ياخشىمۇسىز ، ئاشپەز تور بېكىتىگە بېكىتىگە خۇش كەلدىڭىز
ئاشپەز تورى

رەسىملىك تائاملار

نۆۋەتتىكى ئورنىڭىز : باشبەت » رەسىملىك تائاملار » كاۋاپ شورپىلار
شوخلا تۇخۇم شورپىسىغىمۇ بەلگىلىك تاكتىكا كىتىدىكەن ئەمەسمۇ!!!
مەنبەسى : ئاشپەز تورىيوللىغۇچى : تەمزاتبەگ ۋاقتى : 2019-09-22كۆرۈلىشى : قېتىم
   شوخلا تۇخۇم شورپىسى، ئىنتايىن كۆپ ئۇچرايدىغان بىر خىل ئاممىباپ تائام بولۇپ، شوخلا بىلەن تۇخۇمنى ماسلاشتۇرۇپ قاينىتىش ئارقىلىق تەييارلىنىدۇ. شوخلا تۇخۇم شورپىسىنىڭ تەييارلاش ئۇسۇلى نىسبەتەن ئاددى، كىتەرلىك ماتىريالمۇ كۆپ ئەمەس. شوخلا ئەسلىدىنلا ئاچچىق-چۈچۈمەل تەملىك ھەم شەربىتى كۆپ يىمەكلىك بولۇپ، شورپا قاينىتىشقا ئىنتايىن ماس كىلىدۇ؛ ئۇنىڭ ئۈستىگە، شوخلا بىلەن تۇخۇم، ئەڭ ماسلاشقان ھەمراھلار بولۇپ، مەيلى شورپا قاينىتايلى ياكى قورۇما قورۇيلى، ئوخشاشلا تەملىك چىقىدۇ. بۇ تائامنى تەييارلاش ئاسان، ئۇنىڭ ئۈستىگە مۇتلەق كۆپ قىسىم كىشىلەر تەييارلاپ كىتەلەيدىغان بولسىمۇ، ئەمما تەييارلاش جەريانىدىكى بەزىبىر ئىنچىكە نوقتىلارغا دىققەت قىلمىغاندا، شورپا تەمى كۆڭۈلدىكىدەك چىقماي قالىدۇ. شۇنىڭ ئۈچۈن، بۈگۈن كۆپچىلىكنىڭ دىققىتىگە، شوخلا تۇخۇم شورپىسىنى تەييارلاش ئۇسۇلىنى تۇنۇشتۇرۇپ ئۆتىمىز.
   كىتەرلىك ماتىريال: شوخلا، موگو، تۇخۇم، ئىستىمال مېيى، غولپىياز مايسىسى
تەييارلاش ئۇسۇلى
بىرىنچى قەدەم
   ئالدى بىلەن ئىككى تال شوخلىنى يۇيۇپ پاكىزلىغاندىن كىيىن، تەگ قىسمىنى قوشۇش شەكلىدە تىلىۋىتىمىز؛ قازانغا سۇ قۇيۇپ، سۇ قاينىغاندىن كىيىن شوخلىنى سېلىپ، بىر مىنۇت قاينىتىپ سۈزۈپ ئالىمىز؛ شوخلىنى سۈزىۋالغاندىن كىيىن، سىرتقى پوستىنى سويىۋىتىمىز.
ئىككىنچى قەدەم
   شوخلىنىڭ پوستىنى سويىۋەتكەندىن كىين توغراپ تەييارلايمىز؛ غولپىياز مايسىسىنى يۇيۇپ پاكىزلاپ، ئۇششاق قىلىپ توغرايمىز؛ قازاننى ئېسىپ، ئازراق ماي قۇيىمىز.
ئۈچىنچى قەدەم
   قازاندىكى ماي قىزىغاندىن كىيىن، توغراپ تەييارلىغان شوخلىنى سېلىپ قورۇيمىز؛ شوخلا تەركىبىدىكى شەربەتنى قورۇپ چىقارغاندىن كىيىن، قازانغا مۇۋاپىق مىقداردا سۇ قۇيىمىز.
تۆتىنچى قەدەم
   سۇنى قۇيغاندىن كىيىن ئوتنى چوڭراق ئېچىپ سۇنى قاينىتىمىز؛ سۇ قايناپ بولغۇچە بولغان ئارىلىقتا، موگونى يۇيۇپ پاكىزلاپ، قولىمىزدا تىتىپ تەييارلايمىز؛ قازاندىكى سۇ قاينىغاندىن كىيىن موگونى سالىمىز؛
بەشىنچى قەدەم
   پاكىزە قاچىدىن بىرنىڭغا تۇخۇمنى چېقىپ، قوچۇپ تەييارلايمىز؛ قازاندىكى سۇ قايناپ موگو يۇمشىغاندىن كىيىن، قوچۇپ تەييارلىغان تۇخۇمنى قازاننىڭ گىرۋىكىنى بويلىتىپ قازانغا تۆكىمىز؛ بۇ ۋاقىتتا قازاننى قوچۇپ مالتىلاشقا ئالدىرماڭ، تۇخۇم قازاندا قېتىشىنى ساقلاڭ؛ كەينىدىن ئالدىدا توغراپ تەييار قىلغان غولپىياز مايسىسىنى قازانغا سالىمىز.
ئالتىنچى قەدەم
   ئۆزىڭىزنىڭ تەم خاھىشىغا ئاساسەن تۇزنى تەڭشىگەندىن كىيىن، ئوتنى ئۆچۈرۈپ قاچىغا ئۇسۇپ ئالسىڭىز بولىدۇ.
ئەسكەرتىش
   شوخلا تۇخۇم شورپىسى تەييارلىغاندا، بەزى كىشىلەر رەت تەرتىپنى ئالماشتۇرۇپ قويۇپ، ئالدى بىلەن تۇخۇمنى قورۇپ، كەينىدىن سۇ قوشىدۇ؛ ئەمىلىيەتتە بۇ خىل ئۇسۇل خاتا. توغرا بولغان ئۇسۇل بولسا، ئالدى بىلەن شوخلىنى قورۇپ شەربىتىنى چىقىرۋالغاندىن كىيىن قازانغا سۇ قۇيۇپ، ئاخىرىدا قوچۇپ تەييارلىغان تۇخۇمنى قوشۇشتۇر؛ بۇ خىل ئۇسۇلدا تەييارلانغان شوخلا تۇخۇم شورپىسى چوقۇم تامغاقتا قالغۇدەك تەملىك چىقىدۇ، ئىشەنمىسىڭىز مەن تۇنۇشتۇرغان ئۇسۇل بويىچە سىناپ بېقىڭ!

ساغلاملىق ۋە تۇرمۇش

بارلىق ھوقوق شىنجاڭ تەمزات مەدىنىيەت تارقىتىش چەكلىك شىركىتى ئاشپەز تور بېكىتىگە تەۋە ئېلان ئالاقە نومۇرى:13999072821 ،新疆塔穆扎提文化传媒有限公司 厨师网站

ئۈرۈمچى شەھىرى 335-نومۇر .ئاقتاش گۇللىكى 6-قەۋەت i ئىشخانا 乌鲁木齐市天山区胜利路355号白玉华庭B座601室

Copyright (c)2009-2018 Www.Axpaz.Cn All rigths | E_Mail: 1436218124@qq.com

تور بېكىتىمىزگە يوللانغان بارلىق تائاملار توردىن يىغىلمىغان بولۇپ، ئەگەررۇخسەتسسىز كۇچۇرسىڭىز قانۇنى جاۋاپكارلىققا تارتىلىسىز ھوقۇق - مەنپەتىمىزگە دەخلى يەتكۇزگەن
ھەرقانداق توربەت سالونلار بولسا دەرھال پاش قىلىپ بىر تەرەپ قىلىنىدۇ .
新ICP备15004026号-1   新公网安备 65010202000516号