ياخشىمۇسىز ، ئاشپەز تور بېكىتىگە بېكىتىگە خۇش كەلدىڭىز
ئاشپەز تورى

ساغلاملىق

نۆۋەتتىكى ئورنىڭىز : 首页 » ساغلاملىق  » تۇرمۇش مەسلىھەتچىسى
ئاياللارنىڭ ئىرىنىڭ ئۆيىدىكى ئورنىنى بۇ تۆت نوقتا بەلگىلەيدۇ
مەنبەسى : ئاشپەز تورىيوللىغۇچى : تەمزاتبەگ ۋاقتى : 2019-07-09كۆرۈلىشى : قېتىم
   نۇرغۇن ئاياللار توي قىلغاندىن كىيىن، ئۇلاردا  ئازدۇر-كۆپتۇر غېرىپلىق تۇيغۇسى پەيدا بولۇپ قالىدۇ؛ چۈنكى ئۇلار، ئۆزى تۇغۇلۇپ ئۆسكەن ئائىلىدىن ئايرىلىدۇ ھەم بۇندىن كىيىن ئۆمرىنىڭ ئاخىرىغىچە تۇرمۇش كەچۈرىدىغان ئىرىنىڭ ئائىلىسىگە تۇلۇق سىڭىشىپ كىرىپ بولالمايدۇ. ئەگەر ئىرى بىلەن بولغان مۇناسىۋىتى ناھايىتى بەك يېقىن بولغان دەرىجىگە يىتىپ بولالمىغان بولسا، خاتىرجەم تۇرغۇدەك بىرەر جاي تاپالمايدىغان ئەھۋال ئۇلارنىڭ كۆڭلىدە ئۆزلۈكسىز تۈردە يامراشقا باشلايدۇ. بىراق، بەزى ئاياللاردا ھەرگىز بۇنداق ئەھۋاللار كۆرۈلمەيدۇ، ئۇلار ئىرىنىڭ ئۆيىگە ياتلىق بولۇپ كىرگەندىن كىيىنمۇ، يەنىلا بىر خىل ئىناقلىققا تولغان ئىللىقلىق ھىس قىلىپ يىتەلەيدۇ. نىمە ئۈچۈن بۇنداق پەرق كۆرىلىدۇ؟ بۇنىڭدا بەلكىم، تۆۋەندىكىدەك تۆت نوقتا ئاساسلىق سەۋەپ بولۇشى مۇمكىن.
ئىرىگە تۇتقان پوزۇتسىيەسى
    ھەممە ئائىلە، ئەلۋەتتە بىر كۈيۈمچان كىلىن ئەكىرىشنى ئۈمىد قىلىدۇ؛ ئەڭ مۇھىم بولغىنى، ئىرىگە كۈيۈنىدىغان، ئۇنىڭ تۇرمۇشىدىن خەۋەر ئالالايدىغان بولۇشى كىرەك. سىز ئىرىڭىزگە چىن كۆڭلىڭىزدىن كۆڭۈل بۆلۈپ، ھەر كۈنى ئۇنىڭ تۇرمۇشىدىن خەۋەر ئېلىپ ۋە ئۇنىڭغا تەملىك تاماقلارنى ئىتىپ بىرىپ، ئۇنىڭغا بەخىت ۋە شىرىنلىك ھىس قىلدۇرالىسىڭىز، ئىرىڭىزنىڭ ئۆيىدىكىلەر بۇنى كۆرۈپ ئەلۋەتتە سىزدىن خۇشال بولىدۇ. بىراق ئىش بۇنىڭ ئەكسىچە بولۇپ قالسا، ھەمىشە ئىرىڭىزنى ئىشقا سالسىڭىز، ھەمدە ئۇنى ماڭا خۇشامەت قىلىپ تۇرمىدىڭىز دەپ ئاغرىنىپ يۈرسىڭىز، ئىرىڭىزنىڭ ئۆيىدىكىلەرنىڭ ئەلۋەتتە ئاچچىقى كىلىدۇ، سىزمۇ ئۇلارنىڭ كۆزىگە سىغمايسىز. ئىرىڭىز ئۆزى خالاپ شۇنداق قىلغان تەقدىردىمۇ، ئۇنىڭ ئۆيىدىكىلەرنىڭ نارازىلىقىدىن قۇتۇلالمايسىز.
ئۆز ئائىلىسىنىڭ ئەمىلىي كۈچىنىڭ تەسىرى
   گەرچە مۇھەببەت ئالدىدا ئەر-ئايال مۇھەببەتنىڭ ئەركىن بولۇشىنى تەرغىپ قىلسىمۇ، ئەمما توي تۇرمۇشىغا چېتىلغاندىن كىيىن، نەزەردىن ئەڭ ساقىت قىلىشقا بولمايدىغىنى، پۇل ۋە ئەمىلىي كۈچتۇر. ئەگەر ئىككى تەرەپ ئائىلە شارائىتى كۆپ پەرقلەنمەيدىغان بولسا، ئۇنداقتا تۇتقان پوزۇتسىيىسى نىسبەتەن باراۋەر بولىدۇ؛ بىراق، ئەگەر ئائىلە شارائىتىدە پەرق چوڭراق بولسا، ئۇنداقتا تۇتقان پوزۇتسىيەسى قەتئى ئوخشاش بولمايدۇ. ئەگەر ئايال كىشىنىڭ ئائىلىسىنىڭ شارائىتى ياخشى، ئەمىلىي كۈچى كۈچلۈك بولسا، ئۇنداقتا، بەزىدە نارازى بولغان تەقدىردىمۇ، يەنىلا كۆرمەسكە سېلىپ ئۆتكۈزۈۋىتىدۇ. ئەمما ئايال كىشىنىڭ ئائىلە شارائىتى ئادەتتىكىچە،  بولسا، ئۇنداقتا ياتلىق بۇلۇپ كىرگەن بۇ كىلىنگە تەلەپ قاتتىق قويۇلىدۇ؛ چۈنكى، ئۇلارنىڭ نەزىرىدە بۇ كىلىنى يۇقىرىغا ياماشقان بولىدۇ.
ئۆزىنىڭ پوزتسىيىسى ۋە تەلەپلىرى
   بارلىق يول قويۇش ۋە كەڭ قوساق بولۇشلارنىڭ ھەممىسىلا قارشى تەرەپنىڭ توغرا چۈشىنىشىگە ئىرىشەلەيدىغان ئەمەس، ھەربىر قېتىملىق يول قويۇش، قارشى تەرەپنىڭ نەزىرىدە سىزنىڭ ئاجىز قورقۇنچاقلىقىڭىز بولۇپ كۆرۈنۈشى مۇمكىن. شۇنىڭ ئۈچۈن، ئۆزىڭىزنىڭ پوزۇتسىيىسى بار بولۇش، توي تۇرمۇشى ئىچىدە ناھايىتى مۇھىم. قولىقى يۇمشاق بەك گەپ ئاڭلايدىغان كىلىن، قېينئانىسىنىڭ ھەر خىل ئورۇنسىز تەلەپلىرىگە يۈزلىنىشتىن باشقا ئاقىۋەت كۆرمەيدۇ ھەمدە ئۇنىڭ نەزىرىدە باشتىن ئاخىرى ياخشى بولالمايدۇ. ئۆزىمىزنىڭ چەك-پىرىنسىپىنى ساقلاپ قالغاندا، ئاندىن ھەرقانداق بىر بۆلەك مۇناسىۋەتنى دەل جايىدا بىتەرەپ قىلىپ كىتەلەيمىز. ئائىلىدىكىلەر ئارىسىدا ئۆز-ئارا ھۆرمەتلىشىپ، بىر-بىرىمىزگە ئىشەنچ بېغىشلىغان ۋە كۆڭۈل بۆلگەن ۋاقىتتا، ئاندىن ئىناق مۇناسىۋەتنى ساقلاپ قالغىلى بولىدۇ.
مۇستەقىل تۇرمۇش كەچۈرۈش ئىقتىدارى
   بولۇپمۇ ھازىرقى جەمئىيىتىمىزدە، مۇستەقىل تۇرمۇش كەچۈرۈش ئىقتىدارى بار بولۇش ئىنتايىن مۇھىم. رىئاللىق ۋە بېسىم ئالدىدا، كىشىلەر ئىلگىرىكىگە ئوخشاش ئايال كىشى دىگەن ئۆي تۇتىدۇ دەپ تۇرۋالمايدىغان بولۇپ قالدى؛ ياكى مۇنداقچە قىلىپ ئېيتقاندا، ھازىر ئاياللار تېخىمۇ كۈچلۈك بولغان ئىقتىدارغا ئىھتىياجلىق، يەنى، ئۆي تۇتۇش بىلەن بىرگە، بەلگىلىك ئىقتىسادى ئىقتىدارى بار بولۇشى كىرەك. ئەگەر توي قىلغاندىن كىيىن، سىز ئۆيىڭىزدىلا ئولتۇرۇپ خىزمەت قىلمىسىڭىز، ئائىلىنىڭ كىرىم يارىتىشتىن ئىبارەت ئېغىر ۋەزىپىسىنى ئىرىڭىزگىلا تاشلاپ قويسىڭىز، ئىرىڭىزنىڭ ئائىلىسىدىكىلەر بۇنىڭدىن ئىنىقلا نارازى بولىدۇ. ھەتتا سىزنى كىرەكسىز بىر ئادەم چاغلاپ، سىزگە ئۇچۇق چىراي ئاچماي، سىزنى مالاي ئورنىدا ئىشقا سالىدۇ.

ساغلاملىق ۋە تۇرمۇش

بارلىق ھوقوق شىنجاڭ تەمزات مەدىنىيەت تارقىتىش چەكلىك شىركىتى ئاشپەز تور بېكىتىگە تەۋە ئېلان ئالاقە نومۇرى:13999072821 ،新疆塔穆扎提文化传媒有限公司 厨师网站

ئۈرۈمچى شەھىرى 335-نومۇر .ئاقتاش گۇللىكى 6-قەۋەت i ئىشخانا 乌鲁木齐市天山区胜利路355号白玉华庭B座601室

Copyright (c)2009-2018 Www.Axpaz.Cn All rigths | E_Mail: 1436218124@qq.com

تور بېكىتىمىزگە يوللانغان بارلىق تائاملار توردىن يىغىلمىغان بولۇپ، ئەگەررۇخسەتسسىز كۇچۇرسىڭىز قانۇنى جاۋاپكارلىققا تارتىلىسىز ھوقۇق - مەنپەتىمىزگە دەخلى يەتكۇزگەن
ھەرقانداق توربەت سالونلار بولسا دەرھال پاش قىلىپ بىر تەرەپ قىلىنىدۇ .
新ICP备15004026号-1   新公网安备 65010202000516号