ياخشىمۇسىز ، ئاشپەز تور بېكىتىگە بېكىتىگە خۇش كەلدىڭىز
ئاشپەز تورى

ساغلاملىق

نۆۋەتتىكى ئورنىڭىز : باشبەت » ساغلاملىق  » ئانا-بالىلار
ھامىلدارلىق مەزگىلىدىكى تەكشۈرتۈش ۋاقتىنى قانداق بېكىتىش لازىم
مەنبەسى : ئاشپەز تورىيوللىغۇچى : تەمزاتبەگ ۋاقتى : 2019-11-29كۆرۈلىشى : قېتىم
   ھامىلدار بولغانلىقىنى بايقىغاندىن كېيىن، ئايال كىشى قانۇنىيەتلىك تۈردە ھامىلدارلىق دائىملىق تەكشۈرتۈش قىلدۇرۇشنى باشلىشى كېرەك. تەكشۈرتۈش ۋاقتىنى قانداق بېكىتىش، بىرىنچى قېتىملىق تەكشۈرتۈشنى قايسى ۋاقىتتا قىلدۇرۇش، قانچىلىك ۋاقىتتا بىر تەكشۈرتۈش قاتارلىق مەسىلىلەرگە قارىتا، ئوخشاش بولمىغان دوختۇرخانىلار بەلگىلىگەن كونكرېتنى ۋاقىت ئوخشاش بولمايدۇ، ئەمما چوڭ جەھەتتىكى پىرىنسىپ ۋە يۆنىلىش ئاساسى جەھەتتىن بىردەك بولىدۇ.
بىرىنچى قېتىملىق تەكشۈرتۈشنى قايسى ۋاقىتقا بېكىتىش كېرەك؟
   كۆپ قىسىم دوختۇرخانىلار، بىرىنچى قېتىملىق ھامىلدارلىق دائىملىق تەكشۈرۈشنى، ھامىلدارلىقنىڭ 14-12 ھەپتىسىگە ئورۇنلاشتۇرىدۇ، يەنى بىز ئادەتتە ئېيتىدىغان "ئارخىپ تۇرغۇزۇپ كارتا بىجىرىدىغان ۋاقىت" بولۇپ ھېسابلىنىدۇ.
   لېكىن، بىرىنچى قېتىملىق تەكشۈرتۈشنىڭ ئالدىدا، نۇرغۇن ھامىلدار ئاياللار ئادەتتە ھامىلدارلىق 8-6ھەپتىسىدە، دوختۇرخانىغا بېرىپ، قان تەكشۈرتۈش، فىنون سەۋيىسىنى تەكشۈرتۈش، Bتىپلىق ئۇلتىرا ئاۋاز دولقۇنلۇق ئۈسكۈنە ئارقىلىق بالىياتقۇ ئىچىدە ھامىلدار بولغانلىقىنى جەزىملەشتۈرۈش ھەمدە ھامىيلە يېشىنى جەزىملەشتۈرۈش قاتارلىق تۈرلەر بويىچە تەكشۈرۈش قىلدۇرىدۇ. بۇ گەرچە ھامىلدارلىق مەزگىلىدىكى تۇنجى قېتىملىق دائىملىق تەكشۈرۈش ھېسابلانمىسىمۇ، ئەمما ئىنتايىن مۇھىم.
   چۈنكى، ھامىلدارلىق 14ھەپتىسىدىن بۇرۇن ئېلىپ بېرىلغان Bتىپلىق ئۇلتىرا ئاۋاز دولقۇنلۇق ئۈسكۈنىسىدە تەكشۈرۈشتە، تۆرەلمىنىڭ بالىياتقۇغا ئورۇنلىشىش ھەمدە دەسلەپكى مەزگىللىك يېتىلىش ئەھۋالىنى ئىگىلىگەندىن باشقا، يەنە ھامىيلىنىڭ نىسبەتەن توغرا بولغان ھامىلدار بولۇش ھەپتە سانىنى بېكىتىشكە بولىدۇ؛ بۇنىڭ، بالىنىڭ تۇغۇلۇش ۋاقتىنى ئالدىن پەرەز قىلىشقا قارىتا بولغان پايدىلىنىش قىممىتى بىر قەدەر چوڭ بولىدۇ.
نېمە ئۈچۈن 12-ھەپتىگە بارغاندا ئاندىن ئارخىپ تۇرغۇزىلىدۇ؟
   چۈنكى، ھامىلدارلىق دەسلەپكى مەزگىلىدە، يەنى ھامىلدارلىق 12-ھەپتىسىدىن بۇرۇن، ھامىيلىنىڭ ئەھۋالى تېخى مۇقىملىشىپ بولالمىغان بولۇپ، بەزىبىر تاسادىبىيلىقلار سەۋەبىدىن بالا چۈشۈپ كىتىش ئېھتىماللىقى ھەر ۋاقىت مەۋجۇت؛ %90دىن ئارتۇق كەمتۈكلۈك بار بولغان تۆرەلمە، ھامىلدارلىق دەسلەپكى مەزگىلىدە تەبىئىي ھالدا شاللىنىپ كېتىدۇ. شۇڭا، كۆپ قىسىم دوختۇرخانىلار، ھامىلدارلىق 12-ھەپتىسىدىن كېيىن ئاندىن ھامىلدار ئايالغا ئارخىپ تۇرغۇزۇشقا باشلايدۇ.
تۇنجى قېتىملىق دائىملىق تەكشۈرتۈشنى قايسى ۋاقىتتا قىلدۇرسا ياخشى؟
   2006-يىلى، دۇنيا سەھىيە تەشكىلاتى، ھامىلدار ئاياللارنىڭ ھامىلدارلىق مەزگىلىدە ئاز دېگەندە تۆت قېتىم، يەنى 16-ھەپتىسىنىڭ ئالدىدا، 28-24ھەپتىسىدە، 32-30ھەپتىسىدە، 38-36 ھەپتىسىدە تەكشۈرتۈش قىلدۇرۇشنى تەۋسىيە قىلغان.
   بىراق دۆلىتىمىزنىڭ ئەمەلىي ئەھۋالىغا ئاساسەن، ھامىلدار ئايالنىڭ 6+13-6، 6+19-14، 6+23-20، 6+27-24، 6+31-30، 6+36-33، 6+41-27 ھەپتىلىرىدە تەكشۈرتۈش قىلدۇرۇشى ھەمدە يۇقىرى خەۋپ ئامىلى ساقلانغان ھامىلدار ئاياللارنىڭ تەكشۈرتۈش قېتىم سانىنى مۇۋاپىق تۈردە كۆپەيتىشىنى تەۋسىيە قىلىنىدۇ.
   ئومۇملاشتۇرۇپ ئېيتقاندا، 8-6 ھەپتىلىك بولغاندا، ھامىلدار ئايال دوختۇرخانىغا بېرىپ ھامىلدار بولغانلىقىنى جەزىملەشتۈرۈشى، 20-ھەپتىسىدىن 36-ھەپتىسىگە بولغان ئارىلىقتا ھەر تۆت ھەپتىدە بىر قېتىم تەكشۈرۈش قىلدۇرۇشى، 37-ھەپتىسىدىن باشلاپ ھەر ھەپتىدە بىر قېتىم تەكشۈرۈش قىلدۇرۇشى، ئالدىن پەرەز قىلىنغان تۇغۇت ۋاقتىدىن ئۆتۈپ كەتكەندىن كېيىن ھەر ئۈچ كۈندە بىر قېتىم تەكشۈرۈش قىلدۇرۇشى كېرەك؛ ئەگەر 41 ھەپتىدىن ئېشىپ كەتسە، ھامىلدار ئايالنىڭ دوختۇرخانىدا يېتىپ، تېخنىكىلىق ئۇسۇللار ئارقىلىق مەجبۇرى تۇغدۇرۇشنى قوبۇل قىلىشى تەۋسىيە قىلىنىدۇ.

ساغلاملىق ۋە تۇرمۇش

بارلىق ھوقوق شىنجاڭ تەمزات مەدىنىيەت تارقىتىش چەكلىك شىركىتى ئاشپەز تور بېكىتىگە تەۋە ئېلان ئالاقە نومۇرى:13999072821 ،新疆塔穆扎提文化传媒有限公司 厨师网站

ئۈرۈمچى شەھىرى 335-نومۇر .ئاقتاش گۇللىكى 6-قەۋەت i ئىشخانا 乌鲁木齐市天山区胜利路355号白玉华庭B座601室

Copyright (c)2009-2018 Www.Axpaz.Cn All rigths | E_Mail: 1436218124@qq.com

تور بېكىتىمىزگە يوللانغان بارلىق تائاملار توردىن يىغىلمىغان بولۇپ، ئەگەررۇخسەتسسىز كۇچۇرسىڭىز قانۇنى جاۋاپكارلىققا تارتىلىسىز ھوقۇق - مەنپەتىمىزگە دەخلى يەتكۇزگەن
ھەرقانداق توربەت سالونلار بولسا دەرھال پاش قىلىپ بىر تەرەپ قىلىنىدۇ .
新ICP备15004026号-1   新公网安备 65010202000516号