ياخشىمۇسىز ، ئاشپەز تور بېكىتىگە بېكىتىگە خۇش كەلدىڭىز
ئاشپەز تورى

ساغلاملىق

نۆۋەتتىكى ئورنىڭىز : 首页 » ساغلاملىق  » تۇرمۇش مەسلىھەتچىسى
جىياڭيۇ ئىستىمال قىلسا ئادەمنىڭ يۈزىگە داغ چۈشەمدۇ
مەنبەسى : ئاشپەز تورىيوللىغۇچى : تەمزاتبەگ ۋاقتى : 2019-03-24كۆرۈلىشى : قېتىم
    يۈزىگە داغ چۈشۈش، ھېچقانداق ئادەم خالىمايدىغان بىر ئىش. چۈنكى، بۇ ئادەمنىڭ ھۆسنىگە تەسىر يەتكۈزۈپلا قالماستىن، يەنە تېخى ئادەمنى روھى چۈشكۈن، قېرى كۆرسىتىپ قويىدۇ. بىراق، ئاز بولمىغان ئاياللارنىڭ يۈزىگە داغ چىقىۋىلىشقا ئامراق بولۇپ، بەزىدە داغ يوقىتىش مەھسۇلاتلىرىنى ئىشلتىش ياكى باشقا خىلدىكى داۋالاش ئۇسۇللىرىنى قوللىنىش جەريانىدا، جىياڭيۇ ئىستىمال قىلماسلىق ھەققىدىكى جىكىلەشلەرنى ئاڭلاپ قالىدۇ. ئۇنىڭ ئۈستىگە تۇرمۇشىمىزدىمۇ، نۇرغۇن كىشىلەر جىياڭيۇ ئادەمنىڭ يۈزىگە داغ چۈشۈرۈپ، تىرىنىڭ رەڭگىنى قارايتىۋىتىدۇ دىيىشىدۇ. ئۇنداقتا، بۇ قاراشلار راستمۇ؟
جىياڭيۇ راستىنلا ئادەمنىڭ يۈزىدە داغ پەيدا قىلامدۇ؟
    جىياڭيۇنىڭ رەڭگى قارامتۇل كەلگەچكە تۇرمۇشىمىزدا بىر قىسىم كىشىلەر ئۇنى تىرىنىڭ قارىداپ كىتىشى ۋە داغ چۈشۈش بىلەن باغلىۋىلىشى مۇمكىن. دوختۇرلارنىڭ بىلدۈرۈشىچە، جىياڭيۇ ئەمىلىيەتتە، پۇرچاق تۈرى، بوغداي قاتارلىق يىمەكلىكلەرنى ئېچىتىش ئارقىلىق ياسىلىدىغان بولۇپ، ئادەم بەدىنىگە قوبۇل قىلىنغاندىن كىيىن ھەزىم قىلىنىپ، كاربونلۇق سۇ، ئانورگانىك تۇز قاتارلىق ماددىلارغا ئايلىنىدىكەن ھەمدە ئادەم بەدىنى تەرپىدىن سۈمۈرلىدىكەن؛ ئەمما بۇ ماددىلارنىڭ ھەممىسىنىڭ نۇر سىزىشچانلىقى يوق بولۇپ، ھورمۇن مىقدارى دەرىجىسىگىمۇ تەسىر قىلمايدىكەن؛ جىياڭيۇ تەركىبىدىكى قارا رەڭ ماددىسىمۇ تىرىگە يۆتكەلمەيدىغان بولۇپ، قاراڭ رەڭ ماددىسى ھۈجەيرىلىنىڭ پەيدا بولۇشى ۋە يېغىلىشىغا ھېچقانداق تەسىر كۆرسەتمەيدىكەن.
ئادەمنىڭ تىرىسىنى ھەقىقى قارىدىتىدىغان يىمەكلىكەر—نۇر سىزىشچان يىمەكلىكلەر
    ماڭگو، لىمون، كەرەپشە قاتارلىقلارنىڭ ھەممىسى ئادەتتە كۆپ ئۇچرايدىغان نۇر سىزىشچان يىمەكلىكلەردىن بولۇپ، نۇرغۇن ئاياللار يىيىشنى ياخشى كۆرىدۇ. بىراق ئۇلارنىڭ ئىچىدە زور مىقداردا مىتال تەركىبى بولۇپ، قانچىكى كۆپ ئىستىمال قىلغانسىرى، نۇر سىزىش دەرىجىسى شۇنچە يۇقىرى بولىدىكەن، ئادەمنىڭ يۈزىگە داغ چۈشۈش ئىھتىماللىقىمۇ شۇنچە يۇقىرى بولىدىكەن. ئەگەر كۈندۈزلۈكتە بۇ يىمەكلىكلەرنى كۆپرەك ئىستىمال قىلغاندا، ئۇزن ۋاقىتلىق قۇيۇش نۇرىغا قاقلىنىشتىن كىيىن، يۈزىمىزدە ئاسانلا پارچە-پارچە داغلار پەيدا بولىدىكەن، تىرىمىزمۇ ئاسانلا ئۆڭۈپ سارغىيىپ قالىدىكەن.
يۈزىگە داغ چۈشۈشنىڭ يەنە قانداق سەۋەبلىرى بار؟
بەدەندىكى ھورمۇن سەۋيىسىدە ئۆزگىرىش كۆرۈلۈش
    بۇ ئامىل، ئاياللارنىڭ يۈزىگە تېخىمۇ ئاسان داغ چۈشۈشنىڭ سەۋەپلىرىنىڭى بىرى بولۇپ، ھەيىز مەزگىلى ياكى ھامىلدارلىق مەزگىلىدە ئىچكى ئاجرىلىش تەڭپۇڭلىقىنى يوقىتىدىغان ياكى ئاياللىق ھورمۇنى ۋە پروگېستىروندا ئۆزگىرىش كۆرىلىدىغان بولغاچقا، بەدەننىڭ مىتابولىزىم ئىقتىدارىنىڭ چەكلىمىگە ئۇچرىشىنى كەلتۈرۈپ چىقىرىپ، بۇ سەۋەپلىك قارا رەڭ ماددىسىنىڭ چۆكۈپ يېغىلىپ، يۈز قىسىمغا داغ چۈشۈشنى پەيدا قىلىدۇ.
ئۇلتىرا بىنەپشە نۇرغا بىۋاستە ئۇچرىشىش
    ئولتىرا بىنەپشە نۇر بولسا، داغ چۈشۈش ۋە تىرىنىڭ قېرىپ كىتىشىنى تىزلىتىۋىتىشتىكى ئەڭ چوڭ سەۋەپچى ئامىل؛ شۇڭلاشقا، قېرىشقا قارشى تۇرماقچى بولغان ئاياللار ئەڭ قىلىشقا تىگىشلىك بولغان ئىش، ئولتىرا بىنەپشە نۇردىن مۇداپىئەلىنىشتۇر. چۈنكى، تىرىمىز زىيادە كۆپ ئۇلتىرا بىنەپشە نۇر بىلەن بىۋاستە ئۇچراشقاندا، تىرە يۈز قىسىمىدا زور مىقداردا قارا رەڭ زەررىچىلىرى شەكىللەندۈرۈش ئارقىلىق، ئۇلتىرا بىنەپشە نۇر تەسىرىدىن كۈيۈپ زەخمىلىنىشنىڭ ئالدىنى ئالماقچى بولىدۇ؛ شۇنىڭ ئۈچۈن، بۇنداق فوتوسىنتىز رولى ئاستىدا، بەدەندىكى قارا رەڭ ماددىلىرى تىز سۈرئەتتە چۆكۈپ يېغىلىپ، داغ چۈشۈشنى پەيدا قىلىدۇ.
ناچار تۇرمۇش ئادىتى
    روھى بېسىم زىيادە ئېغىر بولۇش، تۇرمۇش ئادىتى تەرتىپسىز بولۇش، يىمەك-ئىچمەك ئادىتى ناچار قاتارلىق سەۋەپلەر، ئۇزۇقلۇق ماددىلارنىڭ يەتكۈزۈلىشىگە تەسىر يەتكۈزپ، مىتابولىزىم ئىقتىدارىنىڭ تۆۋەنلەپ كىتىشىنى كەلتۈرۈپ چىقىرىدۇ ھەمدە بۇ سەۋەپلىك داغ چۈشۈشنى پەيدا قىلىدۇ ياكى ئېغىرلىتىۋىتىدۇ.

ساغلاملىق ۋە تۇرمۇش

بارلىق ھوقوق شىنجاڭ تەمزات مەدىنىيەت تارقىتىش چەكلىك شىركىتى ئاشپەز تور بېكىتىگە تەۋە ئېلان ئالاقە نومۇرى:13999072821 ،新疆塔穆扎提文化传媒有限公司 厨师网站

ئۈرۈمچى شەھىرى 335-نومۇر .ئاقتاش گۇللىكى 6-قەۋەت i ئىشخانا 乌鲁木齐市天山区胜利路355号白玉华庭B座601室

Copyright (c)2009-2018 Www.Axpaz.Cn All rigths | E_Mail: 1436218124@qq.com

تور بېكىتىمىزگە يوللانغان بارلىق تائاملار توردىن يىغىلمىغان بولۇپ، ئەگەررۇخسەتسسىز كۇچۇرسىڭىز قانۇنى جاۋاپكارلىققا تارتىلىسىز ھوقۇق - مەنپەتىمىزگە دەخلى يەتكۇزگەن
ھەرقانداق توربەت سالونلار بولسا دەرھال پاش قىلىپ بىر تەرەپ قىلىنىدۇ .
新ICP备15004026号-1   新公网安备 65010202000516号