ئەسسالامۇ ئەلەيكۇم ، ئاشپەز تور بېكىتىگە بېكىتىگە خۇش كەلدىڭىز : بۈگۈن :
ئاشپەز تورى

ساغلاملىق

نۆۋەتتىكى ئورنىڭىز : 首页 » ساغلاملىق  » خانىم-قىزلار
ئايال كىشىنىڭ يېشىنى تېپىشماققا ئايلاندۇرۇپ قويىدىغان ئادەتلەر
مەنبەسى : ئاشپەز تورىيوللىغۇچى : تەمزاتبەگ ۋاقتى : 2019-04-12كۆرۈلىشى : قېتىم
    بەزىلەرنىڭ دىيىشىچە، ئاياللارنىڭ ئۆز يېشىنى تاپقىلى بولمايدىغان بىر تېپىشماققا ئايلاندۇرۇشى، ئۇلارنىڭ ئەڭ يۇقىرى دەرىجىدىكى "بايلىقنى كۆز-كۆز قىلىش" ئۇسۇلى ھىسابلىنىدىكەن. ھەقىقەتەن شۇنداق، ئۇزۇن مەزگىل گۈزەللىكىدىن قالمايدىغان چىراي، ھەر بىر ئايال كىشىنىڭ ئەڭ چوڭ ئۈمىدى. بەزى ئاياللار، ئەگەر ئىزچىل تۈردە ياش ھەم گۈزەل ھالەتنى ساقلايمىز دىسەك، چوقۇم يىتەرلىك پۇل بار بولۇشى كىرەك، ئەڭ قىممەت يۈز چاپلىقى چاپلاپ، ئەڭ ياخشى نازۇ-نىمەتلەرنى يەپ، ھېچقانداق ئىش قىلماي ئۆزىمىزنى چىرايلىق ياساپ ئۆتۈشنى بىلسەكلا بولىدۇ دەپ قارايدۇ. بىراق، بۇ خىل شارائىتقا ئىگە بولالايدىغانلار ئىنتايىن ئاز بىر قىسىمدا بولۇپ، مۇتلەق كۆپ قىسىم ئاياللار ئادەتتىكىچە تۇرمۇش ئۆتكۈزىدۇ؛ ئۇلار ھەم ئۆي تۇتۇپ ھەم خىزمەت قىلمىسا بولمايدىغان بولۇپ، زىھنىنىڭ ھەممىسىنى چىراي گۈزەللىكىگە قويۇشى مۇمكىن ئەمەس. ئەمما، بۇنداق ئاياللارنىڭمۇ "يېشىنى تېپىشماققا ئايلاندۇرۇش" ھوقۇقى بار بولۇپ، تۆۋەندىكىلەرنى چىقىش نوقتىسى قىلسىڭىز، سىزمۇ ئۇنى ئەمەلگە ئاشۇرالايسز.
تىرىگە ئاسراش قىلىش
   چىراي، بىر ئايال كىشىنىڭ سىرتقى بەلگىسى؛ بىر ئايال كىشىنىڭ چىرايلىق ياكى ئەمەسلىكىگە قاراشتا، ئاۋال ئۇنىڭ چىرايىنىڭ يۇمران، سىلىق، نۇرلۇق ئىكەنلىكى ياكى ئەمەسلىكىگە قارايمىز. قانداق ئەھۋال ئاستىدا ئايال كىشىنىڭ تىرىسىنىڭ ئەھۋالى ناچارلىشىپ كىتىدۇ؟ ئۇلتىرا بىنەپشە نۇر بار، ئەمما ئۇلتىرا بىنەپشە نۇردىن مۇداپىئەلىنىشنى بىلمىگەندە؛ روھى بېسىم ئېغىز، ئەمما بېسىمنى يىنىكلىتىشنى بىلمىگەن ۋاقىتتا؛ تىرە ۋىيتامىنC، ۋىيتامىنE قاتارلىق ئوكسىدلىنىشقا قارشى تۇرۇش تەركىبلىرى ئارقىلىق قېرىشنىڭ ئالدىنى ئېلىشقا تىگىشلىك بولغاندا، يىڭى مىۋە-كۆكتات ئىستىمال قىلىشقا سەل قارىغان ۋاقىتتا ناچارلىشىپ كىتىدۇ. شۇنىڭ ئۈچۈن، تىرىنى ئاسراشتا، ئالدى بىلەن، ئۇلتىرا بىنەپشە نۇردىن مۇداپىئەلىنىش، روھى بېسىمنى يەڭگىللىتىش، ئوكسىدلىنىشقا قارشى تۇرۇشتىن باشلاش كىرەك.
يىمەكلىكتىن كوللاگىنلىق ئاقسىل تۇلۇقلاش
    ھەممىمىزگە مەلۇملۇق، تىرىنىڭ ئۆسۈشى، ياخشىلىنىشى، ئۇزۇقلۇق ۋە ئىلاستىكىلىقى، كېرىلىش كۈچى قاتارلىقلارنىڭ ھەممىسى كوللاگىنلىق ئاقسىل بىلەن زىچ مۇناسىۋەتلىك؛ %75ھەقىقى تىرە قىسمى كوللاگىنلىق ئاقسىلدىن تۈزىلىدىغان بولۇپ، تىرىنىڭ قورۇق چۈشۈشكە قارشى تۇرىشى ۋە نەملىك ساقلىشىنى، كوللاگىنلىق ئاقسىلنىڭ تۆھپىسىدىن ئايرىپ قارىغىلى بولمايدۇ. بىراق، يىللار ئۆتۈپ ياشنىڭ ئېشىشىغا ئەگىشىپ، كوللاگىنلىق ئاقسىلمۇ تەدرىجى ئازىيىپ ماڭىدۇ. كوللاگىنلىق ئاقسىل تۇلۇقلاش، ئاياللارنىڭ ياشلىقىنى ھەم گۈزەللىكىنى ساقلاشتىكى مۇھىم بىر قەدىمى بولۇپ، تۇرمۇشتا بەزىبىر كوللاگىنلىق ئاقسىل تۇلۇقلايدىغان قۇۋۋەت مەھسۇلاتلىرى سېتىۋىلىش ھاجەتسىز، يىمەكلىك ئارقىلىقمۇ، يىتەرلىك بولغان كوللاگىنلىق ئاقسىل تۇلۇقلاشقا بولىدۇ؛ ئادەتتە، كالا سىڭىرى، بېلىق تىرىسى، توخۇ تىرىسى قاتارلىقلاردىكى كوللاگىنلىق ئاقسىلنىڭ مىقدارى بىرقەدەر كۆپ بولۇپ، كۆپرەك ئىستىمال قىلساق بولىدۇ.
"ئاياللار چېيى"نى كۆپرەك ئىچىش
    تىرە، يىتەرلىك بولغان سۇ تەركىبىگە مۇھتاج، شۇنداق بولغاندىلا ئاندىن تىرە يۇمران بولالايدۇ؛ شۇڭلاشقا ئاياللار سۇنى كۆپرەك ئىچىش كىرەك. "ئاياللار چېيى"، بەلكىم سۇغا قارىغاندا تېخىمۇ پايدىلىقراق بولۇشى مۇمكىن؛ مەسىلەن قىزىل گۈل چېيى، زەپە چېيى، ئۈستىقۇددۇس گۈلى چېيى، سامساقگۈل چېيى قاتارلىقلارنىڭ ھەممىسىنىڭ، ئاياللارنىڭ تىرىسىگە قارىتا ئاسراش ۋە گۈزەللەشتۈرۈش رولى بار. ئۇنىڭ ئۈستىگە، "ئاياللار چېيى"نى كۆپرەك ئىچىپ بەرگەندە، قان ئايلىنىشنى ئىلگىرى سۈرۈپ، ھارغىنلىقنى يوقىتىدۇ. چاينىڭ تەركىبىدىكى ئوكسىدلىنىشقا قارشى تۇرۇش تەركىبى بىرقەدەر مول بولۇپ، ھەمىشە ئىچىپ بەرگەندە، تىرىنىڭ قېرىشىنى ئاستىلىتىشقا چوڭ ياردىمى بولىدۇ.
تەبىئى پىروگېستىرونلۇق(黄体酮) يىمەكلىكلەرنى كۆپرەك ئىستىمال قىلىش
   ئاياللار بەدىنىدىكى ھورمۇن سەۋيسى مۇقىم بولۇش، ئۇلارنىڭ ياشلىق مەزگىلىنى ئۇزۇن ۋاقىت ساقلاپ قېلىشى بىلەن زور مۇناسىۋەتلىك. ئەگەر ھورمۇن مىقدارى تۆۋەنلەپ كەتسە، ئاياللار تېىخىمۇ ئاسان قېرىپ كىتىدۇ، تىرىسىمۇ بۇنىڭغا ئەگىشىپ بىللە ناچارلىشىپ كىتىدۇ. ئادەتتە تاماق يەپ ئۇزۇقلانغان ۋاقىتتا، تەبىئى"پىروگېستىرونلۇق" يىمەكلىكلەرنى كۆپرەك ئىستىمال قىلساق، بەدەننىڭ ھورمۇن سەۋيىسىنى مۇقىم ساقلاشقا پايدىلىق. ئۇنداقتا، قايسى خىل يىمەكلىكلەر تەركىبىدە تەبىئى "پىروگېستىرون" كۆپرەك كىلىدۇ؟ قارا پۇرچاق، ئۈجمە، قىزىلمۇچ، كۆكمۇچ، قىزىل پىياز، يىشىل چاي، پالەك قاتارلىق يىمەكلىكلەر تەركىبىدىكى ئاكتىپ ماددىلارنىڭ ھەممىسىنىڭ ئوكسىدلىنىشقا قارشى تۇرۇش رولى بار بولۇپ، ھۈجەيرىنى جانلاندۇرۇپ، بەدەن ئورگانىزىمىنىڭ قېرىپ كىتىشىنى ئاستىلىتىدۇ.

ساغلاملىق ۋە تۇرمۇش

بارلىق ھوقوق شىنجاڭ تەمزات مەدىنىيەت تارقىتىش چەكلىك شىركىتى ئاشپەز تور بېكىتىگە تەۋە ئېلان ئالاقە نومۇرى:13999072821 ،新疆塔穆扎提文化传媒有限公司 厨师网站

ئۈرۈمچى شەھىرى 335-نومۇر .ئاقتاش گۇللىكى 6-قەۋەت i ئىشخانا 乌鲁木齐市天山区胜利路355号白玉华庭B座601室

Copyright (c)2009-2018 Www.Axpaz.Cn All rigths | E_Mail: 1436218124@qq.com

تور بېكىتىمىزگە يوللانغان بارلىق تائاملار توردىن يىغىلمىغان بولۇپ، ئەگەررۇخسەتسسىز كۇچۇرسىڭىز قانۇنى جاۋاپكارلىققا تارتىلىسىز ھوقۇق - مەنپەتىمىزگە دەخلى يەتكۇزگەن
ھەرقانداق توربەت سالونلار بولسا دەرھال پاش قىلىپ بىر تەرەپ قىلىنىدۇ .
新ICP备15004026号-1   新公网安备 65010202000516号