ياخشىمۇسىز ، ئاشپەز تور بېكىتىگە بېكىتىگە خۇش كەلدىڭىز
ئاشپەز تورى

رەسىملىك تائاملار

نۆۋەتتىكى ئورنىڭىز : 首页 » رەسىملىك تائاملار » پىشۇرۇقلار
بىر چىنە ئۇن بىلەن بىر تال تاتلىق ياڭيۇدىن تەييارلانغان تائام
مەنبەسى : ئاشپەز تورىيوللىغۇچى : تەمزاتبەگ ۋاقتى : 2019-09-08كۆرۈلىشى : قېتىم
   بۈگۈن كۆپچىلىكنىڭ دىققىتىگە، تاتلىق ياڭيۇدىن تەييارلانغان تاتلىق ياڭيۇ تۈرمىلى تۇنۇشتۇرۇپ ئۆتىمىز؛ بۇ خىل تۈرمەل مومىغا ئوخشاش قۇرغاق چىقىۋالمايدۇ، مانتىغا ئوخشاش كۆڭۈلنىمۇ تۇتمايدۇ، سىزنىڭ ئەتىگەنلىك ناشتىدىكى ئەڭ ياخشى تاللىشىڭىز بولالايدۇ.
   كىتەرلىك ماتىريال: ئۇن، قوناق ئۇنى، تاتلىق ياڭيۇ، ئېچىتقۇ، ئاق شىكەر، تۇز
تەييارلاش ئۇسۇلى
   ئالدى بىلەن، 500گىرام بوغداي ئۇنى ۋە 200گىرام قوناق ئۇنىنى بىر داسقا سېلىپ، ئازراقتىن تۇز، شىكەر، ئېچىتقۇ قاتارلىقلارنى قوشۇقاندىن كىيىن، ئىلمان سۇ قۇيۇپ خېمىر يۇغرىيمىز؛ خېمىرنى يۇغرۇپ بولغاندىن كىيىن، تاختا ئۈستىدە قويۇپ، ئۈستىگە داسنى يېپىپ يېرىم سائەت قويىمىز؛
    ئىككىنچى قەدەمدە، تاتلىق ياڭيۇنى ئۇششاق توغراپ بىر قاچىغغا سالغاندىن كىيىن، ئۈستىگە ئىككى قوشۇق تۇز قوشۇپ تەكشى ئارىلاشتۇرىمىز؛ كەينىدىن بىر سىقىم ئۇن قوشۇپ، تەكشى ئارىلاشتۇرغاندىن كىيىن قويۇپ قويىمىز؛
   ئۈچىنچى قەدەمدە،  يېرىم سائەت ۋاقىت توشقاندىن كىيىن، خېمىرنى يەنە بىر ئىككى مىنۇت ئەيلىۋىتىپ، بىلەك توملۇقىدا ئۇزۇن شەكىلگە ئەكىلىمىز؛ كەينىدىن ئوخشاش چوڭلۇقتا جىزا قىلىپ كىسىپ، يايغۇ بىلەن جۇۋاۋا جىلتىسىدەك نىپىز قىلىپ يايىمىز؛ ئالدىدا ئارىلاشتۇرۇپ تەييار قىلغان توغرالغان تاتلىق ياڭيۇنى ئاچقان "جىلتە"نىڭ ئىچىگە قىيما قىلىپ "تۈگىمىز".
   تۆتىنچى قەدەمدە، جىلتىنى جۇۋاۋا تۈگكەنگە ئوخشاش تۈگكەندىن كىيىن، ئۇنى يايغۇ بىلەن يەنە بىر قېتىم يايىمىز؛ كەينىدىن ئىككىنچى قېتىم ئاچقان "قىيمىلىق جىلتە"نى يۇمىلاقلاپ يۆگىسەك، بۈگۈنكى تاتلىق ياڭيۇ تۈرمىلىنىڭ ئاخىرقى شەكلى چىقىدۇ. بارلىق جىزىلارنىڭ ھەممىنى تەييار قىلىپ بولغاندىن كىيىن، قازاننى ئېسىپ دۈملەپ پىشۇرساقلا بولىدۇ.

   ئاخىرىدا، دۈملەش قازىنىغا سۇ قۇيۇپ، تەييار قىلغان خام تۈرمەلنى سالغاندىن كىيىن چوڭ ئوتتا قاينىتىمىز؛ سۇ قاينىغاندىن كىيىن، ئوتتۇرا ئوتقا ئالماشتۇرۇپ 15مىنۇت دۈملىگەندىن كىيىن ئوتنى ئۆچۈرۈپ، توۋاق يېپىق ھالەتتە يەنە ئىككى مىنۇت قازاننىڭ ئۆزىنىڭ ھورىدا دۈملەپ ئالساق بولىدۇ.

ساغلاملىق ۋە تۇرمۇش

بارلىق ھوقوق شىنجاڭ تەمزات مەدىنىيەت تارقىتىش چەكلىك شىركىتى ئاشپەز تور بېكىتىگە تەۋە ئېلان ئالاقە نومۇرى:13999072821 ،新疆塔穆扎提文化传媒有限公司 厨师网站

ئۈرۈمچى شەھىرى 335-نومۇر .ئاقتاش گۇللىكى 6-قەۋەت i ئىشخانا 乌鲁木齐市天山区胜利路355号白玉华庭B座601室

Copyright (c)2009-2018 Www.Axpaz.Cn All rigths | E_Mail: 1436218124@qq.com

تور بېكىتىمىزگە يوللانغان بارلىق تائاملار توردىن يىغىلمىغان بولۇپ، ئەگەررۇخسەتسسىز كۇچۇرسىڭىز قانۇنى جاۋاپكارلىققا تارتىلىسىز ھوقۇق - مەنپەتىمىزگە دەخلى يەتكۇزگەن
ھەرقانداق توربەت سالونلار بولسا دەرھال پاش قىلىپ بىر تەرەپ قىلىنىدۇ .
新ICP备15004026号-1   新公网安备 65010202000516号