ياخشىمۇسىز ، ئاشپەز تور بېكىتىگە بېكىتىگە خۇش كەلدىڭىز
ئاشپەز تورى

رەسىملىك قورىمىلار

نۆۋەتتىكى ئورنىڭىز : 首页 » رەسىملىك قورىمىلار »  گوشسىز قورىمىلار
خەيدەي قورىمىسى، بەدەندىكى زەھەرنى ھەيدەشتىكى ئۈنۈملۈك دورا
مەنبەسى : ئاشپەز تورىيوللىغۇچى : تەمزاتبەگ ۋاقتى : 2019-10-27كۆرۈلىشى : قېتىم
   خەيدەي(لامنارىيە)، ئۇزۇقلۇق قىممىتى ئىنتايىن يۇقىرى بىر خىل كۆكتات بولۇپ، ئۇنىڭ يەنە بەلگىلىك دورىلىق قىممىتىمۇ بار؛ خەيدەينىڭ ساغلاملىق كۈتۈنۈش جەھەتتىكى ئۈنۈملىرى كۆپ بولۇپ، بۇنىڭ ئىچىدە ئەڭ ئاساسلىقى بەدەندىكى زەھەرلەرنى ۋە كېرەكسىز ماددىلارنى ھەيدە بەدەن سىرتىغا چىقىرۋېتىشتۇر. خەيدەي ئادەمنىڭ ئۈچىيىدە بىر خىل شىلىمشىق ماددا ھاسىل قىلىدىغان بولۇپ، زەھەرلىك ماددىلارنى بەدەن سىرتىغا چىقىرۋېتىشكە پايدىلىق بولىدۇ ھەمدە ئادەم بەدىنىنىڭ قوغۇشۇن، كادمىي قاتارلىق ئېغىر مىتاللارنى سۈمۈرىشىنى توسۇپ، بەدەندىكى رادىئاتسىيەلىك ئىلمىنتلارنى تازىلايدۇ. بۇندىن باشقا يەنە، خەيدەي تەركىبىدىكى سۇلفاتىدلىق پولىساخارىدلار، قان دىۋارىغا يېپىشىۋالغان خولىستىرىنلارنى تازىلاپ، بەدەندىكى خولىستىرىن مىقدارىنى نورمال ھالەتتە ساقلايدۇ.
   ئىلگىرى، كۆپچىلىككە خەيدەيدىن سۇغۇق سەي تەييارلاش ئۇسۇلىنى تۇنۇشتۇرۇپ ئۆتكەن ئىدۇق؛ بۈگۈن بولسا، كۆپچىلىكنىڭ دىققىتىگە خەيدەيدىن قورۇما قورۇش ئۇسۇلىنى تۇنۇشتۇرۇپ ئۆتىمىز.
   كىتەرلىك ماتېرىيال: خەيدەي، ئىستىمال مېيى، تۇز، قىزىلمۇچ سوقمىسى، سامساق، زەنجىۋىل
تەييارلاش ئۇسۇلى
   خەيدەينى سۇغا چىلاپ پاكىزە يۇيىمىز.
   يۇيۇپ پاكىزلىغاندىن كىيىن، ئىنچىكە قەلەمچە قىلىپ توغرايمىز.
   توغراپ بولغاندىن كىيىن، خەيدەينى قايتىدىن يەنە سۇغا چىلاپ، قايتا-قايتا ئۇۋۇلاپ يۇيۇپ، ئىمكانىيەتنىڭ بارىچە سىرتقى يۈز قىسمىدىكى تۇز تەمىنى چىقىرۋىتىمىز. ئۇۋۇلاپ يۇيۇپ بولغاندىن كىيىن، سۈزۈپ ئېلىپ سۈيىنى ساقىتىۋېتىپ ئىشلىتىش ئۈچۈن تەييار قىلىپ قويىمىز.
   خەيدەينىڭ تۇز تەمى كەتتىمۇ يوق، بۇنى قولىڭىزدا خەيدەينى سىيلاشتۇرۇپ تۇتقاندىن كىيىن، بارمىقىڭىزنى تىلىڭىزغا تەككۈزۈپ سىناپ باقسىڭىز بولىدۇ؛ ئەگەر سۇدا يۇيۇپمۇ تۇز تەمىنى تولۇق چىقىرىپ بولالمىغان بولسىڭىز، ئۇنداقتا سۇدا بىر قاينىتىپ ئالسىڭىز، تۇز تەمىنى يوقاتقىلى بولىدۇ.
   سامساق ۋە زەنجىۋىلنى ئۇششاق توغراپ تەييارلايمىز.
   قازاننى ئېسىپ ماي قۇيۇپ قىزىتىپ، توغرالغان سامساق ۋە زەنجىۋىلنى سېلىپ قورۇپ تەم چىقىرىمىز.
   قىزىلمۇچ سوقمىسىدىن مۇۋاپىق مىقداردا سېلىپ، كىچىك ئوتتا تەكشى ئارىلاشتۇرۇپ قورۇپ، مۇچ يېغىنى چىقىرىمىز.

   خەيدەينى سېلىپ چوڭ ئوتقا ئالماشتۇرىمىز.
   تىز سۈرئەتتە تەكشى ئارىلاشتۇرۇپ قورۇپ، خەيدەي بىلەن خۇرۇچ ماتېرىياللىرىنى تولۇق ئارىلاشتۇرىمىز.
   خەيدەي پىشقاندا، ئۈستىگە ئۇششاق توغرالغان غولپىياز مايسىسى سېپىۋىتىپ، تەخسىگە ئۇسۇپ ئالساق بولىدۇ.

ساغلاملىق ۋە تۇرمۇش

بارلىق ھوقوق شىنجاڭ تەمزات مەدىنىيەت تارقىتىش چەكلىك شىركىتى ئاشپەز تور بېكىتىگە تەۋە ئېلان ئالاقە نومۇرى:13999072821 ،新疆塔穆扎提文化传媒有限公司 厨师网站

ئۈرۈمچى شەھىرى 335-نومۇر .ئاقتاش گۇللىكى 6-قەۋەت i ئىشخانا 乌鲁木齐市天山区胜利路355号白玉华庭B座601室

Copyright (c)2009-2018 Www.Axpaz.Cn All rigths | E_Mail: 1436218124@qq.com

تور بېكىتىمىزگە يوللانغان بارلىق تائاملار توردىن يىغىلمىغان بولۇپ، ئەگەررۇخسەتسسىز كۇچۇرسىڭىز قانۇنى جاۋاپكارلىققا تارتىلىسىز ھوقۇق - مەنپەتىمىزگە دەخلى يەتكۇزگەن
ھەرقانداق توربەت سالونلار بولسا دەرھال پاش قىلىپ بىر تەرەپ قىلىنىدۇ .
新ICP备15004026号-1   新公网安备 65010202000516号