ياخشىمۇسىز ، ئاشپەز تور بېكىتىگە بېكىتىگە خۇش كەلدىڭىز
ئاشپەز تورى

ساغلاملىق

نۆۋەتتىكى ئورنىڭىز : باشبەت » ساغلاملىق  » ئانا-بالىلار
بالىغا تەربىيە ئىشلەشنىڭ ئەڭ ياخشى پەيتلىرى
مەنبەسى : ئاشپەز تورىيوللىغۇچى : تەمزاتبەگ ۋاقتى : 2019-11-28كۆرۈلىشى : قېتىم
   1. يېڭى ئوقۇش مەۋسۇمى باشلانغان ۋاقىت. يېڭى ئوقۇش يىلى، يېڭى ئوقۇش مەۋسۇمى باشلانغان ۋاقىتتا ياكى بالا يېڭى بىر ئوقۇش مۇھىتىغا كىرگەن ۋاقىتتا، ئۇلاردا بىر خىل يېڭىچە ئاڭ، يېڭىچە ئىقتىدار بار بولىدۇ؛ بۇ ۋاقىتتا، ئاتا-ئانىلار ۋەزىيەتكە قاراپ يىتەكلەش ئېلىپ بارسا، چوقۇم ياخشى ئۈنۈمگە ئېرىشەلەيدۇ.
   2. بالا خۇشاللىق تۇيغۇسىدىن ھۇزۇرلىنىۋاتقان ۋاقىت. ئاتا-ئانىلار ئەگەر رىغبەتلەندۈرۈپ تەبرىكلەش ئاساسىدا، بالىغا قارىتا كونكرېتنى تەلەپلەرنى ئوتتۇرىغا قويسا، قانائەتلىنەرلىك ئۈنۈمگە ئېرىشەلەيدۇ.
   3. بالا ئازابلىنىپ كۆڭلى يېرىم بولغان ۋاقىت. بۇ ۋاقىتتا، ئاتا-ئانىلار ئەگەر تەشەببۇسكار ھالدا، سۇغۇققانلىق، كەڭ قوساقلىق ۋە ھېسداشلىق قىلىپ پوزىتسىيەسىدا، بالىغا قارىتا چۈشەندۈرۈش بەرسە، بالىدا مىننەتدار بولۇش تۇيغۇسى شەكىللىنىپ، ئاتا-ئانىلارنىڭ نەسىھىتىنى ئاسانلا قوبۇل قىلىدۇ.
   4. مۇئەللىم ئائىلە زىيارىتىگە كەلگەن ۋاقىت. ئاتا-ئانىلار بالىلارنىڭ ئارتۇقچىلىقىنى مۇئەللىمگە سۆزلەپ بىرىشى لازىم؛ بۇنىڭ بىلەن بىر ۋاقىتتا، بالىنى مۇئەللىمگە "چېقىشتۇرۇش" ئۈچۈن ئەمەس، بەلكى ئۈمىد كۈتكەن ئاھاڭدا بالىلارنىڭ كەمچىلىكلىرىنى كۆرسىتىپ ئۆتۈش لازىم.
   5. بالا قىيىنچىلىققا ياكى مەغلۇبىيەتكە ئۇچرىغان ۋاقىت. بۇ ۋاقىتتا، ئاتا-ئانىلار بالىنى ئەيىبلەپ ئاچچىقلانماسلىقى كېرەك؛ ئەكسىچە، ئۇنىڭ نەتىجىلىرىنى جەزىملەشتۈرۈپ، يىتەرسىز بولغان تەرەپلىرىنى كۆرسىتىپ بىرىش ئارقىلىق، بالىنىڭ قىيىنچىلىق مەزگىلىدىن ئۆتۈپ كېتىشىگە ياردەم قىلىشى كېرەك.
   6. بالىدا چوڭراق خاتالىق كۆرۈلگەن ۋاقىت. بۇ ۋاقىتتا، بالىلار ئاتا-ئانىسىنىڭ توغرا چۈشىنىشىگە ۋە ھېسداشلىق تۇيغۇسىدا بولۇشىغا ئەڭ ئېھتىياجلىق بولىدۇ؛ كۆپىنچە ۋاقىتلاردا، داۋلى سۆزلەپ قايىل قىلىش، ئاچچىقلىنىپ ئەيىبلىگەنگە قارىغاندا تېخىمۇ ياخشى ئۈنۈم بىرىدۇ.
   7. بالىلاردا مەلۇم بىر ئىشقا قارىتا قىزىقىش شەكىللەنگەن ۋاقىت. ئاتا-ئانىلار، بالىلارنى ئاكتىپ ھالدا قوللاپ ۋە رىغبەتلەندۈرۈپ، ئۇلارنىڭ قىزىقىشىدىن پايدىلىنىپ، ئۇلارنىڭ بىلىم ئىزدىشىگە تۈرتكە بولۇشى ھەمدە ئۇلارنىڭ تېخىمۇ چوڭقۇرلىغان ئاساستا تەتقىق قىلىشىغا ئىلھام بىرىشى كېرەك.
   8. بىرقەدەر چوڭراق بولغان كوللىكتىپ پائالىيەتكە قاتناشقان ۋاقىت. بۇ ۋاقىت، بالىلارغا قائىدە-تۈزۈمگە رىئايە قىلىشنى، كوللىكتىن ئۈچۈن شەرەپ يارىتىش كېرەكلىكىنى ھەمدە كوللىكتىپ تۇيغۇسىنى يىتىلدۈرۈشنى ئۆگىتىدىغان ئەڭ ياخشى پۇرسەتتۇر.
   9. باشقىلار ياخشى نەتىجە قازانغان ۋاقىت. بۇنداق ۋاقىتتا، بالىلارمۇ كۆپىنچە كۆڭلىدە "مەنمۇ چوقۇم ياخشى نەتىجىگە ئېرىشىمەن دەپ" ئىرادە تىكلەيدۇ؛ ئاتا-ئانىلار بۇ پۇرسەتتىن ياخشى پايدىلىنىپ، بالىغا قارىتا مۇۋاپىق تۈردە نىشان كۆرسىتىپ بىرىشى ھەمدە بۇ ئارقىلىق ئۇلارنىڭ بىر دەملىك قىزغىنلىقىنى ئۇزۇنغا سوزۇلغان ھەرىكەتلەندۈرۈشكە ئايلاندۇرۇشى كېرەك.
   10. سىرتقا مېھمانغا بارغان ياكى ئۆيگە مېھمان كەلگەن ۋاقىت. ئادەتتە، بالىلار ياخشى گەپلەرنى ئاڭلاشنى ياخشى كۆرىدۇ ھەمدە باشقىلارنىڭ ئالدىدا يۈزى چۈشۈپ كېتىشنى خالىمايدۇ. شۇڭا بۇنداق ۋاقىتتا، بالىلارنىڭ غۇرۇرىنى قوغداشقا دىققەت قىلىپ، مېھمان ئالدىدا بالىلارنىڭ "يېتەرسىز تەرەپلىرى"نى ئاشكارىلىماسلىق كېرەك ھەمدە بالىلارنىڭ ئارتۇقچىلىقىنى كۆپرەك سۆزلەپ، كۈتىدىغان ئۈمىدىنى مۇۋاپىق تۈردە ئوتتۇرىغا قويسا بولىدۇ.

ساغلاملىق ۋە تۇرمۇش

بارلىق ھوقوق شىنجاڭ تەمزات مەدىنىيەت تارقىتىش چەكلىك شىركىتى ئاشپەز تور بېكىتىگە تەۋە ئېلان ئالاقە نومۇرى:13999072821 ،新疆塔穆扎提文化传媒有限公司 厨师网站

ئۈرۈمچى شەھىرى 335-نومۇر .ئاقتاش گۇللىكى 6-قەۋەت i ئىشخانا 乌鲁木齐市天山区胜利路355号白玉华庭B座601室

Copyright (c)2009-2018 Www.Axpaz.Cn All rigths | E_Mail: 1436218124@qq.com

تور بېكىتىمىزگە يوللانغان بارلىق تائاملار توردىن يىغىلمىغان بولۇپ، ئەگەررۇخسەتسسىز كۇچۇرسىڭىز قانۇنى جاۋاپكارلىققا تارتىلىسىز ھوقۇق - مەنپەتىمىزگە دەخلى يەتكۇزگەن
ھەرقانداق توربەت سالونلار بولسا دەرھال پاش قىلىپ بىر تەرەپ قىلىنىدۇ .
新ICP备15004026号-1   新公网安备 65010202000516号