ئەسسالامۇ ئەلەيكۇم ، ئاشپەز تور بېكىتىگە بېكىتىگە خۇش كەلدىڭىز : بۈگۈن :
ئاشپەز تورى

ساغلاملىق

نۆۋەتتىكى ئورنىڭىز : 首页 » ساغلاملىق  » خانىم-قىزلار
ئىرىڭىز سىزنى ياخشى كۆرەمدۇ يوق ، جىدەللىشىپ قالغاندىكى پوزۇتسىيىسىدىن بىلەلەيسىز !
مەنبەسى : ئاشپەز تورىيوللىغۇچى : تەمزات بەگ ۋاقتى : 2018-07-11كۆرۈلىشى : قېتىم

      ژورنالدىن مۇنداق بىر ھىكايە كۈرۈپ ، كۆڭلۈم شۇنداق ئىللىپ كەتتى :

      بىر ئەر بىلەن بىر ئايال ئۈندىدارنىڭ " چايقاپ بېقىڭ " ئىقتىدارى ئارقىلىق تۇنۇشقان بۇلۇپ ، ئىككەيلەن بىر يىلدەك توردا مۇھەببەتلەشكەندىن كىيىن ، ھەممە ئادەمنىڭ توسقۇنلۇقىغا ئۇچراشقا قارىماي ، بۇ ئايال كىشى ئەركىشى بار شەھەرگە كىلىپ ئۇنىڭ بىلەن بىرگە تۇرغان .

1.jpg

      ئايالنىڭ مىجەزى مۇلايىم كەلگەن ، ئەر بولسا ئۇچۇق كۆڭۈل بۇلۇپ ، بىر يىلدىن ئارتۇق بىرگە تۇرمۇش كەچۈرۈش جەريانىدا ئىككەيلەن بىرە قېتىممۇ قىزىرىشىپ قالمىدى . بۇ ۋاقىتتا ئەر توي قىلىشنى كۈنتەرتىپكە تارتىپ ئېچىقتى ، ئايالمۇ ئەرنىڭ ئۆزىگە توي تەكلىپى قويۇشىنى ئۈمىد قىلىپ تۇراتتى ؛ ئەمما دەل مۇشۇنداق خوشاللىققا چۆمگەن پەيتلەردە ، ئىككەيلەن بىر قېتىملىق ئۇقۇشماسلىق سەۋەبىدىن جىدەللىشىپ قالدى .

     بۇ ئىككەيلەننىڭ تۇنۇشقاندىن بىرى تۇنجى قېتىم جىدەللىشىشى بۇلۇپ ، ئەر ناھايىتى ئاچچىقلىنىپ كەتكەن ئىدى ؛ ئايال ئۇۋالچىلىق ھىس قىلىپ سومكىسىنى كۆتۈرۈپلا كەتمەكچى بولغىنىدا ، ئەر ئايالنىڭ سومكىسىنى تارتىۋىلىپ  ، يۇقىرى ئاۋازدا " سەن ئۆيدە يۇۋاشلىق بىلەن ئولتۇر ، كىتىدىغان ئىش بولسا مەن كىتەي " دىگىنىچە ، كەينىگە قاراپمۇ قويماي چىقىپ كىتىپ ، ئاچچىقىدىن يېرىلىپ كىتەي دەپ قالغان ئايالنى يالغۇز تاشلاپ قويدى .

     ئايال بىر كىچە كىرپىك قاقماي ، ئۆز مۇھەببىتىنى خاتا ئادەمگە تاپشۇرغانلىقىنى ھىس قىلىپ ، تاڭ يۇرۇسىلا ئۆز شەھىرىگە قايتىپ ، ئۇنىڭ بىلەن مەڭگۈ ئالاقە قىلماسلىق قارارىغا كەلدى .

     تاڭ غۇۋا يۇرۇشقا باشلىغاندا ، ئايال قوپۇپ نەرسە-كىرەكلىرىنى يېغىشتۇرۇشقا باشلىدى ؛ ئەمما ئۇ ئەمدى ئىشىكىنى ئېچىپ تۇرۇشىغا ، ئەر ھاسىرغىنىچە ئىشىك ئالدىغا پەيدا بولدى ، ئۇ ھىجايغىنىچە قولىدا ئايال ئەڭ ياخشى كۈرىدىغان كىچىك قاسقانلىق مانتا كۆتۈرۈپ تۇراتتى .

   ئەر ئايالنى تارتىپ ئۆيگە ئەكىرىپ ، توختىماستىن خاتالىغىنى تۇنۇپ ئەپۇ سوراشقا باشلىدى ؛ ئۇنىڭ چاقچاققا ئايلاندۇرۇپ ، كوتۇلداپ بەزلەشلىرى ئاستىدا ئايال ئاخىرى ئاچ قورسىقى بىلەن داۋاملىق ئۆچەكىشىشنى خالىمىدى .

     ئايال بىرتەرەپتىن توختىماي نەرسە يىگەچ،يەنە بىر تەرەپتىن ئۇۋالچىلىق ياشلىرىنى تۆكتى : " مىنىڭ ئاچچىقلانغىنىم جىدەللىشىپ قالغىنىمىز ئۈچۈن ئەمەس ، بەلكى سىزنىڭ جىدەللىشىپ قالغاندىن كىيىنىكى پوزۇتسىيىڭىز ؛ سىز چوپچوڭ بىر ئەر كىشى تۇرۇپ ، جىدەللىشىپ قالغانلىقىمىز ئۈچۈن ئۆيدىن چىقىپ كەتسىڭىز ، مەن بۇنى كەچۈرەلمەيمەن " دىدى .

      ئەر ئورنىدىن تۇرۇپ ئايالنىڭ ئالدىغا كىلىپ ، ئۇنىڭ ئىككى قولىنى تارتىپ تۇرۇپ ، ناھايىتى جىددى قارىغان ئاساستا : " چۈنكى مەن سىزنىڭ يالغۇز چىقىپ كىتىشىڭىزنى خالىمايمەن . سىزنىڭ بۇشەھەردە يا تۇققىنىڭىز يا بىرەر دوستىڭىز يوق ، سىز چىقىپ كەتسىڭىز نەگە بارىسىز ؟ شۇڭا سىزنى ئاچچىقى يانسۇن دەپ مەن چىقىپ كىتىپ تۇردۇم ؛ بىز ھەرقانچە قاتتىق جىدەللىشىپ قالساقمۇ ، مىنىڭ سىزنى سۆيىدىغانلىغىمنى ھەرگىز ئىسىڭىزدىن چىقارماڭ ! قەدىرلىكىم ، ھاياتلىق ئۇزۇن بىر مۇساپە ؛ بۇندىن كىيىنكى كۈنلىرىمىزدە مەن ھەر مىنۇت ھەر سىكونت سىزنى خوشال قىلىمەن دەپ ئېيتالمايمەن ، سىز بىلەن ھەرگىز جىدەللەشمەيمەن دەپ ۋەدىمۇ بىرەلمەيمەن ؛ ئەمما مەن ھەرقانچە قاتتىق جىدەللىشىپ قالساقمۇ ، سىزنىڭ قولىڭىزنى قويۇۋەتمەسلىككە كاپالەتلىك قىلىمەن ، سىزنىڭ ئۆزىڭىز يالغۇز چىقىپ كىتىپ  سەرسان بۇلۇپ يۈرىشىڭىزگە تېخىمۇ يول قويمايمەن  " دىدى .

      بۇ ۋاقىتتا ، ئايالنىڭ كۆز ياشلىرى دەريا بۇلۇپ ئاقتى .

2.jpg

     بۇ ھىكايىنى كۈرۈپ بولغاندىن كىيىن ، ھازىرقىدەك قار-مۇز  قاپلىغان قىش پەسلىدىمۇ ، مىنىڭ  كۆڭلۈم بىر خىل ئىللىق ئېقىملارغا تولدى . ئەسلىدە بۇنداق بىر خىل جىدەللىشىپ قالغاندىن كىيىنىكى پوزىتسىيە بۇلىدىكەن ، ئۇ بولسىمۇ " مەن سىزنى سۆيىمەن " .

     تۇرمۇشتا ھەر كۈنى نۇرغۇنلىغان پارچە پۇرات ئىشلار ۋە مەسىلىلەر كۆپ بۇلىدۇ ، شۇڭلاشقا بىرگە تۇرمۇش كەچۈرگەن ئىككى ئادەمنىڭ جىدەل قىلماي ئۆتۈشىمۇ تەسكە توختايدۇ .  ئەمما جىدەللىشىپ قېلىشنىڭ ئۆزى قورقۇنچلۇق ئەمەس بۇلۇپ ، قورقۇنۇچلۇق بولغىنى ، جىدەللىشىپ قالغاندىن كىيىنكى پوزىتسىيەدۇر .

    ئەر خوتۇنلار جىدەللىشىپ قېلىش ئەسلىدىنلا ئادەتتىكى كىچىك بىر ئىش ؛ بەلكىم جىدەللىشىپ قالغاندا ئەر كىشى ئاچچىقىدىن گەپلەرنى ئويلىماي قىلىپ سېلىشى مۇمكىن ، ئەمما ئىش ئۆتۈپ كەتكەندىن كىيىن كۆپ قىسىم ئەرلەر ئامال قىلىپ ئورنىنى تولدۇرۇشقا ئۇرۇنىدۇ ياكى گۇناھىنى تۇنۇپ ئەپۇ سورايدۇ ؛ بەلكىم ئىپادىلەش ئۇسۇلى ئوخشاش بولمىسىمۇ ، ئەمما ھەممىسىنىڭ قەلبىدە مۇھەببەت بار بۇلىدۇ ، ئاياللارنى چاتقال تىكەنلەرگە تولغان نىكاھ يولىدا داۋاملىق بىرگە ئالغا ئىلگىرلەشنى خالايدىغان قىلىدۇ .

    تۇغۇلۇشتىنلا جىپسىلاشقاندەك ماس كىلىدىغان ئەر خوتۇنلار بولمايدۇ ؛  سۈركىلىش ئارقىلىق كىلىشىش ، ئۆمرىنىڭ ئاخرىغىچە بىرگە بۇلۇشتىكى چوقۇم ئۆتەر يول . ئۆز-ئارا كىلىشىپ ماسلىشىش جەريانىدا ئىختىلاپ كۈرۈلگەندە ، ئۆزىنى قاچۇرۇش ياكى ئايرىلىپ كىتىشكە قارىغاندا ، ئۆزىنىڭ نەپەس ۋە قەدىمىنى تەڭشەپ  كەيپىياتىنى نورماللاشتۇرۇش  ئاقىلانىلىق بۇلۇپ ھىسابلىنىدۇ .

 

ئەسكەرتىش : تور بىكىتىمىزدىكى ئەسەرلەرنىڭ ئاپتور ھوقۇقى شىنجاڭ تەمزات مەدەنىيەت تارقىتىش چەكلىك شىركىتىگە تەۋە بۇلۇپ، رۇخسەتسىز كۆچۈرۈپ ئىشلەتكەنلەرنىڭ قانۇنى مەسئۇلىيىتى سۈرۈشتە قىلىنىدۇ!

友情提示:作品版权归新疆塔穆扎提文化传播有限公司所有,抄袭转载者必究法律责任!

ساغلاملىق ۋە تۇرمۇش

بارلىق ھوقوق شىنجاڭ تەمزات مەدىنىيەت تارقىتىش چەكلىك شىركىتى ئاشپەز تور بېكىتىگە تەۋە ئېلان ئالاقە نومۇرى:13999072821 ،新疆塔穆扎提文化传媒有限公司 厨师网站

ئۈرۈمچى شەھىرى 335-نومۇر .ئاقتاش گۇللىكى 6-قەۋەت i ئىشخانا 乌鲁木齐市天山区胜利路355号白玉华庭B座601室

Copyright (c)2009-2018 Www.Axpaz.Cn All rigths | E_Mail: 1436218124@qq.com

تور بېكىتىمىزگە يوللانغان بارلىق تائاملار توردىن يىغىلمىغان بولۇپ، ئەگەررۇخسەتسسىز كۇچۇرسىڭىز قانۇنى جاۋاپكارلىققا تارتىلىسىز ھوقۇق - مەنپەتىمىزگە دەخلى يەتكۇزگەن
ھەرقانداق توربەت سالونلار بولسا دەرھال پاش قىلىپ بىر تەرەپ قىلىنىدۇ .
新ICP备15004026号-1   新公网安备 65010202000516号