ياخشىمۇسىز ، ئاشپەز تور بېكىتىگە بېكىتىگە خۇش كەلدىڭىز
ئاشپەز تورى

رەسىملىك قورىمىلار

نۆۋەتتىكى ئورنىڭىز : باشبەت » رەسىملىك قورىمىلار »  گوشسىز قورىمىلار
گۈزەللىكنى سۆيىدىغان خانىم-قىزلار بۇ قورۇمىنى كۆپرەك يەڭلار
مەنبەسى : ئاشپەز تورىيوللىغۇچى : تەمزاتبەگ ۋاقتى : 2020-03-26كۆرۈلىشى : قېتىم

  بۈگۈن كۆپچىلىكنىڭ دىققىتىگە، تۇخۇمنىڭ باشقىچە بىر خىل تەييارلاش ئۇسۇلى—ئاغىچا تۇخۇم قورۇمىسى تۇنۇشتۇرۇپ ئۆتىمىز. بۇ قورۇمىنىڭ ئالاھىدىلىكى تەييارلاش ئاددىي بولۇپ، ھازىرقى ۋاقىتتا ئوخشاشلا يېڭى ئاغىچە(丝瓜) يىگىلى بولىدۇ؛ ئۇنىڭ ئۈستىگە، ئاغىچە، كۆپ قىسىم كىشىلەر ياقتۇرۇپ يەيدىغان بىر خىل كۆكتاتتۇر.

  چۈنكى، ئاغىچىنىڭ ئۇزۇقلۇق قىممىتى ئىنتايىن مول بولۇپ، تەركىبىدىكى ئۇزۇقلۇق ماددىلار، ھەر خىل كۆكتاتلارنىڭ ئىچىدە ئالدىنقى ئورۇندا تۇرىدۇ؛ بولۇپمۇ ۋىتامىن C بىلەن ۋىتامىن Bنىڭ مىقدارى ئىنتايىن يۇقىرى بولۇپ، زەھەرنى ھەيدەپ جىگەرنى ئاسراش، ئۈچەينى سىلىقلاشتۇرۇپ تەرەتنى راۋانلاشتۇرۇش، تېرىنى ئاسراپ چىراي گۈزەللەشتۈرۈش قاتارلىق ئۈنۈملىرى بار. ئۇنىڭ ئۈستىگە، ئاغىچىنىڭ تەبىئىتى سوغۇق بولۇپ، تۇخۇم بىلەن بىللە قورۇپ يىگەن ۋاقىتتا، تەبىئىتىنى مۆتىدىل قىلىپ تەڭشەپ، ئۇزۇقلۇقنى تەڭپۇڭلاشتۇرغىلى بولىدۇ.

  كىتەرلىك ماتېرىيال: ئاغىچا، قىزىلمۇچ، سامساق، تۇخۇم

تەييارلاش ئۇسۇلى

  بىرىنچى قەدەمدە، ئاغىچىنىڭ پوستىنى سويۇۋىتىپ، تومراق قەلەمچە ھالىتىدە توغرايمىز؛ تۇخۇمنى چېقىپ قوچۇپ تەييارلايمىز؛ قىزىلمۇچنى قەلەمچە قىلىپ توغرايمىز؛ سامساقنى ئۇششاق چاناپ توغرايمىز.

  ئىككىنچى قەدەمدە، قازاندا سۇ قاينىتىپ، سۇ قايناپ چىققاندىن كېيىن ئاغىچىنى سېلىپ ئىككى مىنۇت قاينىتىمىز.(قازاندىكى سۇغا ئازراق تۇز قوشۇۋەتسەك، ئاغىچىنىڭ يېشىل رەڭگىنى ساقلاپ قالغىلى بولىدۇ)

  ئۈچىنچى قەدەمدە، ئاغىچىنى سۇدا قاينىتىپ ئالغاندىن كېيىن، سۈزۈپ ئېلىپ سۈيىتىنى سارقىتىۋىتىپ تەخسىگە ئېلىپ قويۇپ تۇرىمىز. ئاغىچىنىڭ بەك ئۇزۇن قاينىتىۋەتسەك ياخشى بولمايدۇ، پەقەت ئىككى مىنۇتلا قايناتساق بولىدۇ، بولمىسا ئۇزۇقلۇق تەركىبى خوراپ بۇزغۇنچىلىققا ئۇچرايدۇ.

  تۆتىنچى قەدەمدە، قازانغا ئازراق ماي قۇيۇپ قىزىتىپ، تۇخۇمنى سېلىپ قاتۇرىمىز.

  بەشىنچى قەدەمدە، تۇخۇمنى قاتۇرۋالغاندىن كېيىن تەخسىگە ئېلىپ قويۇپ تۇرىمىز. تۇخۇمنى چوقۇم كىچىك ئوتتا داغلاپ قاتۇرۇش كېرەك، بولمىسا تۇخۇمنىڭ تەمىگە تەسىر يىتىدۇ.

  ئالتىنچى قەدەمدە، قازاندا ئازراق ماي قالدۇرۇپ، سامساق بىلەن قىزىلمۇچنى سېلىپ، ئوتتۇرا دەرىجىلىك ئوتتا قورۇيمىز.

  يەتتىنچى قەدەمدە، سامساق بىلەن قىزىلمۇچنى قورۇپ تەم چىقارغاندىن كېيىن، سۇدا قاينىتىپ پىشۇرغان ئاغىچىنى سېلىپ، مۇۋاپىق مىقداردا تۇز قوشۇپ قورۇيمىز.

  ئاخىرىدا، ئاغىچىنى سېلىپ بىر مىنۇت ئەتراپىدا قورىغاندىن كېيىن، قاتۇرۇپ تەييارلىغان تۇخۇمنى سېلىپ ئارىلاشتۇرۇپ قورۇپ تەخسىگە ئۇسۇپ ئالساق بولىدۇ.

ساغلاملىق ۋە تۇرمۇش

بارلىق ھوقوق شىنجاڭ تەمزات مەدىنىيەت تارقىتىش چەكلىك شىركىتى ئاشپەز تور بېكىتىگە تەۋە ئېلان ئالاقە نومۇرى:13999072821 ،新疆塔穆扎提文化传媒有限公司 厨师网站

ئۈرۈمچى شەھىرى 335-نومۇر .ئاقتاش گۇللىكى 6-قەۋەت i ئىشخانا 乌鲁木齐市天山区胜利路355号白玉华庭B座601室

Copyright (c)2009-2018 Www.Axpaz.Cn All rigths | E_Mail: 1436218124@qq.com

تور بېكىتىمىزگە يوللانغان بارلىق تائاملار توردىن يىغىلمىغان بولۇپ، ئەگەررۇخسەتسسىز كۇچۇرسىڭىز قانۇنى جاۋاپكارلىققا تارتىلىسىز ھوقۇق - مەنپەتىمىزگە دەخلى يەتكۇزگەن
ھەرقانداق توربەت سالونلار بولسا دەرھال پاش قىلىپ بىر تەرەپ قىلىنىدۇ .
新ICP备15004026号-1   新公网安备 65010202000516号