ياخشىمۇسىز ، ئاشپەز تور بېكىتىگە بېكىتىگە خۇش كەلدىڭىز
ئاشپەز تورى

رەسىملىك قورىمىلار

نۆۋەتتىكى ئورنىڭىز : باشبەت » رەسىملىك قورىمىلار »  گوشسىز قورىمىلار
بۇ تائامنى كۆپرەك ئىستېمال قىلسىڭىز تېرىڭىز تېخىمۇ ئاقىرىدۇ
مەنبەسى : ئاشپەز تورىيوللىغۇچى : تەمزاتبەگ ۋاقتى : 2020-03-28كۆرۈلىشى : قېتىم

  خانىم-قىزلارنىڭ ھەممىسى ئۆزىنىڭ تېرىسىنىڭ ئاق ھەم يۇمران بولۇشىنى ئۈمىد قىلىدۇ، لېكىن بەزىدە، يۈزىمىزنىڭ تېرىلىرىنىڭ رەڭگى ئۆڭۈپ، داغ سەپكۈنلەر پەيدا بولۇشقا باشلايدۇ. شۇنىڭ بىلەن، نۇرغۇن خانىم-قىزلىرىمىز، گىرىم بۇيۇملىرى ياكى تېرە ئاسراش مەھسۇلاتلىرىدىن پايدىلىنىپ ھەل قىلىشنى تاللايدۇ ھەمدە بۇ سەۋەبلىك ئاز چىقىم تارتمايدۇ. لېكىن، بەزىدە ھەر قانچە كۆپ چىقىم قىلساقمۇ، ئەمما كۆرۈنەرلىك ئۈنۈمگە ئىرىشەلمەيمىز. ئەمەلىيەتتە، تېرىدە داغ سەپكۈنلەر پەيدا بولۇپ تېرىنىڭ رەڭگى ئۆڭۈپ كېتىشى، ئاساسلىقى بەدەندە قارا رەڭ ماددىسى يېغىلىپ قېلىش سەۋەبلىك شەكىللىنىدىغان بولۇپ، ئەگەر تېرىمىزنى تېخىمۇ ئاق بولسۇن دېسەك، گىرىم ۋە تېرە ئاسراش بۇيۇملىرى ئىشلەتكەندىن سىرت، يېمەك-ئىچمەك جەھەتتىمۇ، قارا رەڭ ماددىسىنىڭ يېغىلىپ قېلىشىغا قارشى تۇرىدىغان يېمەكلىكلەرنى كۆپرەك ئىستېمال قىلىپ بەرسەك بولىدۇ.

  قارا رەڭ ماددىسىنىڭ يېغىلىپ قېلىشىغا قارشى تۇرىدىغان يېمەكلىكلەرگە كەلسەك، يىڭنىسىمان گۈمبەمەدەك(金针菇) يامان ئەمەس تاللاش بولالايدۇ. يىڭنىسىمان گۈمبەمەدەك، تەبىئىي ئۇسۇلدا تېرە ئاقارتىدىغان كۆكتات بولۇپ، ھەپتىدە ئۈچ قېتىم ئىستېمال قىلىشنى داۋاملاشتۇرساق، داغ سەپكۈنلەرنى سۇسلاشتۇرۇپ، تېرىنى ئاقارتىش رولىنى ئوينايدۇ. شۇڭا بۈگۈن كۆپچىلىكنىڭ دىققىتىگە، قىياملىق يىڭنىسىمان گۈمبەمەدەك قورىمىسى تەييارلاش ئۇسۇلىنى تونۇشتۇرۇپ ئۆتىمىز.

  كىتەرلىك ماتېرىيال: يىڭنىسىمان گۈمبەمەدەك 250گىرام، سامساق، كىراخمال، خاسىڭ مېيى، تۇز، لاۋچوۋ جىياڭيۇسى، توخۇ تەم جەۋھىرى، ئاق شېكەر

تەييارلاش ئۇسۇلى

  بىرىنچى قەدەمدە، يىڭنىسىمان گۈمبەمەدەكنىڭ تۈپ قىسىمىنى كىسىپ ئېلىۋىتىپ، سۇغۇق سۇغا ئون مىنۇت چىلاپ قويغاندىن كېيىن پاكىزە يۇيۇپ سۈيىنى پاكىزە ساقىتىۋىتىپ ئېلىپ قويىمىز. سامساقنى ئۇششاق چاناپ توغرىۋالىمىز.

  ئىككىنچى قەدەمدە، قازانغا مۇۋاپىق مىقداردا خاسىڭ مېيى قۇيۇپ قىزىتقاندىن كېيىن، يىڭنىسىمان گۈمبەمەدەكنى سېلىپ يۇمشىغۇچە قورۇيمىز؛ يىڭنىسىمان گۈمبەمەدەك يۇمشاپ پىشقاندىن كېيىن، تەخسىگە ئۇسۇپ ئېلىپ قويۇپ تۇرىمىز.

  ئۈچىنچى قەدەمدە، قازاننى چايقىۋىتىپ، مۇۋاپىق مىقداردا خاسىڭ مېيى قوشۇپ قىزىتىپ، سامساقنى سېلىپ قورۇپ تەم چىقىرىمىز.

  تۆتىنچى قەدەمدە، قازانغا مۇۋاپىق مىقداردا سۇ، كىراخمال، تۇز، لاۋچوۋ جىياڭيۇسى، توخۇ تەم جەۋھىرى ۋە ئاق شىكەر قوشۇپ، چۈمۈچ بىلەن تەكشى ئارىلاشتۇرىمىز.

  بەشىنچى قەدەمدە، قازاندىكى قىيام قايناپ كۆپۈكچە ئۆرلەشكە باشلىغاندا، ئوتنى ئۆچۈرسەك بولىدۇ.

  ئالتىنچى قەدەمدە، تەييار بولغان قىيامنى يىڭنىسىمان گۈمبەمەدەكنىڭ ئۈستىگە قۇيساق، قىياملىق يىڭنىسىمان گۈمبەمەدەك قورىمىسى تەييار بولغان بولىدۇ.

ساغلاملىق ۋە تۇرمۇش

بارلىق ھوقوق شىنجاڭ تەمزات مەدىنىيەت تارقىتىش چەكلىك شىركىتى ئاشپەز تور بېكىتىگە تەۋە ئېلان ئالاقە نومۇرى:13999072821 ،新疆塔穆扎提文化传媒有限公司 厨师网站

ئۈرۈمچى شەھىرى 335-نومۇر .ئاقتاش گۇللىكى 6-قەۋەت i ئىشخانا 乌鲁木齐市天山区胜利路355号白玉华庭B座601室

Copyright (c)2009-2020 Www.Axpaz.Cn All rigths | E_Mail: 1436218124@qq.com

تور بېكىتىمىزگە يوللانغان بارلىق تائاملار توردىن يىغىلمىغان بولۇپ، ئەگەررۇخسەتسسىز كۇچۇرسىڭىز قانۇنى جاۋاپكارلىققا تارتىلىسىز ھوقۇق - مەنپەتىمىزگە دەخلى يەتكۇزگەن
ھەرقانداق توربەت سالونلار بولسا دەرھال پاش قىلىپ بىر تەرەپ قىلىنىدۇ .
新ICP备15004026号-1   新公网安备 65010202000516号