ياخشىمۇسىز ، ئاشپەز تور بېكىتىگە بېكىتىگە خۇش كەلدىڭىز
ئاشپەز تورى

رەسىملىك سوغوق سەيلەر

نۆۋەتتىكى ئورنىڭىز : 首页 » رەسىملىك سوغوق سەيلەر » گوشسىز سوغوق سەيلەر
ئۆيدە خاسىڭمىي قورۇپ باققانمىدىڭىز؟ قورىغان خاسىڭ كۈيۈپ كىتەمدۇ؟
مەنبەسى : ئاشپەز تورىيوللىغۇچى : تەمزاتبەگ ۋاقتى : 2019-09-24كۆرۈلىشى : قېتىم
   خاسىڭ، ئۇزۇقلۇق قىممىتى يۇقىرى ھەم تەمى ياخشى بىر خىل يىمەكلىك بولۇپ، تەركىبىدە ئاقسىل، مىكرو ئىلمىنت قاتارلىقلار مول؛ بۇندىن باشقا خاسىڭنىڭ ئىشلىتىلىش دائىرىسىمۇ ئىنتايىن كەڭ بولۇپ، ماي چىقىرىشىقا ۋە ھەرخىل مەززىلىك تائاملارنى تەييارلاشقا بولىدۇ. خاسىڭدىن تەييارلانغان يىمەكلىكلەر ئىچىدە، كۆپچىلىكنىڭ ئالقىشىغا ھەممىدىن بەل ئىرىشىدىغىنى مايدا قورۇلغان خاسىڭ بولۇپ، ئۈستىگە ئازراق تۇز سېپىۋىتىپ ئىستىمال قىلىدىغان بولساق، ئۇنىڭ چۈرۈك ھەم يىيىشلىك كەلگەن تەمى، ئېغىزىمىزنى چاكىلدىۋىتىدۇ.
   قورۇلغان خاسىڭنى ئۇششاق يىمەكلىك ئورنىدا ئىستىمال قىلىشقا ياكى سۇغۇق سەي ئورنىدا ئىستىمال قىلىشقا بولىدۇ، دوستلار يېغىلىشىدىكى ھاراق سورىنىدا بولسا تېخىمۇ كەم قالمايدۇ؛ ئۇنىڭ ئۈستىگە، قورۇلغان خاسىڭنى تەييارلاش ئىنتايىن ئاددى بولۇپ، يىگۈڭىز كەلگەن ۋاقىتتا، ھەرۋاقىت ئۆزىڭىز قول تۇتۇپلا تەييار قىلالايسىز.
   نۇرغۇن كىشىلەر،قورۇلغان خاسىڭ تەييارلىغان ۋاقىتتا، خاسىڭنى كۆيدۈرۈپ سالىدىغان، ساقلاش ۋاقتى ئۇزۇن بولمايدىغان ئەھۋاللارغا ئۇچرايدۇ. ئەمىلىيەتتە بۇنداق ئەھۋال، خاسىڭنى قورۇش جەريانى بىلەن مۇناسىۋەتلىك بولۇپ، خاسىڭنى پاكىزلىغاندىن كىيىن بىۋاستە قازانغا سېلىپ قورۇشنى باشلىساق، ئاسانلا كۈيۈپ كىتىدۇ؛ بۇنىڭ ئۈچۈن، بىز بەزىبىر چارىلەرنى قوللىنىشىمىز كىرەك.
   خاسىڭنى قورۇشتىن ئاۋال، ئالدى بىلەن سۇغا بەش مىنۇت چىلاپ قويىمىز؛ بۇ بىر قەدەمنى قەتئى قىسقارتىۋىتىشكە بولمايدۇ، بۇ جەرياندا ھەم بەزىبىر ناچار خاسىڭ مېغىزلىرىنى خىللىۋەتسەك بولىدۇ. نۇرغۇن كىشىلەر، سۇغا چىلاپ قويۇش باسقۇچىنى قىسقارتىۋەتكەنلىكى ئۈچۈن، خاسىڭنى قورۇغان ۋاقىتتا كۆيدۈرۈپ قارا قىلىپ قويىدۇ. خاسىڭنى چىلاپ بولغاندىن كىيىن سۈزۈپ ئېلىپ سۈيىنى تۇلۇق ساقىتىپ تەييارلايمىز. بۇ ۋاقىتتا، يەنە بەزى كىشىلەر قازانغا ماي قۇيۇپ ماي قىزىغاندىن كىيىن ئاندىن خاسىڭنى سېلىپ قورۇشقا باشلايدۇ؛ ئەمىلىيەتتە بۇنداق قىلىشمۇ توغرا ئەمەس، قازانغا ماي قۇيۇپ، ماي قىزىماستا خاسىڭنى قازانغا سېلىش كىرەك.
   خاسىڭ ماي سۈمۈرمەيدۇ، شۇڭا ماينى بەك كۆپ قۇيمىساقمۇ بولىدۇ؛ كىچىك ئوتتا توختىماي ئارىلاشتۇرۇپ قورۇپ، خاسىڭنىڭ رەڭگى ئۆزگەرگەندىن كىيىن تەخسىگە ئۇسۇپ ئالساق ھەمدە سۇۋۇغاندىن كىيىن ئۈستىگە ئازراق تۇز سېپىۋەتسەكلا بولىدۇ.

ساغلاملىق ۋە تۇرمۇش

بارلىق ھوقوق شىنجاڭ تەمزات مەدىنىيەت تارقىتىش چەكلىك شىركىتى ئاشپەز تور بېكىتىگە تەۋە ئېلان ئالاقە نومۇرى:13999072821 ،新疆塔穆扎提文化传媒有限公司 厨师网站

ئۈرۈمچى شەھىرى 335-نومۇر .ئاقتاش گۇللىكى 6-قەۋەت i ئىشخانا 乌鲁木齐市天山区胜利路355号白玉华庭B座601室

Copyright (c)2009-2018 Www.Axpaz.Cn All rigths | E_Mail: 1436218124@qq.com

تور بېكىتىمىزگە يوللانغان بارلىق تائاملار توردىن يىغىلمىغان بولۇپ، ئەگەررۇخسەتسسىز كۇچۇرسىڭىز قانۇنى جاۋاپكارلىققا تارتىلىسىز ھوقۇق - مەنپەتىمىزگە دەخلى يەتكۇزگەن
ھەرقانداق توربەت سالونلار بولسا دەرھال پاش قىلىپ بىر تەرەپ قىلىنىدۇ .
新ICP备15004026号-1   新公网安备 65010202000516号