ياخشىمۇسىز ، ئاشپەز تور بېكىتىگە بېكىتىگە خۇش كەلدىڭىز
ئاشپەز تورى

ساغلاملىق

نۆۋەتتىكى ئورنىڭىز : باشبەت » ساغلاملىق  » تۇرمۇش مەسلىھەتچىسى
يۈرەك قان تومۇرلارنى ياخشىلايدىغان تائام رىسالىسى
مەنبەسى : ئاشپەز تورىيوللىغۇچى : تەمزاتبەگ ۋاقتى : 2020-02-21كۆرۈلىشى : قېتىم

   كىشىلەرنىڭ يېمەك-ئىچمىكىنىڭ بارغانسېرى كۆپ خىللىشىغا ئەگىشىپ، تېخىمۇ كۆپ كىشىلەر ئۈچ يۇقىرى كېسەللىكى(قان بېسىمى يۇقىرى، قاننىڭ ماي تەركىبى يۇقىرى، قاننىڭ قەنت تەركىبى يۇقىرى) ۋە يۈرەك-مېڭە قان تومۇر كېسەللىكلىرىگە گىرىپتار بولۇپ قېلىۋاتىدۇ. ئادەم يېمەك-ئىچمەككە دىققەت قىلمىغاندا، قاندىكى ئەخلەتلەر بارغانسېرى كۆپىيىپ، ئاخىرىدا قان نۆكچىسى بولۇپ شەكىللىنىدۇ. تۆۋەندە كۆپچىلىكنىڭ دىققىتىگە، قاننىڭ قەنت تەركىبىنى تۆۋەنلىتىپ، قان نۆكچىسى پەيدا بولۇشنىڭ ئالدىنى ئالالايدىغان تائاملارنى تونۇشتۇرۇپ ئۆتىمىز.
 
پىياز تۇخۇم قورىمىسى
    كىتەرلىك ماتېرىيال: پىياز، تۇخۇم، تۇز، ماي
تەييارلاش ئۇسۇلى
   1. پىيازنى ئاقلاپ يۇيۇپ توغرايمىز؛ تۇخۇمنى چېقىپ، ئازراق تۇز قوشۇپ قوچۇيمىز.
   2. قازانغا ئازراق ماي قۇيۇپ قىزىتىپ، قوچىغان تۇخۇمنى سېلىپ قاتۇرۇپ ئالىمىز.
   3. قازانغا قايتىدىن ماي قۇيۇپ قىزىتىپ، پىيازنى سېلىپ قورۇيمىز؛ ئاخىرىدا تۇز قوشۇپ تەم تەڭشەپ ۋە قاتۇرۇپ تەييارلىغان تۇخۇمنى سېلىپ ئارىلاشتۇرغاندىن كېيىن ئۇسۇپ ئالساق بولىدۇ.
   ئەسكەرتىش: پىيازنى قورىغان ۋاقىتتا چوقۇم تېز بولۇش كېرەك، بەك ئۇزۇن ۋاقىت قورۇۋەتسەك، پىياز يۇمشاپ قورىمىنىڭ تەمىگە تەسىر يېتىدۇ.
 
تەرخەمەك قوشۇپ تەملەشتۈرۈلگەن قارا قېرىنقولاق
   كېتەرلىك ماتېرىيال: قارا قېرىنقولاق، تەرخەمەك، ماي، تۇز، تېتىتقۇ، جىياڭيۇ، كۈنجۈت مېيى، ئاچچىقسۇ، شېكەر، قىزىلمۇچ، ئىنچىكە پىنتوزا، يۇمغاقسۈت، سامساق
تەييارلاش ئۇسۇلى
   1. قارا قېرىنقولاقنى ئالدىنئالا سۇغا چىلاپ كۆپتۈرۋالغاندىن كېيىن، سۇدا قاينىتىپ پىشۇرۋالىمىز ۋە سۈزۈپ سۈيىنى پاكىزە ساقىتىۋىتىمىز.
   2. ئىنچىكە پىنتوزىنى قايناقسۇغا چىلاپ ئالغاندىن كېيىن، سۇغۇق سۇغا چىلاپ قويۇپ قويىمىز.
   3. تەرخەمەك ۋە يۇمغاقسۈتنى توغرايمىز؛ سامساقنى ئۇششاق چانالما قىلىپ توغرايمىز؛ ئۇچلۇق قىزىلمۇچنى كىچىك قىلىپ توغرايمىز.
   4. قارا قېرىنقولاق، تەرخەمەك، يۇمغاقسۈت، سامساق قاتارلىقلارنى بىر قاچىغا سېلىىپ، ئۈستىگە ئۆزىمىزنىڭ تەم خاھىشىغا ئاساسەن مۇۋاپىق مىقداردا تۇز، كۈنجۈت مېيى، ئاچچىقسۇ، شېكەر، تېتىتقۇ قوشۇپ ئارىلاشتۇرىمىز.
   5. قازانغا ماي قۇيۇپ قىزىتىپ، قىزىلمۇچنى سېلىپ قورۇپ تەم چىقىرىمىز؛ كەينىدىن قازاندىكى ماينى قىزىلمۇچ بىلەن ئارىلاشتۇرۇپ تەييار قىلغان يېمەكلىك ماتېرىياللىرىنىڭ ئۈستىگە قۇيۇپ قايتا ئارىلاشتۇرۋەتكەندىن كېيىن ئىستېمال قىلساق بولىدۇ.

موگو قىيمىلىق دۇفۇ دۈملىمىسى
   كېتەرلىك ماتېرىيال: دۇفۇ، موگو، جىياڭيۇ، شىكەر، كۈنجۈت مېيى، كىراخمال
تەييارلاش ئۇسۇلى
   1. دۇفۇنى يۇۋەتكەندىن كېيىن، ئوتتۇرىسىنى ئويۇپ ئېلىپ قۇرۇقدايمىز.
   2. يۇيۇپ تەييارلىغان موگونى ئۇششاق چاناپ، خۇرۇچ ماتېرىياللىرى ۋە كىراخمال قوشۇپ ئارىلاشتۇرۇپ قىيما تەييارلايمىز.
   3. تەييارلىغان قىيمىنى دۇفۇنىڭ ئوتتۇرىسىدىكى بوشلۇققا سېلىپ، دۇفۇنى تەخسىگە قويۇپ قازاندا دۈملەپ پىشۇرىمىز؛
   4. پىشقاندىن كېيىن، ئۈستىگە ئازراق كۈنجۈت مېيى ۋە جىياڭيۇ قوشۇپ ئارىلاشتۇرۇپ ئىستېمال قىلساق بولىدۇ.

ساغلاملىق ۋە تۇرمۇش

بارلىق ھوقوق شىنجاڭ تەمزات مەدىنىيەت تارقىتىش چەكلىك شىركىتى ئاشپەز تور بېكىتىگە تەۋە ئېلان ئالاقە نومۇرى:13999072821 ،新疆塔穆扎提文化传媒有限公司 厨师网站

ئۈرۈمچى شەھىرى 335-نومۇر .ئاقتاش گۇللىكى 6-قەۋەت i ئىشخانا 乌鲁木齐市天山区胜利路355号白玉华庭B座601室

Copyright (c)2009-2018 Www.Axpaz.Cn All rigths | E_Mail: 1436218124@qq.com

تور بېكىتىمىزگە يوللانغان بارلىق تائاملار توردىن يىغىلمىغان بولۇپ، ئەگەررۇخسەتسسىز كۇچۇرسىڭىز قانۇنى جاۋاپكارلىققا تارتىلىسىز ھوقۇق - مەنپەتىمىزگە دەخلى يەتكۇزگەن
ھەرقانداق توربەت سالونلار بولسا دەرھال پاش قىلىپ بىر تەرەپ قىلىنىدۇ .
新ICP备15004026号-1   新公网安备 65010202000516号