ياخشىمۇسىز ، ئاشپەز تور بېكىتىگە بېكىتىگە خۇش كەلدىڭىز
ئاشپەز تورى

رەسىملىك تائاملار

نۆۋەتتىكى ئورنىڭىز : باشبەت » رەسىملىك تائاملار » ئۇن تائاملىرى
قوساقنى تويغۇزۇپ خۇمارنى باسىدىغان قىياملىق چۆپ
مەنبەسى : ئاشپەز تورىيوللىغۇچى : تەمزاتبەگ ۋاقتى : 2020-01-30كۆرۈلىشى : قېتىم
   بۈگۈن كۆپچىلىكنىڭ دىققىتىگە، تەملىك ھەم يىيىشلىك بولغان ئاچچىق-چۈچۈك قىياملىق چۆپ تەييارلاش ئۇسۇلىنى تونۇشتۇرۇپ ئۆتىمىز.
   بۇ خىل چۆپنىڭ يىيىشلىك بولۇشىنىڭ سەۋەبى، خېمىرنى يۇغۇرۇش بىلەن تەملەشتۈرۈش ئۈچۈن تەييارلانغان ئاچچىق قىيامدا بولۇپ، بۇ ئىككى نۇقتىنى ياخشى ئىگىلىيەلىسىڭىزلا، تەييارلىغان چۆپىڭىزنى قالدۇرماي يەۋىتىسىز.
تەييارلاش ئۇسۇلى
   ئالدى بىلەن خېمىر يۇغۇرىمىز. ئەگەر چۆپنى چىڭ ھەم يىيىشلىك چىقسۇن دىسىڭىز، ئامال بار يۇقىرى تالالىق ئۇن(高筋面粉) ئىشلىتىڭ. 500گىرام ئۇنغا 4گىرام تۇز قوشۇپ، كەينىدىن 240گىرام ئەتراپىدا ئىلمان سۇ قۇيۇپ خېمىر يۇغۇرىمىز.
   خېمىرنى يۇغۇرۇپ بولغاندىن كېيىن، يېڭى ساقلاش پىلاستىرىدا خېمىرنى ئوراپ تىندۇرىمىز؛ تىندۇرۇپ بولغاندىن كېيىن، خېمىرنى قايتىدىن يەنە بىر قېتىم ئەيلەيمىز.
   خېمىرنى ئەيلەپ بولغاندىن كېيىن يايغۇدا يېيىپ نىپىز ھالەتكە ئەكىلىمىز؛ كەينىدىن ئىككى بارماق كەڭلىكىدە چۆپ قىلىپ كىسىۋالىمىز ھەمدە كىسىۋالغان چۆپنى ئىككى بېشىدىن يېنىك تارتىپ تېخىمۇ نېپىزلىتىمىز.
   چۆپنى كىسىپ تارتىپ بولغاندىن كېيىن، قازاندا سۇ قاينىتىپ چۆپنى سېلىپ پىشۇرىمىز؛ چۆپ پىشقاندىن كېيىن سۈزۈپ ئېلىپ سوغۇق سۇدا چايقايمىز.
   بۇ ۋاقىتتا تەملەشتۈرۈشكە ئىشلىتىدىغان قىيام تەييارلايمىز. چىنىگە سامساق چانالمىسى، غولپىياز مايسىسى چانالمىسى، ئاق كۈنجۈت ۋە قىزىلمۇچ تالقىنى قاتارلىقنى سېلىپ، ئۈستىگە بىر چۆمۈچ قىزىتىلغان ماي قۇيىمىز؛ كەينىدىن ئۈستىگە ئۈچ قوشۇق جىياڭيۇ، ئىككى قوشۇق ئاچچىقسۇ، يېرىم قوشۇق تۇز قوشۇپ ئارىلاشتۇرساق، تەملەشتۈرۈش قىيامى تەييار بولىدۇ.
   تەييارلىغان قىيامنى چۆپنىڭ ئۈستىگە قۇيۇپ ئارىلاشتۇرغاندىن كېيىن، ئۈستىگە ئازراق غولپىياز مايسىسى سېپىۋەتسەكلا ئىستىمال قىلىشقا بولىدۇ.

ساغلاملىق ۋە تۇرمۇش

بارلىق ھوقوق شىنجاڭ تەمزات مەدىنىيەت تارقىتىش چەكلىك شىركىتى ئاشپەز تور بېكىتىگە تەۋە ئېلان ئالاقە نومۇرى:13999072821 ،新疆塔穆扎提文化传媒有限公司 厨师网站

ئۈرۈمچى شەھىرى 335-نومۇر .ئاقتاش گۇللىكى 6-قەۋەت i ئىشخانا 乌鲁木齐市天山区胜利路355号白玉华庭B座601室

Copyright (c)2009-2018 Www.Axpaz.Cn All rigths | E_Mail: 1436218124@qq.com

تور بېكىتىمىزگە يوللانغان بارلىق تائاملار توردىن يىغىلمىغان بولۇپ، ئەگەررۇخسەتسسىز كۇچۇرسىڭىز قانۇنى جاۋاپكارلىققا تارتىلىسىز ھوقۇق - مەنپەتىمىزگە دەخلى يەتكۇزگەن
ھەرقانداق توربەت سالونلار بولسا دەرھال پاش قىلىپ بىر تەرەپ قىلىنىدۇ .
新ICP备15004026号-1   新公网安备 65010202000516号