرى بېسىملىق قازان  بولسا قوي گۆشى قۇرىغاندا بەرەنكىنى (سەۋزىنى)سالماي ئون مىنۇت يۇقىرى بېسىملىق قازاندا پىشۇرۇپ، ئاندىن سەۋزىنى سېلىپ بەش مىنۇت قاينىتىپ ئالساق بۇلىدۇ.
       2. سەۋزە  ئورنىغا ئوز ئىستىمالىڭىز بۇيىچە كۆك-قىزىلمۇچ، بەرەنگە ياكى چامغۇر سېلىپ قورىسىڭىزمۇ بۇلىدۇ.