ياخشىمۇسىز ، ئاشپەز تور بېكىتىگە بېكىتىگە خۇش كەلدىڭىز
ئاشپەز تورى

رەسىملىك قورىمىلار

نۆۋەتتىكى ئورنىڭىز : باشبەت » رەسىملىك قورىمىلار »  گوشسىز قورىمىلار
ئۇرۇقلايمەن دېسىڭىز ياڭيۇ كۆك پۇرچاق دۈملىمىسى يەڭ
مەنبەسى : ئاشپەز تورى يوللىغۇچى : تەمزاتبەگ ۋاقتى : 2019-12-07 كۆرۈلىشى : قېتىم
   ياڭيۇ كۆك پۇرچاق دۈملىمىسى، بىر خىل ساغلام يېمەكلىكتۇر. كۆك پۇرچاقنىڭ(豆角) ئېنېرگىيە مىقدارى تۆۋەن تالا ماددىسى مىقدارى يۇقىرى بولۇپ، ئاشقازان ئۈچەي ساغلاملىقىغا پايدىلىق بولىدۇ؛ ئۇنىڭ تەركىبىدىكى بىر قەدەر مول بولغان ماگنىي، كالىي، كالتسىي قاتارلىق مىكرو ئىلمىنتلار، ھەر خىل كىشىلەر توپىنىڭ ئىستىمال قىلىشىغا ماس كېلىدۇ. ياڭيۇ بولسا، يىلتىز غوللۇقلار تۈرىدىكى كۆكتات بولۇپ، كاربون سۇ بىرىكمىلىرى تەركىبى نىسبەتەن يۇقىرى، شۇڭا بۇ خىلدىكى يېمەكلىكلەرنى ئىستېمال قىلغاندا، ئاساسى يېمەكلىك قوبۇل قىلىشنى مۇۋاپىق تۈردە ئازايتىشقا توغرا كېلىدۇ؛ ئەگەر سىز ئۇرۇقلىماقچى بولغان بولسىڭىز، ياڭيۇنى بىۋاستە ئاساسى يېمەكلىكنىڭ ئورنىدا ئىستېمال قىلسىڭىز بولىدۇ. بۈگۈن تونۇشتۇرماقچى بولغان، ئەلا سۈپەتلىك كۆكتات ۋە كىراخمال تۈرىدىكى يېمەكلىكتىن تەييارلانغان ياڭيۇ كۆك پۇرچاق دۈملىمىسىگە، ئەگەر ئازراق تۇخۇم ياكى بىرەر تەخسە پىشۇرۇلغان كالا گۆشى تەييارلاپ ئىستىمال قىلىش ئارقىلىق ئەلا سۈپەتلىك ئاقسىل قوبۇل قىلسىڭىز، بىر ۋاخ تامىقىڭىنىڭ ئۇزۇقلۇق تەركىبى ئەڭ تەڭپۇڭ ھالىتىگە يەتكەن بولىدۇ.
   كېتەرلىك ماتېرىيال: كۆك پۇرچاق، ياڭيۇ، شىڭچۇۋ جىياڭيۇسى، پۇرچاق بوتقىسى، غولپىياز، سامساق، تۇز
تەييارلاش ئۇسۇلى
   1. كۆك پۇرچاقنى ئادالاپ پاكىزلىغاندىن كېيىن، بەش سانتېمىتىر ئۇزۇنلۇقتىكى بۆلەك ھالىتىدە توغرىۋالىمىز؛ ياڭيۇنىڭ پوستىنى سويۇپ، ئۇنىمۇ ئوخشاش ئۇزۇنلۇقتا قەلەمچە قىلىپ توغرايمىز؛ سامساق ۋە غولپىيازنى ئۇششاق چاناپ توغرايمىز.
   2. قازانغا ماي قۇيۇپ قىزىتىپ، غولپىيازنى ۋە تەييار قىلغان سامساقنىڭ يېرىمىنى سېلىپ تەم چىقىرىمىز، كەينىدىنلا كۆك پۇرچاقنى سېلىپ ئارىلاشتۇرۇپ قورۇيمىز.
   3. ئۈچ مىنۇت قورىغاندىن كېيىن ياڭيۇنى سالىمىز ھەمدە مۇۋاپىق مىقداردا شىڭچۇۋ جىياڭيۇسى ۋە پۇرچاق بوتقىسى قوشۇپ تەكشى ئارىلاشتۇرۇپ قورۇيمىز.
   4. يېمەكلىك ماتېرىيالى چۆكۈشكىچىلىك سۇ قۇيۇپ، تۇۋاقنى يېپىپ ئوتتۇرا دەرىجىلىك ئوتتا قاينىتىپ 10مىنۇت دۈملەيمىز.
   5. ۋاقىت توشقاندىن كېيىن چوڭ ئوتقا ئالماشتۇرۇپ، تۇز تەمىنى تەڭشەيمىز ھەمدە ئاشۇرۇپ ئېلىپ قالغان سامساقنى سېلىپ ئارىلاشتۇرىمىز؛ ئاخىرىدا چوڭ ئوتتا بىر مىنۇت قاينىتىپ سۈيى تۈگەي دېگەندە قاچىغا ئۇسسۇپ ئالساق بولىدۇ.

ساغلاملىق ۋە تۇرمۇش

بارلىق ھوقوق شىنجاڭ تەمزات مەدىنىيەت تارقىتىش چەكلىك شىركىتى ئاشپەز تور بېكىتىگە تەۋە ئېلان ئالاقە نومۇرى:13999072821 ،新疆塔穆扎提文化传媒有限公司 厨师网站

ئۈرۈمچى شەھىرى 335-نومۇر .ئاقتاش گۇللىكى 6-قەۋەت i ئىشخانا 乌鲁木齐市天山区胜利路355号白玉华庭B座601室

Copyright (c)2009-2020 Www.Axpaz.Cn All rigths | E_Mail: 1436218124@qq.com

تور بېكىتىمىزگە يوللانغان بارلىق تائاملار توردىن يىغىلمىغان بولۇپ، ئەگەررۇخسەتسسىز كۇچۇرسىڭىز قانۇنى جاۋاپكارلىققا تارتىلىسىز ھوقۇق - مەنپەتىمىزگە دەخلى يەتكۇزگەن
ھەرقانداق توربەت سالونلار بولسا دەرھال پاش قىلىپ بىر تەرەپ قىلىنىدۇ .
新ICP备15004026号-1   新公网安备 65010202000516号