ئەسسالامۇ ئەلەيكۇم ، ئاشپەز تور بېكىتىگە بېكىتىگە خۇش كەلدىڭىز : بۈگۈن :
ئاشپەز تورى

ساغلاملىق

نۆۋەتتىكى ئورنىڭىز : 首页 » ساغلاملىق  » تۇرمۇش مەسلىھەتچىسى
بوۋىقىڭىزغا تەۋرەنمە كارۋات سېتىۋالغاندا دىققەت قىلىڭ
مەنبەسى : ئاشپەز تورىيوللىغۇچى : تەمزاتبەگ ۋاقتى : 2019-04-15كۆرۈلىشى : قېتىم
    ئامىرىكا ئىستىمال مەھسۇلاتلىرى بىخەتەرلىك كومتىتى 13- ئاپرىل كۈنى ئېلان قىلغان باياناتقا ئاساسلانغاندا، ئامىرىكا "فيشۆ" بالىلار ئويۇنچۇقى شىركىتى ئىشلەپچىقارغان بىر خىل بوۋاقلار تەۋرەنمە كارۋىتى بار بولۇپ، ئالاقىدار دوكلاتلاردا كۆرسىتىلىشىچە، ئۆتكەن ئون يىل ئىچىدە بۇ خىل تەۋرەنمە كارۋات 30دىن ئارتۇق بوۋاقنىڭ جېنىغا زامىن بولغان؛ ھازىر "فېيشۆ" شىركىتى، تەخمىنەن 4مىليۇن 700مىڭ ئەتراپىدىكى ئالاقىدار مەھسۇلاتلارنىڭ ھەممىسىنى قايتۇرۋىلىشنى قارار قىلغان.
    ئامىرىكا ئىستىمال مەھسۇلاتلىرى بىخەتەرلىك كومتىتى كەڭ ئىستىمالچىلارغا، بۇ خىلدىكى تەۋرەنمە كارۋاتنى ئىشلىتىشنى دەرھال توختىتىشنى ۋە "فېيشۆ" شىركىتى بىلەن ئالاقىلىشپ مالنى قايتۇرۇشنى تەلەپ قىلىشنى تەۋسىيە قىلغان.
   "فېيشۆ" بالىلار ئويۇنچۇقى شىركىتى 1930-يىلى قۇرۇلغان بولۇپ، يەرشارى مىقياسىدىكى داڭلىق بالىلار ئويۇنچۇقى ۋە ئالاقىدار مەھسۇلاتلارنى ئىشلەپچىقىرىدىغان كارخانا؛ بۇ شىركەت، ئالدىنقى ئەسىرنىڭ 90-يىللىرىدا، ئامىرىكا مېيتەي شىركىتىنىڭ پۈتۈن مەبلەغلىك بالا شىركىتىگە ئايلانغان.
    ئالاقىدار تەكشۈرۈشلەرگە ئاساسلانغاندا، "فېيشۆ" شىركىتى مەھسۇلاتلىرىنىڭ دۆلىتىمىز ئىچىدىمۇ نۇرغۇن سېتىش نوقتىلىرى بار ئىكەن، بۇندىن باشقا ئاز بولمىغان تور سودىگەرلىرىمۇ "فېيشۆ" شىركىتىنىڭ مەھسۇلاتلىرىنى ساتىدىكەن؛ بىراق، بۇ قېتىم تەكشۈرۈپ چىقىلغان بۇ خىلدىكى مەسىلىسى بار تەۋرەنمە كارۋاتنىڭ، دۆلىتىمىز ئىچىدە رەسمى يۇسۇندىكى سېتىش يوللىرى ئارقىلىق سېتلىغان ياكى سېتىلمىغانلىقىنى، ھازىر ۋاقتىنچە جەزىملەشتۈرگىلى بولمىغان.
   ئامىرىكا بالىلار كىسەللىكى ئىلمى جەمئىيتىنىڭ رەئىسى ياسۇدا دوكتۇر مۇنداق دىگەن: "بۇ خىل تەۋرەنمە كارۋات بوۋاقلارغا نىسبەتەن ئېلىپ ئېيتقاندا ئىنتايىن خەتەرلىك بولۇپ، ئاتا-ئانىلار بالىسى ئۈچۈن بۇ خىل مەھسۇلاتنى سېتىۋالماقچى بولغاندا، ھەممەيلەن تاللا بازىرىدا سېتىلغان نەرسىلەرنىڭ ھەممىسى بىخەتەر مەھسۇلاتلار دەپ ئويلاپ قالىدۇ؛ ئەمما ئەمىلىيەتتە بولسا، ئۇنداق بولمايدۇ. ھازىر يىتەرلىك ئىسپاتلار، بۇ خىل بوۋاقلار كارۋىتىنىڭ بوۋاقنىڭ ھاياتىغا خەۋپ يەتكۈزىدىغانلىقىنى ئىسپاتلايدۇ."
    ئامىرىكا بالىلار كىسەللىكى ئىلمى جەمئىيىتىدىكى ئالاقىدار مۇتەخەسسىسلەرنىڭ بىلدۈرۈشىچە، بوۋاقلار ئادەتتە ئۇخلىغان ۋاقىتتا، تولا ئۆرۈلۈپ ياتىدىكەن؛ ئەمما ئۇلار بەزىبىر ئۇخلاش ھالەتلىرىدە دەرھال ئۆرۈلەلمەي، تۇنجىقىپ قېلىش خەتىرى يۈز بىرىدىكەن. شۇڭلاشقا، بوۋاقلارنى بۇ خىلدىكى "فېيشۆ" تەۋرەنمە كارۋىتىنى ئۆز ئىچىگە ئالغان ھەرقانداق بىر يانتۇلۇقى بار ئۇخلاش كارۋىتىدا ياتقۇزماسلىق تەۋسىيە قىلىنىدىكەن.

ساغلاملىق ۋە تۇرمۇش

بارلىق ھوقوق شىنجاڭ تەمزات مەدىنىيەت تارقىتىش چەكلىك شىركىتى ئاشپەز تور بېكىتىگە تەۋە ئېلان ئالاقە نومۇرى:13999072821 ،新疆塔穆扎提文化传媒有限公司 厨师网站

ئۈرۈمچى شەھىرى 335-نومۇر .ئاقتاش گۇللىكى 6-قەۋەت i ئىشخانا 乌鲁木齐市天山区胜利路355号白玉华庭B座601室

Copyright (c)2009-2018 Www.Axpaz.Cn All rigths | E_Mail: 1436218124@qq.com

تور بېكىتىمىزگە يوللانغان بارلىق تائاملار توردىن يىغىلمىغان بولۇپ، ئەگەررۇخسەتسسىز كۇچۇرسىڭىز قانۇنى جاۋاپكارلىققا تارتىلىسىز ھوقۇق - مەنپەتىمىزگە دەخلى يەتكۇزگەن
ھەرقانداق توربەت سالونلار بولسا دەرھال پاش قىلىپ بىر تەرەپ قىلىنىدۇ .
新ICP备15004026号-1   新公网安备 65010202000516号