پىشقەدەم ئاشپەز ئوسمانجان زاكىر ئۇستامنىڭ قىسقىچە تەرجىمىھالى
ئىسىمى: ئوسمانجان زاكىر
يۇرتى: ئاقسۇ توقسۇ ناھىيەسى
يېشى: 49 ياش
دەرىجىسى: دۆلەتلىك ئالى دەرىجىلىك ئاشپەز
خىزمەت تەجرىبىسى: 30 يىل
ئالاھىدىلىكى: يەرلىك تائاملار، ھەر خىل قورىمىلار، غەربچە تائام، دېڭىز مەھسۇلاتى
قىسقىچە تەرجىمىھالى: ئوسمانجان زاكىر 1971-يىلى 11-ئاينىڭ 14-كۈنى شىنجاڭ ئاقسۇ ۋىلايىتى توقسۇ ناھىيە پەيشەنبە بازار يېزا نۇرلۇق كەنتتە تۇغۇلغان. باشلانغۇچ ۋە تولۇقسىز ئوتتۇرا مەكتەپنى ئۆز يېزىسىدا ئەلا نەتىجە بىلەن پۈتتۈرگەندىن كېيىن، ئاشپەزلىك كەسپىگە چوڭقۇر ئىشتىياق باغلاپ، تۈرلۈك جاپا-مۇشەققەتلەرگە باش ئەگمەي، ئاشپەزلىك ھۈنىرىنى تىرىشىپ ئۆگەنگەن. ئۆزىنىڭ ئاشپەزلىك ماھارىتى ۋە نەزەرىيە سەۋىيىسىنى ئۆستۈرۈش مەقسىتىدە، 1980-يىلى ئۈرۈمچىگە كىلىپ ماھىر ئۇستاملارنىڭ تەربىيىسىدە بولغان. 1997-يىلى ئاشپەزلىك تۈرىدە بىرىنچى دەرىجىلىك ئاشپەز تېخنىكا دەرىجىسىگە ئىرىشكەن. ئۇ ئاشپەزلىك ئەمەلىي ماھارىتى ۋە نەزەرىيە سەۋىيەسىنى تېخىمۇ ئۆستۈرۈپ، كامالەتكە يەتكەن ئۇستىلاردىن بولۇپ يىتىشىپ چىقىش مەقسىتىدە، دۆلىتىمىزنىڭ ھەر قايسى جايلىرىغا بېرىپ مۇنەۋۋەر ئۇستازلاردىن تەلىم ئالغان. 2004-يىلى ئاپتونوم رايون بويىچە كەسپى ماھارەتنى باھالاشتا ئالىي ئۇستا تېخنىكا دەرىجىسىگە ئېرىشكەن.
ئوسمانجان زاكىر ئۇستام، ئاشپەزلىك ماھارىتىنى ئۆگەنگۈچىلەرگە قولايلىق تۇغدۇرۇش مەقسىتىدە، ئۆزىنىڭ ئاشپەزلىك ماھارىتى ۋە تەجرىبىسىگە ئاساسەن، "شىنجاڭ ئالاھىدە قورۇمىلىرى" دېگەن كىتابنى تۈزۈپ چىققان. 2006-يىللىق مەملىكىتىمىز بويىچە ئاشپەزلىك كەسپى ماھارىتىنى باھالاشتا "دۆلەت دەرىجىلىك ئاشپەز"لىك ئۈنۋانى ئېلىپ، شۇ يىللىق مۇسابىقىسىدە ئىككى ئالتۇن مىدالغا ئىرىشكەن.