ياخشىمۇسىز ، ئاشپەز تور بېكىتىگە بېكىتىگە خۇش كەلدىڭىز
ئاشپەز تورى

رەسىملىك قورىمىلار

نۆۋەتتىكى ئورنىڭىز : باشبەت » رەسىملىك قورىمىلار » قوي گۇشى قورىمىلار
زىخقا ئۆتكۈزۈش كەتمەيدىغان زىرە تەملىك قازان كاۋاپ
مەنبەسى : ئاشپەز تورىيوللىغۇچى : تەمزاتبەگ ۋاقتى : 2020-03-04كۆرۈلىشى : قېتىم
    بۈگۈن كۆپچىلىكنىڭ دىققىتىگە، زىخقا ئۆتكۈزۈش كەتمەيدىغان، ئۆيدىلا تەييارلاپ ئىستېمال قىلىپ، كاۋاپ خۇمارىدىن چىقىشقا بولىدىغان زىرە تەملىك قازان كاۋاپ تەييارلاش ئۇسۇلىنى تونۇشتۇرۇپ ئۆتىمىز.

    كىتەرلىك ماتېرىيال: قوي گۆشى، تۇخۇم ئېقى، كىراخمال، پىياز، يۇپۇرماقلىق كاھۇ(生菜)
   خۇرۇچ ماتېرىياللىرى:  زىرە تالقىنى، زىرە، مۇچ تالقىنى، ئاق كۈنجۈت، تۇز
تەييارلاش ئۇسۇلى
   بىرىنچى قەدەمدە، قوي گۆشىنى 2 سانتىمېتىر چوڭلۇقتا توغراپ تەييارلايمىز.

   ئىككىنچى قەدەمدە، قوي گۆشىنى چىنىگە سېلىپ، ئۈستىگە زىرە تالقىنى، مۇچ تالىقىنى، ئازراق پىياز چانالمىسى(ياقتۇرمىسىڭىز قوشمىسىڭىزمۇ بولىدۇ)، بىر تۇخۇمنىڭ ئېقى، مۇۋاپىق مىقداردا قۇرۇق كىراخمال قاتارلىقلارنى قوشۇپ ئارىلاشتۇرغاندىن كېيىن 15 مىنۇت قويۇپ قويىمىز.
   ئۈچىنچى قەدەمدە، چىنىدىن بىرگە زىرە تالقىنى، زىرە، مۇچ تالقىنى، ئاق كۈنجۈت، تۇز قاتارلىقلارنى سېلىپ تەييارلايمىز؛ يۇپۇرماقلىق كاھۇنى يۇيۇپ تەييارلاپ، تەخسىنىڭ تىگىگە تەكشى يېيىلتىپ، قازان كاۋاپنى ئۇسۇپ ئېلىش ئۈچۈن تەييارلايمىز.

   تۆتىنچى قەدەمدە، قازانغا ماي قۇيۇپ قىزىتىپ، قوي گۆشىنى سېلىپ سىرتقى يۈزى سارغايغىچىلىك داغلىغاندىن كېيىن سۈزۈپ ئېلىۋالىمىز.
   بەشىنچى قەدەمدە، قازاننى قايتىدىن ئېسىپ، ئازراق ماي قۇيۇپ قىزىتقاندىن كېيىن، ئاۋۋال سامساق ۋە زەنجىۋىل سېلىپ قورۇپ تەم چىقىرىمىز؛ كەينىدىن داغلاپ تەييارلىغان قوي گۆشىنى سېلىپ قورۇيمىز؛ ئۈستىگە  ئالدىدا تەييارلىغان زىرە تالقىنى قاتارلىقلارنى قوشۇپ، زىرە تەمى ۋە قىزىلمۇچ تەمىنى چىقارغاندىن كېيىن ئۇسۇپ ئالساق بولىدۇ.

ساغلاملىق ۋە تۇرمۇش

بارلىق ھوقوق شىنجاڭ تەمزات مەدىنىيەت تارقىتىش چەكلىك شىركىتى ئاشپەز تور بېكىتىگە تەۋە ئېلان ئالاقە نومۇرى:13999072821 ،新疆塔穆扎提文化传媒有限公司 厨师网站

ئۈرۈمچى شەھىرى 335-نومۇر .ئاقتاش گۇللىكى 6-قەۋەت i ئىشخانا 乌鲁木齐市天山区胜利路355号白玉华庭B座601室

Copyright (c)2009-2020 Www.Axpaz.Cn All rigths | E_Mail: 1436218124@qq.com

تور بېكىتىمىزگە يوللانغان بارلىق تائاملار توردىن يىغىلمىغان بولۇپ، ئەگەررۇخسەتسسىز كۇچۇرسىڭىز قانۇنى جاۋاپكارلىققا تارتىلىسىز ھوقۇق - مەنپەتىمىزگە دەخلى يەتكۇزگەن
ھەرقانداق توربەت سالونلار بولسا دەرھال پاش قىلىپ بىر تەرەپ قىلىنىدۇ .
新ICP备15004026号-1   新公网安备 65010202000516号