خەلقئارا ئەمگەكچى ئاياللار بايرىمى، ئادەتتە يەنە 8-مارت خانىم-قىزلار بايرىمى دەپمۇ ئاتىلىدىغان بولۇپ، دۇنيا مىقياسىدىكى خانىم-قىزلارنىڭ تىنچلىق، باراۋەرلىك ۋە تەرەققىياتنى قولغا كەلتۈرۈش خاتىرە كۈنى.
   1909-يىلى 3-ئاينىڭ 8-كۈنى، ئامېرىكا چىكاگو شەھىرىدىكى ئايال ئىشچىلار، باراۋەر ھوقۇقنى قولغا كەلتۈرۈش ئۈچۈن زور كۆلەمدە ئىش تاشلىغان ھەمدە نامايىش قوزغاپ ئاخىرىقى غەلبىنى قولغا كەلتۈرگەن.

   1911-يىلى، كۆپلىگەن دۆلەتتىكى ئاياللار، تۇنجى بولۇپ خانىم-قىزلار بايرىمىنى خاتىرىلەش پائالىيىتى ئۆتكۈزگەن. شۇندىن باشلاپ، 8-مارت خانىم-قىزلار بايرىمىنى تەبرىكلەش پائالىيىتى، تەدرىجى ھالدا پۈتكۈل دۇنيا مىقياسىغا كېڭەيگەن. 1911-يىلى 3-ئاينىڭ 8-كۈنىمۇ بىرىنچ قېتىملىق خەلقئارا ئەمگەكچى ئاياللار بايرىمى خاتىرە كۈنى بولۇپ قالغان.
   1924-يىلى 3-ئاينىڭ 8-كۈنى، دۆلىتىمىزنىڭ ھەر قايسى ساھەلىرىدىكى ئاياللار، خې شىياڭنىڭنىڭ رەھبەرلىكىدە، گۇاڭجۇ شەھىرىدە دۆلەت ئىچىدىكى تۇنجى قېتىملىق "8-مارت خانىم-قىزلار بايرىمى"نى تەبرىكلەش يېغىلىشى ئۆتكۈزۈپ، "بىر ئەر كۆپ ئايالغا ئۆيلىنىش تۈزۈمىنى بىكار قىلىش، توقال ئېلىشنى چەكلەش" قاتارلىق شوئارلارنى ئوتتۇرىغا قويغان.