ياخشىمۇسىز ، ئاشپەز تور بېكىتىگە بېكىتىگە خۇش كەلدىڭىز
ئاشپەز تورى

ساغلاملىق

نۆۋەتتىكى ئورنىڭىز : باشبەت » ساغلاملىق  » تۇرمۇش مەسلىھەتچىسى
بىر ئائىلە كىشىلىرى، ئۇرۇشماڭلار!
مەنبەسى : ئاشپەز تورىيوللىغۇچى : تەمزاتبەگ ۋاقتى : 2019-11-25كۆرۈلىشى : قېتىم
ئۇرۇش-جىدەل، بايلىق تەلەينى قاچۇرىدۇ
   شۇڭا بىر ئائىلە كىشلىرى ئۇرۇشماڭلار، بولمسا ئۇرۇشۇپ جىدەل ئويناپ، تەلەينى قاچۇرۋىتىسىلەر. غۇربەتچىلىكتە ئۆتىدىغان ئائىلىدىكىلەر، ئۆز-ئارا ئۇرۇشۇپ جىدەل قىلغىلى ئامراق كېلىدۇ، ئايال كىشى ئەركىشىنى پۇل تېپىشنى بىلمەيدۇ دەپ جىدەل قىلىدۇ، ئەر كىشى ئايال كىشىنى ئۆي تۇتۇشنى بىلمەيدۇ دەپ جىدەل قىلىدۇ؛ ئىككى تەرەپ، نامراتلىقنىڭ سەۋەبىنى بىر-بىرىگە دۆڭگەيدۇ.
ئۇرۇش-جىدەل، قەلبلەر ئارىلىقىنى بارغانسېرى يېراقلاشتۇرىۋىتىدۇ
   كۈندە زېھىنىنى ئۇرۇش-جىدەلگە سەرپ قىلىپ، كۈندە قارشى تەرەپنىڭ ئەيىب يىتەرسىزلىكلىرىنى ئىزدەپ ئۆتسە ھەمدە مەسئۇلىيەتتىن ئۆزىنى قاچۇرۇشنىلا ئويلىسا، بۇنداق ئائىلىدە ئارامخۇدا كۈن ئۆتكۈزگىلى بولامدۇ؟ ئەينى ۋاقىتتا، ئەر كىشى ئۆزى خالاپ ئايال كىشىنى ئەمرىگە ئالىدۇ، ئۇنىڭ ھەممە تەرەپلىرىنى ياخشىدەك ھېس قىلىدۇ؛ بىراق بىرگە ئۆي تۇتۇپ تۇرمۇش كەچۈرۈشكە باشلىغاندىن كېيىن، ئايال كىشىنىڭ ھەممە تەرەپلىرىنىڭ ياخشى ئەمەستە ھېس قىلىشقا باشلايدۇ. ئايال كىشىمۇ ئەركىشىگە ياتلىق بولۇشنى قارار قىلغان ۋاقىتتا، كۆڭلىدە ئۇ ئەركىشىدىن مۇتلەق خاتىرجەم بولىدۇ، شۇڭا ئۇنىڭغا بىر ئۆمۈر ئەگىشىشنى خالايدۇ؛ بىراق توي قىلىپ بىر ئۆيگە كىرگەندىن كېيىن، ئۆزىنىڭ ئىلگىرىكى قارىشىنىڭ ھەممىنى ئىنكار قىلىۋىتىدۇ. بۇنداق ئەھۋالدا، ئىككى قەلب ئوتتۇرىسىدىكى ئارىلىق بارغانسېرى يېراقلاپ، ناتونۇش كىشىلەرگە ئوخشاش بولۇپ قالىدۇ.
ھەقىقى مۇھەببەتتە، ئۆزىمىزنىڭ ئارتۇقچىلىقى بىلەن قارشى جۆرىمىزنىڭ يىتەرسىزلىكىنى يېپىشىمىز كېرەك.
   ھەممەيلەن، توي تۇرمۇشى مۇھەببەتنىڭ قەبرىسى دېيىشىدۇ، ئەمەلىيەتتە ئۇنداق ئەمەس. مۇھەببەتنى قانداق ساقلاشنى ۋە چوڭقۇرلاشتۇرۇشنى بىلىدىغان ئادەم، توي تۇرمۇشىنىڭ ئەمەلىيەتتە مۇھەببەتنىڭ باشلىنىشى ئىكەنلىكىنى بىلىدۇ.
مۇھەببەتنىڭ ۋەزىپىسى، قارشى تەرەپنىڭ گۈزەللىكىنى بايقاش بولۇپ، بۇنىڭدا ئىككى تەرەپ ئوتتۇرىدا يېتەرلىك جەلپكارلىق پەيدا بولۇپ، ئىككەيلەن بىر يەرگە كېلىدۇ. بۇندىن باشقا، مۇھەببەتنىڭ يەنە بىر ۋەزىپىسى بولسا، قارشى تەرەپنىڭ يىتەرسىزلىكلىرىنىمۇ ياخشى كۆرۈش بولۇپ، ئۆزىمىزنىڭ ئارتۇقچىلىقى ئارقىلىق قارشى تەرەپنىڭ يىتەرسىزلىكىنى يېپىش بولىدۇ؛ بۇنىڭدا، ئىككەيلەننىڭ مۇھەببىتى ھەقىقى مۇھەببەت دەرىجىسىگە يەتكەن بولىدۇ.
بىر ئائىلە كىشىلىرى پۇل دۇنيانى ھەممىدىن مۇھىم كۆرىۋالماسلىقى كېرەك
   پۇل دۇنيانى ھەممىدىن مۇھىم بىلسەك، ئىنچىكە ھېساب قىلىدىغان ئىشلار كۆپىيىپ كېتىدۇ، تالاش-تارتىشمۇ بارغانسېرى كۆپىيىشكە باشلايدۇ. تالاش-تارتىش قىلىش ئادەتكە ئايلىنىپ قالغان ۋاقىتتا، نامراتلىقتىمۇ ئۇرۇشىدىغان، باي بولغاندىن كېيىنمۇ ئۇرۇشىدىغان بولۇپ قېلىپ، ئۇرۇش-جىدەلنىڭ ئايىغى چىقماي قالىدۇ. ئون بارماقنىڭ ھەممىسى تەڭ بولمايدۇ، ئۆز-ئارا سېلىشتۇرۇپ ئىنچىكە ھېساب قىلىش، بىر ئائىلە كىشىلىرىدە كۆرۈلۈشكە تېگىشلىك ئەھۋال ئەمەس؛ پەقەت بىر ئائىلە كىشلىرى بىر نىيەت ھەم بىر مەقسەتتە بولسىلا، تۇپراقنىمۇ ئالتۇنغا ئايلاندۇرغىلى بولىدۇ.
   بىر ئائىلە كىشلىرى، ھەرقانداق ئىش بولسا كۆڭۈلدە ساقلىۋالماي، قارشى تەرەپكە ئىشىنىپ، ئورتاق مەسلىھەتلىشىپ ئىش كۆرۈش كېرەك؛ بوران-چاپقۇنلارنى بىرلىكتە باشتىن ئۆتكۈزۈپ، راھەت-پاراغەتتىن بىرگە ھۇزۇرلانغاندا، ئاندىن ھەقىقىي تۈردىكى بىر ئائىلە كىشلىرى بولغىلى بولىدۇ.

ساغلاملىق ۋە تۇرمۇش

بارلىق ھوقوق شىنجاڭ تەمزات مەدىنىيەت تارقىتىش چەكلىك شىركىتى ئاشپەز تور بېكىتىگە تەۋە ئېلان ئالاقە نومۇرى:13999072821 ،新疆塔穆扎提文化传媒有限公司 厨师网站

ئۈرۈمچى شەھىرى 335-نومۇر .ئاقتاش گۇللىكى 6-قەۋەت i ئىشخانا 乌鲁木齐市天山区胜利路355号白玉华庭B座601室

Copyright (c)2009-2018 Www.Axpaz.Cn All rigths | E_Mail: 1436218124@qq.com

تور بېكىتىمىزگە يوللانغان بارلىق تائاملار توردىن يىغىلمىغان بولۇپ، ئەگەررۇخسەتسسىز كۇچۇرسىڭىز قانۇنى جاۋاپكارلىققا تارتىلىسىز ھوقۇق - مەنپەتىمىزگە دەخلى يەتكۇزگەن
ھەرقانداق توربەت سالونلار بولسا دەرھال پاش قىلىپ بىر تەرەپ قىلىنىدۇ .
新ICP备15004026号-1   新公网安备 65010202000516号