ئەسسالامۇ ئەلەيكۇم ، ئاشپەز تور بېكىتىگە بېكىتىگە خۇش كەلدىڭىز : بۈگۈن :
ئاشپەز تورى

ساغلاملىق

نۆۋەتتىكى ئورنىڭىز : 首页 » ساغلاملىق  » خانىم-قىزلار
ئاياللارنىڭ قىرىققا ئۇلاشقاندىكى قېرىشقا قارشى تۇرۇش ئۇسۇللىرى
مەنبەسى : ئاشپەز تورىيوللىغۇچى : تەمزاتبەگ ۋاقتى : 2019-06-12كۆرۈلىشى : قېتىم
   ئاياللار ياش ۋاقتىدا تۇرمۇش ھەلەكچىلىكىدە ئۆتىدۇ؛ لىكىن، ئاران دىگەندە ئىگىلىكى ئازراق تەرەققى قىلىپ، ئائىلە ۋە ئىقتىسادى ئەھۋالى نورمال قىلىپقا چۈشكەندىن كىيىن، گەرچە ئالدىراش تۇرمۇش ھەلەكچىلىكىدىن ئازراق بوشىنالىسىمۇ، ئەمما ياش ۋاقتىدىكى بەدەن ھالىتىنىڭ كەلمەسكە كەتكەنلىكىنى بايقايدۇ.
    بىراق، سىز بۇنىڭدىن ئەنسىرەپ كەتمىسىڭىزمۇ بولىدۇ؛ بۈگۈن بىز سىزگە، قېرىپ كىتىشكە قارشى تۇرۇش ھەققىدىكى بەزىبىر تەكلىپلەرنى ئېلىپ كەلدۇق. چوڭ پۇل خەجلەش كەتمەيدۇ، ئەمما ئوخشاشلا ياش قىزلاردەك ھالىتىڭىزنى ساقلاپ قالالايسىز.
چاچنى ئازراق بوغۇش
    ياز پەسلىدە ھاۋا بەك ئىسسىق بولغاندا ياكى بولمىسا ئۆيدە ئىش قىلغاندا، ئاياللار چېچىنى يۆگىۋىلىشنى ياخشى كۆرىدۇ. بۇ ئۇسۇل قارىماققا قولايلىقتەك كۆرۈنگىنى بىلەن، ئەگەر كۈندە چېچىمىزنى يۆگەپ بوغۇۋالساق ھەمدە بۇنىڭ بىلەن بىرگە بەك چىڭ باغلىۋالساق، چاچ چۈشۈش نىسبىتىنى ئاشۇرۇپ، پىشانىمىزدىكى چاچ سىزىقچىلىرىنىڭ كەينىگە چىكىنىپ كىتىشىنى شەكىللەندۈرىدۇ، بۇنىڭدا سىزنىڭ يېشىڭىزنى ئەلۋەتتە چوڭ كۆرسىتىپ قويىدۇ. شۇڭا چاچ پاسونىڭىزنى ۋاقتىدا ئالماشتۇرۇپ تۇرىشىڭىز ياكى چېچىڭىزنى قويىۋىتىپ بىرلا بوغۇۋىلىشنى تاللىشىڭىز تەۋسىيە قىلىنىدۇ.
پۇتلىرىنى ئالماپ ئولتۇرماسلىق
    نۇرغۇن چوڭلار، كىچىكلەرنىڭ پۇتلىرىنى ئالماپ ئولتۇرۇشىنى ياقتۇرمايدۇ، بۇنىڭ بەلگىلىك ئاساسى بار. چۈنكى، بۇ خىل ئولتۇرۇش ھالىتى ئەدەپسىزلىكنىڭ ئىپادىسى بولۇپلا قالماي، يەنە ئاسانلا قان تۇمۇرلارنىڭ بېسىلىشىنى كەلتۈرۈپ چىقىرىپ، ۋىنرا قان تومۇرلىرىنىڭ ئېگىلىپ سوزۇلۇشىنى كەلتۈرۈپ چىقىرىدۇ؛ ئاياللارغىمۇ ياخشى تەسىر كۆرسەتمەيدۇ.
يۈز قىسمىنى كۆپ سىيلىماسلىق
    بەزى ئاياللار، ھەمىشە ئۆزىمۇ تۇيمىغان ھالدا يۈزلىرىنى سىيلاپ بىرىدۇ ياكى كۆزلىرىنى ئۇۋۇلايدۇ؛ بۇ خىل يۈز تىرە قىسمىغا تىگىشىدىغان قىلمىشلار، تىرىنىڭ تارتىشىشىنى كەلتۈرۈپ چىقىرىپ، يۈز قىسىمدىكى قورۇقچىلارنىڭ سانىنى كۆپەيتىۋىتىدۇ.
ئاپتاپتىن كۆيۈشتە پەقەت يۈز قىسىمنىلا ئاساس قىلىۋالماسلىق
   ئاپتاپتىن ساقلىنىش ئۇقۇمىنىڭ ئومۇملىشىغا ئەگىشىپ، ھازىر ئاز بولمىغان ئاياللار سىرتقا چىققاندا، يۈز قىسمىنىڭ ئاپتاپتا كۆيۈشىدىن ساقلىنىشىغا ئالاھىدە ئەھمىيەت بىرىدۇ. بىراق، بوينى، كۆرەك قىسمى، ھەتتا بىلەكلىرىنىڭمۇ ئاپتاپتا كۆيۈشىدىن ساقلىنىشقا ئەھمىيەت بەرمەك لازىم. بولۇپمۇ بويۇن قىسىم، چۈنكى بويۇن قىسىمدىكى قورۇقچىلار، سىزنىڭ ھەقىقى يېشىڭىزنى ھەر ۋاقىت ئاشكارىلاپ قويۇشى مۇمكىن.
سۈتنى ئازراق ئىچىش
   ھەممەيلەن سۈتنىڭ ئۇزۇقلۇق تەركىبىنى ناھايىتى يۇقىرى دەپ قارايدۇ؛ ئەمىلىيەتتە، سۈتنىڭ ئۇزۇقلۇق قىممىتىدە قىلچىلىك گۇمان يوق؛ بىراق، كالا سۈتى تەركىبىدىكى ھورمۇنلار، ياغ تەركىبلىرىنىڭ ئاجرىلىشىنى كەلتۈرۈپ چىقىرىدۇ. شۇڭا كالا سۈتىنى بەك كۆپ ئىچىۋەتسە، تۈك تۆشۈكچىلىرىنىڭ ئىتىلىپ قېلىشىنى كەلتۈرۈپ چىقىرىپ، چىرايىمىزنى قارىماققا ناھايىتى مايلاش كۆرسىتىپ قويىدۇ. كالا سۈتى ھەممىلا ئادەمنىڭ ئىچىشىگە ماس كىلىدىغان ئەمەس، ئەگەردە تىرىڭىز ياخشى بولمىسا، ئەڭ ياخشىسى كالا سۈتى ئىچمەسلىكىڭىز كىرەك.
ھەركۈنى ئاز دىگەندە 30قېتىم ئولتۇرۇپ قوپۇشنى داۋاملاشتۇرۇش
    ئاياللار 40-30ياشقا ئۇلاشقاندىن كىيىن، ئاستىنقى يېرىم بەدىنىگە گۆش ۋە ياغ تەركىبلەر يېغىلىۋالىدىغان مەسىلىگە دۇچار بولىدۇ. ساغرا قىسمىنى ئۇرۇقلىتىشنى ئويلىشىدىغان ئاياللار، ئولتۇرۇپ قوپۇشنىڭ چوقۇم ئىشلەشكە تىگىشلىك ھەرىكەت ئىكەنلىكىنى ئوبدان بىلىدۇ. ھەر كۈنى 30قېتىم ئولتۇرۇپ قوپۇش ھەرىكىتىنى ئىشلەشنى داۋاملاشتۇرساق، پۇت قىسىمدىكى مۇسكۇللار مىقدارىنى ئاشۇرۇپلا قالماي، يەنە بەدەندىكى ماينى كۆيدۈرۈپ، بەدەن شەكلىڭىزنى تېخىمۇ گۈزەل قىلىدۇ.
سۇغۇق يىمەكلىكلەردىن يېراق تۇرۇش
    ئادەتتە، سۇغۇق يىمەك-ئىچمەكنى ئاز ئىستىمال قىلىش كىرەك؛ چۈنكى، ئادەمنىڭ بەدەن تىمپىراتۇرسى تۆۋەنلەپ كەتسە، بەدەننىڭ مىتابولىزىمىمۇ ئۇنىڭغا ئەگىشىپ تۆۋەنلەيدىغان بولۇپ، ساغلاملىققا ۋە قېرىپ كىتىشنى ئاستىلىتىشقا پايدىسىز بولىدۇ.

ساغلاملىق ۋە تۇرمۇش

بارلىق ھوقوق شىنجاڭ تەمزات مەدىنىيەت تارقىتىش چەكلىك شىركىتى ئاشپەز تور بېكىتىگە تەۋە ئېلان ئالاقە نومۇرى:13999072821 ،新疆塔穆扎提文化传媒有限公司 厨师网站

ئۈرۈمچى شەھىرى 335-نومۇر .ئاقتاش گۇللىكى 6-قەۋەت i ئىشخانا 乌鲁木齐市天山区胜利路355号白玉华庭B座601室

Copyright (c)2009-2018 Www.Axpaz.Cn All rigths | E_Mail: 1436218124@qq.com

تور بېكىتىمىزگە يوللانغان بارلىق تائاملار توردىن يىغىلمىغان بولۇپ، ئەگەررۇخسەتسسىز كۇچۇرسىڭىز قانۇنى جاۋاپكارلىققا تارتىلىسىز ھوقۇق - مەنپەتىمىزگە دەخلى يەتكۇزگەن
ھەرقانداق توربەت سالونلار بولسا دەرھال پاش قىلىپ بىر تەرەپ قىلىنىدۇ .
新ICP备15004026号-1   新公网安备 65010202000516号