ياخشىمۇسىز ، ئاشپەز تور بېكىتىگە بېكىتىگە خۇش كەلدىڭىز
ئاشپەز تورى

ساغلاملىق

نۆۋەتتىكى ئورنىڭىز : باشبەت » ساغلاملىق  » خانىم-قىزلار
ئوتتۇرا ياشلىق ئاياللارنىڭ كالتە چاچنى ياخشى كۆرۈشىنىڭ سەۋەبى
مەنبەسى : ئاشپەز تورىيوللىغۇچى : تەمزاتبەگ ۋاقتى : 2020-04-03كۆرۈلىشى : قېتىم
   ھەممە ئايال كىشى گۈزەللىكنى سۆيىدۇ ھەمدە بىر ئۆمۈر گۈزەللىكنى قوغلىشىپ ئۆتىدۇ؛ بىراق، گۈزەللىكنى قوغلىشىش ياش ئايرىمايدىغان بولۇپ، مەيلى ئون نەچچە ياش بولسۇن ياكى 50-40ياشقا كىرگەن بولسۇن، ئۇلارنىڭ گۈزەللىككە ئىنتىلىشى ئۆزگەرمەيدۇ. بولۇپمۇ چاچ پاسونى جەھەتتە، مودا ئېقىمىغا تېخىمۇ بەكرەك ئەگىشىدۇ. شۇڭا بىز ئادەتتە، ئەتراپىمىزدىكى ئوتتۇرا ياشلىقق ئاياللارنىڭ كۆپىنچىسىنىڭ، ئادەمنى جەزبىدار كۆرسىتىدىغان كالتە چاچ قويۇۋالغانلىقىنى بايقىيالايمىز. ئۇنداقتا، نېمە ئۈچۈن بۇنداق بولىدۇ؟ بۇنىڭ ئاساسلىقى تۆۋەندىكىدەك ئۈچ خىل سەۋەبى بار.
كالتە چاچنى كۈندىلىك بىتەرەپ قىلىش تېخىمۇ ئاسان
   ياشقا چوڭۇپ قالغان بەزى ئاياللارغا نىسبەتەن، ئۇلار بۇ ياش مەزگىلىدە نۇرغۇن ئىشلارنىڭ ھەلەكچىلىكىگە چۈشۈپ قالىدىغان بولۇپ، ئائىلە ۋە خىزمەت بېسىمى ئىنتايىن چوڭ بولىدۇ؛ شۇڭا، ئۇلار كىچىك قىزلارغا ئوخشاش گىرىم ۋە چاچ پاسونى ئۈستىدە ئۇنچە بەك كۆپ زېھىنى ۋە ۋاقتىنى سەرپ قىلىپ بولالمايدۇ. بۇنداق ئەھۋالدا، كالتە چاچنىڭ بىتەرەپ قىلىش ئاسان بولۇشتەك ئەۋزەللىكى گەۋدىلىنىپ چىقىدۇ؛ بولۇپمۇ ئادەتتە ئالدىراش ئۆتىدىغان ئاياللارغا نىسبەتەن، ئۇلار كۆپىنچىسى كالتە چاچ قويۇشنى ياخشى كۆرىدۇ. ئۇنىڭ ئۈستىگە، كالتە چاچ پاسونى ھەر ۋاقىت مودىدىن قالمايدۇ؛ شۇڭا كالتە چاچ پاسونى، ئوتتۇرا ياشقا يەتكەن ئاياللارغا نىسبەتەن يامان ئەمەس تاللاش ھېسابلىنىدۇ.
كالتە چاچتا چاچ چۈشۈشنى ئازايتقىلى بولىدۇ
   ئوتتۇرا ياشقا يەتكەن كۆپ قىسىم ئاياللارغا نىسبەتەن، ئۇلارنىڭ بەدەن ئورگانىزىمىزنىڭ ھەر قايسى ئىقتىدارلىرى چېكىنىشكە باشلايدىغان بولۇپ، يۈز قىسىم تېرىسىدە مەسىلە كۆرۈلۈپلا قالماي، چاچ چۈشۈشمۇ بارغانسېرى ئېغىرلايدۇ ھەمدە چاچلىرى ئازلاپ، پاقىراقلىقى ۋە چاچ سۈپىتى ئىلگىرىكىگە يەتمەيدىغان بولۇپ قالىدۇ. بۇنداق ئەھۋالدا، ئەگەر يەنە ئۇزۇن چاچ قويۇۋالسا، چاچ قۇرغاقلىشىدىغان، ياكى چاك ئېچىلىپ قالىدىغان قاتارلىق سۈپەت مەسىلىلىرى كۆرۈلىدۇ.
   شۇڭا ئۇزۇن ۋە كالتە چاچنى سېلىشتۇرۇپ ئېيتقاندا، ئوتتۇرا ياشلىق پىشىپ يېتىلگەن ئاياللارغا قارىتا، كالتە چاچ تېخىمۇ بەكرەك ماس كېلىدۇ؛ ئۇنىڭ ئۈستىگە كالتە چاچ قويغاندا، چاچ قوبۇل قىلىدىغان ئۇزۇقلۇقلار نىسبەتەن يىتەرلىك بولۇپ، چاچ چۈشۈشنى ياخشىلايدۇ ھەمدە ئۇلارنى تېخىمۇ جەزبىدار كۆرسىتىش بىلەن بىرگە، چاچنىڭ سۈپىتىنى تېخىمۇ ياخشى، چېچىنى تېخىمۇ كۆپ كۆرسىتىدۇ.
كالتە چاچ ئادەمنى تېخىمۇ ياش كۆرسىتىدۇ
   ئوتتۇرا ياشلىق ئاياللارغا نىسبەتەن، ئۇلار كۆپىنچە ئاددىي ھەم پاكىزە كۆرۈنىدىغان چاچ پاسونىنى بەكرەك ياخشى كۆرىدىغان بولۇپ، كالتە چاچ ئۇلارنىڭ ئەڭ ياخشى تاللىشى بولۇپ ھېسابلىنىدۇ. چۈنكى، كالتە چاچ ئادەمنى ناھايىتى جەزبىدار كۆرسىتىپلا قالماي، يەنە يېشىنىمۇ كىچىك كۆرسىتىدۇ. ئەگەر ئۇزۇن چاچ قويسا، كىشىلەرگە بىر خىل روھى سۇلغۇن تۇيغۇ بىرىپ قويىدۇ؛ بۇنداق ئەھۋالدا، ئەگەر چېچىنى بوغۇۋالمىسا ئوبرازىغا تەسىر يىتىدۇ. شۇنىڭ ئۈچۈن، ئوتتۇرا ياشلىق ئاياللار كۆپىنچىسى كالتە چاچ قويۇشنى ياخشى كۆرىدۇ.

ساغلاملىق ۋە تۇرمۇش

بارلىق ھوقوق شىنجاڭ تەمزات مەدىنىيەت تارقىتىش چەكلىك شىركىتى ئاشپەز تور بېكىتىگە تەۋە ئېلان ئالاقە نومۇرى:13999072821 ،新疆塔穆扎提文化传媒有限公司 厨师网站

ئۈرۈمچى شەھىرى 335-نومۇر .ئاقتاش گۇللىكى 6-قەۋەت i ئىشخانا 乌鲁木齐市天山区胜利路355号白玉华庭B座601室

Copyright (c)2009-2020 Www.Axpaz.Cn All rigths | E_Mail: 1436218124@qq.com

تور بېكىتىمىزگە يوللانغان بارلىق تائاملار توردىن يىغىلمىغان بولۇپ، ئەگەررۇخسەتسسىز كۇچۇرسىڭىز قانۇنى جاۋاپكارلىققا تارتىلىسىز ھوقۇق - مەنپەتىمىزگە دەخلى يەتكۇزگەن
ھەرقانداق توربەت سالونلار بولسا دەرھال پاش قىلىپ بىر تەرەپ قىلىنىدۇ .
新ICP备15004026号-1   新公网安备 65010202000516号