ئەسسالامۇ ئەلەيكۇم ، ئاشپەز تور بېكىتىگە بېكىتىگە خۇش كەلدىڭىز : بۈگۈن :
ئاشپەز تورى

ساغلاملىق

نۆۋەتتىكى ئورنىڭىز : 首页 » ساغلاملىق  » تۇرمۇش مەسلىھەتچىسى
يىڭى رىكوت | ئۈچ مىنۇت داۋاملاشقان ئەر-خوتۇنلۇق مۇناسىۋىتى
مەنبەسى : ئاشپەز تورىيوللىغۇچى : تەمزاتبەگ ۋاقتى : 2019-02-09كۆرۈلىشى : قېتىم
   چاقماق تىزلىكىدە توي قىلىپ، چاقماق تىزلىكىدە ئاجرىشىش، ھازىر ئۇنچە بەك ھەيران قالارلىق ئىش ئەمەس؛ بىراق يېقىندا، كۇۋەيتتىكى بىر قېتىملىق "چاقماق تىزلىكىدە ئاجرىشىش" ۋەقەسى، سۈرئىتىنىڭ تىزلىكىدىن نۇرغۇن ئادەملەرنى ھاڭ-تاڭ قالدۇرۇپ، نۇرغۇن كىشىلەرنىڭ ئۈچ خىل قارىشىنى يەنە بىر قېتىم يىڭىلىۋەتتى...
   بۇ قېتىملىق تويلىشىشتا، توي قىلىش رەسمىيىتى بىجىرىلىپ بولغاندىن باشلاپ، ئاجرىشىش رەسمىيىتى بىجىرگىچە بولغان ئارىلىقتا ئاران ئۈچ مىنۇتلا ۋاقىت ئۆتكەن بولۇپ، كۇۋەيت تارىخىدىكى ئەڭ قىسىقا مۇددەت داۋاملاشقان ئەر-خوتۇنلۇق مۇناسىۋىتى رىكوتى ياراتقان.
    ئىشنىڭ تەپسىلاتى مۇنداق:
    يېقىندا، كۇۋەيتلىك بىر جۈپ ياش، شۇ جايدىكى سوت مەھكىمىسىگە كىلىپ تويلىشىشنى تىزىمغا ئالدۇرغان؛ بارلىق رەسمىيەتلەر بىجىرىلىپ بولغاندىن كىيىن، ئۇ ئىككەيلەن توي گۇۋاھنامىلىرىنى ئېلىپ قايتماقچى بولۇپ تۇرغاندا، كىلىنچەك ئىھتىياتسىزلىقتىن پۇتلىشىپ، ئىرىنىڭ ئالدىغىلا يېقىلىپ چۈشكەن؛ ئەمما ئىرى بىرىنچى ۋاقىتتا ئۇنى يۆلەپ تۇرغۇزۇش ئۇياقتا تۇرسۇن، تېخى قاقاقلاپ كۈلۈپ كىلىنچەكنى زاڭلىق قىلغان ھەمدە بىر ئېغىز "پالاكەت" دەپ مەسخىرە قىلغان.
    ياش ئەر-خوتۇنلاردە بۇ! بەلكىم ئىرى چاقچاق قىلدىم دەپ شۇنداق قىلغان بولغىيتتى، ئەمما قىز ئىرىنىڭ بۇ قىلمىشىنى كۆرۈپ شۇھامانلا غەزىپى ئۆرلەپ تاشقان؛ "مىنى يۆلەش ئۇياقتا تۇرسۇن، تېخى كۈلۈپ زاڭلىق قىلىۋاتىدىغۇ!"، كىلىنچەكنىڭ ئاچچىقى دەرھال ئەڭ يۇقىرى چەككە يىتىپ، ئەقلىنى يوقىتىپلا قويغان ھەمدە پۈتكۈل سوت مەھكىمىسىدىكىلەرنى ھاڭ-تاڭ قويغان بىر ئېغىز گەپنى قىلغان:
    "ئاجرىشىمەن!!!"
    بەلكىم ئەرمۇ گاڭگىراپ قالغان بولسا كىرەك، ئۇ تېخى نىمە ئىش بولغىنىنى ئاڭقىراپ بولغۇچە، كىلىنچەك سوت مەھكىمىسى خادىملىرىنىڭ قېشىغا بېرىپ، ئاجرىشىش رەسمىيىتى بىجىرىپ بىرىشنى تەلەپ قىلغان. شۇنداق قىلىپ، بۇ بىر جۈپ ياش تويلىشىش گۇاھنامىسى ئېلىپ تېخى سوت مەھكىمىسىدىن يېنىپ چىقماي تۇرۇپلا، ئەر-خوتۇنلاردىن ناتۇنۇش كىشىلەرگە ئايلانغان. بۇ جەرياندا، جەمئى 3مىنۇت ۋاقىت ئۆتكەن بولۇپ، ئۇلار كۇۋەيت تارىخىدىكى ئەڭ قىسقا داۋاملاشقان ئەر-خوتۇنلۇق مۇناسىۋىتى رىكوتىنى بۇزۇپ تاشلىغان.
     بۇ خەۋەر تارقالغاندىن كىيىن، تورداشلار "ئەسلىدە توي دىگەننى بۇنداق قىلسىمۇ بولىدىكەن" دىيىشىپ ھەيران قېلىشقان.
    بەزىلەر، بۇ بىر جۈپ ياشنى كىچىكلىك قىلىپتۇ، تويلىشىش مۇناسىۋىتىنى ھۆرمەت قىلماپتۇ دەپ قارىغان.
    يەنە بەزىلەر بۇ بىر جۈپ ياش، سوت مەھكىمىسىنىڭ ۋاقتىنى ۋە بايلىقىنى زىيانغا ئۇچراتقانلىق دەپ جار سېلىشقان.
   ئەمما تېخىمۇ كۆپ تورداشلار بىر تام بولۇپ كىلىنچەك تەرەپتە تۇرغان؛ ئۇلارنىڭ قارىشىچە، كىلىنچەكنىڭ قىلغىنى توغرا ئىكەن. ئۇلارنىڭ قارىشىچە، ئارىدا ھۆرمەت بولمىغان ئەر-خوتۇنلۇق مۇناسىۋىتى، ئەسلىدىلا خاتا ئورنىتىلىپ قالغان مۇناسىۋەت بولۇپ، ئەگەر كىلىنچەك ئىھتىياتسىزلىقتىن يېقىلىپ چۈشمىگەن بولسا، ئۇ بەلكىم ئىرىنىڭ ھەقىقى ئەپتى بەشرىسىنى بىلەلمەي قېلىشى مۇمكىن ئىكەن.

ساغلاملىق ۋە تۇرمۇش

بارلىق ھوقوق شىنجاڭ تەمزات مەدىنىيەت تارقىتىش چەكلىك شىركىتى ئاشپەز تور بېكىتىگە تەۋە ئېلان ئالاقە نومۇرى:13999072821 ،新疆塔穆扎提文化传媒有限公司 厨师网站

ئۈرۈمچى شەھىرى 335-نومۇر .ئاقتاش گۇللىكى 6-قەۋەت i ئىشخانا 乌鲁木齐市天山区胜利路355号白玉华庭B座601室

Copyright (c)2009-2018 Www.Axpaz.Cn All rigths | E_Mail: 1436218124@qq.com

تور بېكىتىمىزگە يوللانغان بارلىق تائاملار توردىن يىغىلمىغان بولۇپ، ئەگەررۇخسەتسسىز كۇچۇرسىڭىز قانۇنى جاۋاپكارلىققا تارتىلىسىز ھوقۇق - مەنپەتىمىزگە دەخلى يەتكۇزگەن
ھەرقانداق توربەت سالونلار بولسا دەرھال پاش قىلىپ بىر تەرەپ قىلىنىدۇ .
新ICP备15004026号-1   新公网安备 65010202000516号