ياخشىمۇسىز ، ئاشپەز تور بېكىتىگە بېكىتىگە خۇش كەلدىڭىز
ئاشپەز تورى

رەسىملىك قورىمىلار

نۆۋەتتىكى ئورنىڭىز : باشبەت » رەسىملىك قورىمىلار » توخو گوشى قورىمىلار
بۇ تائامدا يانفون ئېكرانى ئايرىپ تۇرسىمۇ شۆلگىيىڭىز ئېقىپ كېتىدۇ
مەنبەسى : ئاشپەز تورىيوللىغۇچى : تەمزاتبەگ ۋاقتى : 2019-12-10كۆرۈلىشى : قېتىم
   بۈگۈن كۆپچىلىكنىڭ دىققىتىگە، ھەممە ئادەمنىڭ ئىشتىھاسىنى غىدىقلايدىغان توخۇ قازان كاۋىپى تونۇشتۇرىمىز؛ يۇمران توخۇ گۆشىنى، ئالاھىدە تەڭشەلگەن قىيام بىلەن ماسلاشتۇرساق، تەمى بەش يۇلتۇزلۇق مېھمانخانىلاردىن قېلىشمايدۇ.
خام ماتېرىيالى
   توخۇ، غولپىياز، زەنجىۋىل، لىمون، قىزىل پىياز، ئۇچلۇق قىزىلمۇچ
تەم خۇرۇچلىرى
   شاكال بەدىيان، قوۋزاق دارچىن، چىيۈ جىياڭيۇسى(豉油)، لاۋچوۋ جىياڭيۇسى، شىڭچوۋ جىياڭيۇسى، كۈنجۈت مېيى، تېتىتقۇ ھارىقى، ناۋات
 
تەييارلاش ئۇسۇلى
 
-1-
   خام ماتېرىياللارنى تەييارلاپ بولغاندىن كېيىن قىيام تەييارلىۋالىمىز: قاچىغا چىيوۋ جىياڭيۇسىدىن 200گىرام، سۇ 200گىرام، بىر قوشۇق لاۋچوۋ جىياڭيۇسى، ئۈچ قوشۇق تېتىتقۇ ھارىقى، 30گىرام ناۋات سېلىپ، قوچۇپ ئارىلاشتۇرىمىز.
 
پىشۇرۇش ئۇسۇلى
 
-2-
   قازانغا ماي قۇيۇپ قىزىتىپ، توغرالغان زەنجىۋىل ۋە قىزىل پىيازنى سېلىپ تەم چىقارغاندىن كېيىن، توخۇنى سېلىپ كىچىك ئوتتا، توخۇ يۈز قىسىم تىرىسى سارغايغىچىلىك ئاستا-ئاستا داغلايمىز.
  ئالدىدا تەڭشەپ تەييارلىغان قىيامنى قازانغا قۇيىمىز، توخۇ يېرىم چۆكۈشكىچىلىك قۇيىمىز؛ چۆمۈچ بىلەن قىيامنى پۈتكۈل توخۇ يۈزىگە تولۇق يۇقتۇرىمىز. كەينىدىن، شاكال بەدىيان، قوۋزاق دارچىن، غولپىياز قاتارلىقلاردىن قوشۇپ، قازان قاينىغاندىن كېيىن ئوتنى كىچىك ئوتقا ئالماشتۇرۇپ ھەمدە تۇۋاقنى يېپىپ 20 مىنۇت دۈملەپ پىشۇرۇمىز؛ ئوتتۇرىلىقتا، ھەر بەش مىنۇتتا توخۇنىڭ ئاستى ئۈستى تەرىپىنى ئۆرۈپ ئالماشتۇرۇپ قويىمىز.
-3-
   ۋاقىت توشقاندىن كېيىن، كىچىك ئوتتا سۈيىنى قاينىتىپ تۈگىتىمىز؛ قازاندا ئېشىپ قالغان قىيامنى داۋاملىق ھالدا چۆمۈچتە ئۇسۇپ توخۇنىڭ يۈز قىسىمىغا تولۇق سېپىمىز؛ توخۇ گۆشىگە رەڭ كىرگەندىن كېيىن، ئوتنى ئۆچۈرۈپ سۇۋىتىمىز.
   بۇ ۋاقىتتا، توخۇ گۆشىنى چىلاپ يەيدىغانغا قىيام تەييارلايمىز: قاچىغا ئۇچلۇق قىزىلمۇچ، غولپىياز مايسىسى ۋە زەنجىۋىل چانالمىسى سېلىپ، ئۈستىگە چىيوۋ جىياڭيۇسى، كۈنجۈت مېيى، نەچچە تامچە لىمون شەربىتى قوشىمىز.
   پىشقان توخۇنى ئازراق قويۇپ سۇۋۇتقاندىن كېيىن، ئۆزىمىزنىڭ خاھىشى بويىچە توغراپ داستىخانغا ئېلىپ چىقساق بولىدۇ.

ساغلاملىق ۋە تۇرمۇش

بارلىق ھوقوق شىنجاڭ تەمزات مەدىنىيەت تارقىتىش چەكلىك شىركىتى ئاشپەز تور بېكىتىگە تەۋە ئېلان ئالاقە نومۇرى:13999072821 ،新疆塔穆扎提文化传媒有限公司 厨师网站

ئۈرۈمچى شەھىرى 335-نومۇر .ئاقتاش گۇللىكى 6-قەۋەت i ئىشخانا 乌鲁木齐市天山区胜利路355号白玉华庭B座601室

Copyright (c)2009-2020 Www.Axpaz.Cn All rigths | E_Mail: 1436218124@qq.com

تور بېكىتىمىزگە يوللانغان بارلىق تائاملار توردىن يىغىلمىغان بولۇپ، ئەگەررۇخسەتسسىز كۇچۇرسىڭىز قانۇنى جاۋاپكارلىققا تارتىلىسىز ھوقۇق - مەنپەتىمىزگە دەخلى يەتكۇزگەن
ھەرقانداق توربەت سالونلار بولسا دەرھال پاش قىلىپ بىر تەرەپ قىلىنىدۇ .
新ICP备15004026号-1   新公网安备 65010202000516号