ئەسسالامۇ ئەلەيكۇم ، ئاشپەز تور بېكىتىگە بېكىتىگە خۇش كەلدىڭىز : بۈگۈن :
ئاشپەز تورى

تۇرمۇش يىتەكچىسى

نۆۋەتتىكى ئورنىڭىز : 首页 » تۇرمۇش يىتەكچىسى » مىۋە-چىۋە
ئالمىنىڭ ئادەم بەدىنىگە پايدىلىق بولغان ئۈنۈم تەسىرلىرى
مەنبەسى : ئاشپەز تورىيوللىغۇچى : تەمزاتبەگ ۋاقتى : 2018-11-22كۆرۈلىشى : قېتىم
     تۆت چوڭ مىۋىنىڭ ئالدى بولۇش سۈپىتى بىلەن، ئالما ئادەم بەدىنى ئېھيىتاجلىق بولغان ئۇزۇقلۇق ماددىلىرىنى تۇلۇقلىغاندىن سىرت، ئۇنىڭ دورىلىق قىممىتىمۇ ئىنتايىن يوقىرى بولۇپ، نۇرغۇنلىغان پايدىلىق ئۈنۈم تەسىرلەرگە ئىگە.
1. ئەستە ساقلاش ئىقتىدارى ۋە ئىممونت كۈچىنى يۇقىرى كۆتۈرىدۇ.
    ئالما تەركىبىدە مول بولغان سىنىك ماددىسى بار؛ سىنىك ماددىسى بولسا ئادەم بەدىنىدىكى كۆپ خىل ئىنىزىملارنىڭ بىرىكىش تەركىبى بولۇپ، ئۇ ئىممونت كۈچىنى ئاشۇرۇش ۋە ئانتىتېلا ھاسىل قىلىش بىلەن زىچ مۇناسىۋەتلىك؛بۇندىن باشقا، سىنىك ماددىسى ئادەم بەدىنى ئۆسۈپ-يىتىلىش جەريانىدا ئېھتىياجلىق بولىدىغان مۇھىم ماددا ھەم يادرو كىسلاتاسى ۋە ئاقسىلنىڭ شەكىللىنىشىدە كەم بولسا بولمايدىغان ماددا بولۇپ، يادرو كىسلاتاسى ۋە ئاقسىلنىڭ تولۇقلىنىشى، ئادەمنىڭ ئەستە ساقلاش ئىقتىدارىنى ئۈنۈملۈك دەرىجىدە يۇقىرى كۆتۈرەلەيدۇ. شۇنىڭ ئۈچۈن، ئالمىنى كۆپرەك يەپ بىرىش، ئادەمنىڭ ئەستە ساقلاش ئىقتىدارى ۋە ئىممونت كۈچىنى يۇقىرى كۆتۈرۈشكە پايدىلىق بولىدۇ.
2. تاجىسىمان يۈرەك كىسىلىنىڭ ئالدىنى ئالىدۇ
    ئالما تەركىبىدە پولىساخارىدلىق مىۋە كىسلاتاسى ۋە فىلاۋونوئىد، كالىي ئىلمىنتى، ۋىيتامىن C، ۋىيتامىن E قاتارلىق ئۇزۇقلۇق تەركىبلىرى بار بولۇپ، بەدەندىكى ئارتۇق مايلارنى پارچىلاپ، بەدەننىڭ زىيادە سەمىرىپ كىتىشىنىڭ ئالدىنى ئېلىپ، يۈرەكنىڭ بېسىمىنى ئازلىتىدۇ. بۇندىن باشقا، ئالما تەركىبىدىكى مىۋە كىسلاتاسى ۋە ۋىيتامىنلارنىڭ ئادەمنىڭ تىرىسىنى يۇمران سىلىق قىلىدىغان رولى بار بولۇپ، قېرىلىق داغلىرىنىڭ پەيدا بولۇشىنى كەينىگە سۈرىدۇ.
3. خولىستىرىننى تۆۋەنلىتىپ، يۈرەك قان تۇمۇر كىسەللىكلىرىنىڭ ئالدىنى ئالىدۇ.
    ئالما تەركىبىدىكى مىۋە كىسلاتاسى ۋە ۋىيتامىنلىق ماددىلار، خولىستىرىننى ئۈنۈملۈك ھالدا سۈمۈرۈپ ئۆزىگە چاپلاشتۇرۇپ، تەرەت بىلەن بىللە بەدەن سىرتىغا چىقىرۋىتەلەيدۇ؛ بۇنىڭدا قاندىكى خولىستىرىننىڭ مىقدارى ئۈنۈملۈك ھالدا ئازىيىپ، ئارتىرىيە قېتىشىش ۋە يۈرەك قان تۇمۇر كىسەللىكلىرىنىڭ يۈز بىرىش خەتىرىنى تۆۋەنلىتىدۇ. بۇلاردىن باشقا، ئالما يەپ بەرگەندە يەنە ئۆت سۇيۇقلۇقىنىڭ ئاجرىلىپ چىقىشىنى ئاشۇرىدۇ ھەمدە خولىستىرىننىڭ ئۆت سۇيۇقلۇقىغا يېغىلىپ چۆكمە ھاسىل قىلىپ، ئۆتكە تاش چۈشۈش پەيدا قىلىشىدىن ساقلايدۇ.
4. بەدەننىڭ راكقا قارشى تۇرۇش كۈچىنى يۇقىرى كۆتۈرىدۇ.
    ئالما تەركىبىدىكى ئىنچىكە تالا ماددىلىرى ۋە ۋىيتامىن C، ھەزىم قىلىش سېستىمىسىنىڭ قىمىرلىشىغا قارىتا غىدىقلاش رولىنى ئويناپ، ئۈچەي يولىدا يېغىلىپ قالغان راك كەلتۈرۈپ چىقىرىدىغان ماددىلارنىڭ تىز سۈرئەتتە بەدەن سىرتىغا چىقىرۋىتىلىشىنى ئىلگىرى سۈرىدۇ؛ بۇنىڭ بىلەن بىرگە، راك پەيدا قىلغۇچى ماددا نىتروزامىننىڭ شەكىللىنىشىنى توسۇپ، ئانتىتېلا شەكىللىنىشنى ئىلگىرى سۈرىدۇ ھەمدە بۇ ئارقىلىق ھۈجەيرىلەرنىڭ يۇتۇش ئىقتىدارىنى ئاشۇرۇپ، بەدەننىڭ راكقا قارشى تۇرۇش ئىقتىدارىنى يۇقىرى كۆتۈرىدۇ.
5. ئۇرۇقلىتىدۇ.
    ئالما تۆۋەن ئىنىرگىيىلىق مىۋە، ئۇنىڭ ئۈستىگە تەركىبىدىكى تاننىك كىسلاتاسى ئاشقازان-ئۈچەينى غىدىقلاپ، قىمىرلىشىنى ئىلگىرى سۈرىدۇ ھەمدە بۇ ئارقىلىق بەدەندىكى ئەخلەتلەرنىڭ بەدەن سىرتىغا چىقىرۋىتىلىشىنى ئىلگىرى سۈرىدۇ؛ شۇڭا ئالما تۇرمۇشىمىزدا ئەڭ كۆپ ئۇچرايدىغان، ئۇرۇقلىتىش ئۈنۈمىگە ئىگە مىۋە بولۇپ ھىسابلىنىدۇ.

ساغلاملىق ۋە تۇرمۇش

بارلىق ھوقوق شىنجاڭ تەمزات مەدىنىيەت تارقىتىش چەكلىك شىركىتى ئاشپەز تور بېكىتىگە تەۋە ئېلان ئالاقە نومۇرى:13999072821 ،新疆塔穆扎提文化传媒有限公司 厨师网站

ئۈرۈمچى شەھىرى 335-نومۇر .ئاقتاش گۇللىكى 6-قەۋەت i ئىشخانا 乌鲁木齐市天山区胜利路355号白玉华庭B座601室

Copyright (c)2009-2018 Www.Axpaz.Cn All rigths | E_Mail: 1436218124@qq.com

تور بېكىتىمىزگە يوللانغان بارلىق تائاملار توردىن يىغىلمىغان بولۇپ، ئەگەررۇخسەتسسىز كۇچۇرسىڭىز قانۇنى جاۋاپكارلىققا تارتىلىسىز ھوقۇق - مەنپەتىمىزگە دەخلى يەتكۇزگەن
ھەرقانداق توربەت سالونلار بولسا دەرھال پاش قىلىپ بىر تەرەپ قىلىنىدۇ .
新ICP备15004026号-1   新公网安备 65010202000516号